గుండె నిండా గుడి గంటలు సీరియల్ లో ఈరోజు ఎపిసోడ్ చాలా ఉత్కంఠభరితంగా ఉంది. మీనా బాలు కోసం మందు కలిపిన జ్యూస్ ప్రభావతి తాగడంతో కథలో ట్విస్ట్ వచ్చింది. ఇక మీనా ఎలాంటి కష్టాలను ఎదుర్కొంటుందో చూడాలి.
Key Points
ప్రభావతి బాలు కోసం మీనా చేసిన మందు కలిపిన జ్యూస్ తాగింది.
మీనా బాలుకు మందు ఇవ్వాలని ప్రయత్నించింది, కానీ ప్రభావతి అడ్డుకుంది.
గుణ, మీనాను అవమానించాడు, ఆమె కొత్త ఉద్యోగం కోసం వెతకడం ప్రారంభించింది.
బాలు తన మందు సమస్య గురించి తండ్రితో మాట్లాడాలని కోరుకుంటున్నాడు.
ప్రభావతి యొక్క అనుకోని చర్య
గుండె నిండా గుడి గంటలు సీరియల్ ఈరోజు అంటే 493వ ఎపిసోడ్ మొత్తం బాలు కోసం మీనా నాటుమందు తేవడం, అది కాస్తా ప్రభావతి తీసుకోవడం, ఆ తర్వాత మీనాకు కొత్త కష్టం రావడం చుట్టే తిరిగింది. బాలును మార్చుకోవాలన్న మీనా ప్లాన్ అడ్డం తిరుగుతుంది.
గుండె నిండా గుడి గంటలు సీరియల్ గురువారం (ఆగస్టు 21) ఎపిసోడ్ మీనాను గుణ అవమానించే సీన్ తో మొదలవుతుంది. మీ ఆయన గురించే ఊరంతా మాట్లాడుకుంటున్నారు.. టీవీల్లోనూ చూపిస్తున్నారు.. ఇక మీదట ఇలా తాగొద్దు.. తాగినా కారు నడిపొద్దు అని ఆయనకు చెప్పు.. ఎంతైనా ఆయన బాగోగులు చూసుకోవాల్సింది నువ్వే కదా.. ఇప్పుడు చూడు ఆయన కారు లాక్కొని ఏ సంపాదన లేకుండా చేశారు..
ఇక నువ్వే సంపాదించాలి.. వెళ్లి ఆ పని చూసుకోపో అంటూ గుణ చాలా అవమానకరంగా మాట్లాడి వెళ్లిపోతాడు. ఆ తర్వాత మీనా పూలు ఇవ్వడానికి వెళ్తుంది. అక్కడి వాళ్లు కూడా బాలు గురించే మాట్లాడతారు. అయితే బాలు మందు మాన్పించడానికి ఓ నాటు వైద్యుడు ఉన్నాడని, తన భర్త కూడా అది తీసుకున్న తర్వాతే పూర్తిగా మందు మానేశాడని అక్కడి అక్క చెప్పడంతో మీనా తనకు కూడా కావాలని అంటుంది.
ఆ నాటు వైద్యుడు ఇచ్చిన మందు తీసుకొని ఇంటికి వస్తుంది మీనా. బాలు కోసం జ్యూస్ చేస్తుంది. అందులో ఆ మందు కలుపుతుంది. ఇంతలో సత్యం ఫోన్ చేసి బయటకు రమ్మనడంతో వెళ్తుంది. తన ఫ్రెండ్ నుంచి కొత్త పూల ఆర్డర్ వచ్చిందని, ఇదిగో అడ్వాన్స్ అని చెప్పి సత్యం ఆమెకు డబ్బులు ఇస్తాడు.
మీనా యొక్క కష్టాలు
దీంతో ఆమె చాలా సంతోషిస్తుంది. ఈలోపు బాలు వచ్చాడా అని సత్యం అడుగుతాడు. ఇంకా రాలేదంటుంది. వాడు కూడా మారితే బాగుంటుందని సత్యం వెళ్లిపోబోగా బాలు అడ్డు వస్తాడు. అతడు మాట్లాడినా పట్టించుకోకుండా సత్యం వెళ్లిపోతాడు.
అటు కిచెన్ లోకి వెళ్లిన ప్రభావతి అక్కడ జ్యూస్ ఉండటం చూస్తుంది. ఈ జ్యూస్ బాలు కోసమే మీనా చేసి ఉంటుంది.. వాడికి అవసరమా అంటూ తానే తాగేస్తుంది. అప్పుడే బాలు ఇంట్లోకి వచ్చి కిచెన్ లోకి వెళ్తున్న మీనాను ఆపి నాన్న నా గురించి ఏదో అడుగుతున్నాడని అంటాడు. మీకోసం పండ్లు తీసుకొచ్చి జ్యూస్ చేసి ఇవ్వమన్నాడు అని మీనా అబద్ధం చెబుతుంది. అయితే వెంటనే తీసుకురా తాగేస్తా అని బాలు పైకి వెళ్తాడు.
అయితే మీనా కిచెన్ లోకి వచ్చేసరికే ప్రభావతి మొత్తం జ్యూస్ తాగేస్తుంది. దీంతో మీనా షాక్ తింటుంది. ఆ జ్యూస్ అని చెప్పబోయే సరికి తెలుసు బాలు కోసమే చేశావని, నీళ్లు కూడా లేకుండా చాలా చిక్కగా చేశావని ప్రభావతి అంటుంది. మీనా ఆందోళన చెందుతూ దానికి విరుగుడు కోసం ఆ పూల అక్క దగ్గరికి బయలుదేరుతుంది.
ఇటు ప్రభావతి ఇంటికా కామాక్షి వస్తుంది. మీ ఇంట్లో ఏవేవో జరుగుతున్నాయి కదా.. ఆ వీడియోలు నువ్వే తీసి ఇంటర్నెట్ లో పెడితే నీకే డబ్బులు వస్తాయి కదా.. వాడెవడో మీ ఇంటి వీడియో వైరల్ చేసి సంపాదిస్తున్నాడు అని ప్రభావతిని దెప్పిపొడుస్తుంది. ఈలోపు ప్రభావతికి నాటు మందు ఎఫెక్ట్ మొదలవుతుంది. కామాక్షి మాట్లాడుతుండగానే పదేపదే బాత్రూమ్ కు వెళ్తుంది.
బాలు మరియు తండ్రి మధ్య సంఘర్షణ
తనకు కడుపులో మంటగా ఉందని అంటే ఎవరికైనా పెట్టకుండా నువ్వే తిన్నావా అని కామాక్షి అంటుంది. అటు మనోజ్, సత్యం కూడా వచ్చి చూసేసరికి ప్రభావతి పదేపదే బాత్రూమ్ కు వెళ్తూ ఉంటుంది. చివరికి బెడ్ పై పడిపోతుంది. అది చూసిన బాలు డాక్టర్ ను తీసుకురావడానికి వెళ్తాడు.
ఇటు ప్రభావతికి విరుగుడు మందు కోసం మీనా ఆ పూల అక్క దగ్గరికి వెళ్తుంది. అక్కడ జరిగిన విషయం చెప్పడంతో తన దగ్గర ఉన్న విరుగుడు మందును ఆమె ఇస్తుంది. దీనిని ఎందులో అయినా కలిపి ఇస్తే తగ్గిపోతుంది.. ప్రాణానికైతే ప్రమాదం ఉండదు కానీ బాగా విరేచనాలు అవుతాయని ఆమె చెబుతుంది. దీంతో మీనా టెన్షన్ పడుతుంది.
ఇంటికి వచ్చేసరికి ప్రభావతిని డాక్టర్ చూసి వెళ్లిపోతుంది. అందరూ ఆందోళనపడుతుండటం చూసి మీనా ఏమైందని అడుగుతుంది. మోషన్స్ అయ్యాయని చెప్పడంతో మందు ప్రభావమే అనుకొని వెంటనే తన విరుగుడు మందును కలిపిన జ్యూస్ చేసుకొని వస్తుంది.
అది చూడగానే తనకు అంతకుముందు జ్యూస్ తాగడం వల్లే ఇలా జరిగిందని ప్రభావతికి గుర్తుకు వస్తుంది. దీంతో మీనా జరిగింది చెప్పాల్సి వస్తుంది. అది మా ఆయన కోసం కలిపిన జ్యూస్.. అందులో మందు కలిపానని చెప్పడంతో ఇంట్లో వాళ్లందరూ షాక్ తింటారు. అక్కడితో ఇవాళ్టి ఎపిసోడ్ ముగుస్తుంది.
చివరిగా, ప్రభావతి చేసిన పనితో మీనాకు కొత్త సమస్యలు తలెత్తుతాయి. బాలు తన సమస్యను పరిష్కరించుకోవడానికి ప్రయత్నిస్తున్నాడు. ఈ ఎపిసోడ్ ఆసక్తికరంగా ముగుస్తుంది.
