📌 Key Points
- ఇరాన్పై అమెరికా, ఇజ్రాయెల్ యుద్ధం కొనసాగే అవకాశం ఉందని నివేదికలు.
- ట్రంప్ అంచనా వేసిన దానికంటే ఎక్కువ కాలం యుద్ధం కొనసాగవచ్చని పొలిటికో పేర్కొంది.
- సెప్టెంబర్ వరకు యుద్ధం జరిపేందుకు అదనపు సిబ్బందిని పంపాలని యూఎస్ సెంట్రల్ కమాండ్ కోరింది.
- యుద్ధానికి అమెరికాలోని అనేక విభాగాలు సిద్ధంగా లేవని అధికారులు తెలిపారు.
ఇరాన్పై అమెరికా, ఇజ్రాయెల్ సంయుక్తంగా చేస్తున్న యుద్ధం ఇప్పట్లో ఆగేలా కనిపించడం లేదు. ఈ యుద్ధం ట్రంప్ అంచనా వేసిన దానికంటే ఎక్కువ కాలం కొనసాగే అవకాశం ఉందని తెలుస్తోంది. దీనికి సంబంధించిన మరిన్ని వివరాలు ఇప్పుడు చూద్దాం.
యుద్ధం ఎంతకాలం కొనసాగవచ్చు?
ఇరాన్పై అమెరికా, ఇజ్రాయెల్ చేస్తున్న యుద్ధం ఇప్పట్లో ఆగేలా కనిపించట్లేదు. అమెరికా అధ్యక్షుడు డొనాల్డ్ ట్రంప్ యుద్ధం 4-5 వారాలు ఉండొచ్చని చెప్పినప్పటికీ, వాస్తవంలో పరిస్థితులు అంతకంటే ఎక్కువ కాలం కొనసాగవచ్చని తెలుస్తోంది. తాజాగా, అమెరికాకు చెందిన ప్రముఖ మీడియా సంస్థ పొలిటికో ప్రకారం.. ఇరాన్పై జరుగుతున్న యుద్ధం ట్రంప్ ప్రభుత్వం మొదట్లో అంచనా వేసిన దానికంటే ఎక్కువకాలం ఉండవచ్చని పేర్కొంది. గత వారాంతం అమెరికా, ఇజ్రాయెల్ కలిసి ఇరాన్పై దాడులు ప్రారంభించిన సమయంలో, ఈ ఆపరేషన్ దాదాపు 4-5 వారాల పాటు కొనసాగుతుందని అభిప్రాయపడ్డారు. కానీ, ఈ నాలుగైదు రోజుల పరిణామాలను బట్టి యూఎస్ నేషనల్ సెక్యూరిటీ నుంచి వస్తున్న సంకేతాలు యుద్ధం ముగిసేందుకు ఎక్కువ సమయమే పడుతుందని సూచిస్తున్నాయి.
పెంటగాన్ అంతర్గత ఉత్తర్వులను పేర్కొన్న పొలిటికో, యూఎస్ సెంట్రల్ కమాండ్ ఇరాన్పై కనీసం 100 రోజులు, బహుశా సెప్టెంబర్ వరకు యుద్ధం జరిపేందుకు అడిషనల్ మిలిటరీ ఇంటెలిజెన్స్ ఆఫీసర్లను పంపాలని కోరింది. యుద్ధంతో ముడిపడి ఉన్న అడిషనల్ మిలిటరీ ఇంటెలిజెన్స్ సిబ్బంది కోసం సెంట్రల్ కమాండ్ కోరడం ఇదే మొదటిసారి అని పొలిటికో అభిప్రాయపడింది. నిజానికి యుద్ధానికి సంబంధించి అమెరికా ప్రభుత్వంలోని అనేక విభాగాలు కూడా పూర్తిస్థాయిలో సిద్ధంగా లేవని అధికారులు చెప్పినట్టు పొలిటికో పేర్కొంది. మాజీ అమెరికా దౌత్యవేత్త జెరాల్డ్ ఫీయర్స్టెయిన్ పొలిటికోతో మాట్లాడుతూ.. ఈ ప్రక్రియ అనూహ్యంగా జరిగినట్లుగా అనిపించింది. మొదట తాత్కాలిక ఆపరేషన్గానే భావించారు. యుద్ధం ఉంటుందని ఎవరూ అనుకోలేదు. శనివారం(ఫిబ్రవరి 28) ఉదయం మేల్కోగానే యుద్ధం ప్రారంభించాలని నిర్ణయించుకున్నట్టు అనిపిస్తుందన్నారు.
అమెరికా అంచనాలు ఏమిటి?
సిద్ధంగా లేని అమెరికా విభాగాలు?
అమెరికా, ఇరాన్ మధ్య ఉద్రిక్త పరిస్థితులు కొనసాగుతున్నాయి. యుద్ధం మరింత కాలం కొనసాగే అవకాశం ఉండటంతో అంతర్జాతీయంగా ఆందోళన నెలకొంది. భవిష్యత్తు పరిణామాలు వేచి చూడాలి.
