📌 Key Points
- సుమ అడ్డా షోలో వర్ష ఎమోషనల్ కామెంట్స్ వైరల్.
- మళ్లీ జన్మంటూ ఉంటే ఆడపిల్లగా వద్దన్న వర్ష.
- రాంప్రసాద్, బుల్లెట్ భాస్కర్ ముందు వర్ష కన్నీటి పర్యంతం.
- జబర్దస్త్ వర్ష గత జీవితంలో బాధలు గుర్తు చేసుకుని ఎమోషనల్.
జబర్దస్త్ వర్ష గురించి ఒక షాకింగ్ న్యూస్! సుమ అడ్డాలో ఆమె చేసిన కామెంట్స్ ఇప్పుడు వైరల్ అవుతున్నాయి. అసలు వర్ష ఎందుకు అంత ఎమోషనల్ అయ్యింది? ఈ స్టోరీలో తెలుసుకోండి.
వర్ష కన్నీళ్లకు కారణం ఏమిటి?
జబర్దస్త్ వర్ష.. జబర్దస్త్ కామెడీ షోతో గుర్తింపు తెచ్చుకుంది. స్టార్ కమెడియన్గా మారిపోయింది. ఆమె ఇమ్మాన్యుయెల్తో జోడీ కట్టి జబర్దస్త్ షోలో చేసే కామెడీ ఆద్యంతం నవ్వులు పూయించింది. ఇమ్మాన్యుయెల్తో కెమిస్ట్రీ బాగా పండటంతోపాటు ఈ జంటకి విశేషమైన క్రేజ్ లభించింది. సుడిగాలి సుధీర్, రష్మి జంట తర్వాత ఆ స్థాయిలో గుర్తింపు, క్రేజీ వీరికే వచ్చిందని చెప్పొచ్చు.
ఆ తర్వాత వీరిద్దరి విషయంలోనే అనేక కామెంట్లు, ట్రోల్స్ వచ్చాయి. దీంతో కొన్నాళ్లు షోకే దూరమయ్యింది వర్ష. ఆ తర్వాత అందరి సపోర్ట్ తో, ఫ్యామిలీ సహకారంతో మళ్లీ షోలోకి వచ్చింది. ఆద్యంతం ఆకట్టుకుంటుంది. జబర్దస్త్ తోపాటు ఇతర షోస్లోనూ మెరుస్తూ అలరిస్తోంది. అంతేకాదు ఓ ఛానెల్లో సెలబ్రిటీ ఇంటర్వ్యూలు కూడా చేస్తుంది. బుల్లితెరపై అత్యధిక పారితోషికం అందుకుంటున్న నటీమణుల్లో ఒకరుగా రాణిస్తోంది వర్ష.
సుమ అడ్డాలో వర్ష సంచలన వ్యాఖ్యలు!
తాజాగా జబర్దస్త్ వర్ష ఒక్కసారిగా బరస్ట్ అయ్యింది. తన బాధని పంచుకుంది. తనకు మళ్లీ జన్మ అంటూ ఉంటే ఆడపిల్లగా పుట్టొద్దు అని చెప్పింది. ఆడపిల్లగా పుట్టను అని, అసలీ జన్మే వద్దు అంటూ ఆమె ఆవేదన వ్యక్తం చేసింది. రామ్ ప్రసాద్, బుల్లెట్ భాస్కర్, నూకరాజు, యాంకర్ సుమ ముందే ఆమె తన ఆవేదన వ్యక్తం చేసింది. కన్నీళ్లు పెట్టుకుంది. ఇంతకి ఏం జరిగిందంటే.
ఆడపిల్లగా పుట్టడంపై వర్ష ఆవేదన!
సుమ కనకాల యాంకర్గా నిర్వహిస్తున్న సుమ అడ్డా 369వ ఎపిసోడ్కి సంబంధించిన ప్రోమో వచ్చింది. ఇందులో రాంప్రసాద్, బుల్లెట్ భాస్కర్, నూకరాజు, చలాకీ చంటి, ఫైమా, జబర్దస్త్ వర్ష పాల్గొన్నారు. వీరు చేసిన కామెడీ నవ్వులు పూయించింది. తమదైన ఫన్నీ యాక్టివిటీస్, పంచ్ డైలాగ్ లతో నవ్వించారు. చివర్లో సుమ.. మీ పాస్ట్(గతం)లోనుంచి ఏదైనా ఒక విషయం మార్చుకునే ఛాన్స్ వస్తే, మీరు ఏం మార్చుకుంటారని అడిగింది. ఇందులో జబర్దస్త్ వర్ష స్పందిస్తూ, ఇంకో జన్మంటూ ఉంటే ఎప్పటికీ ఆడపిల్లగా పుట్టకూడదు. ఈ మొఖం వెనుక చాలా బాధ ఉంది అక్కా, చాలా కష్టం ఉంది. మళ్లీ జన్మంటూ ఉంటే ఆడపిల్లగా పుట్టొద్దు, అసలీ జన్మే వద్దు` అంటూ కన్నీరు మున్నీరైంది వర్ష. తాజాగా విడుదలైన సుమ అడ్డా ప్రోమో వైరల్ అవుతుంది.
జబర్దస్త్ వర్ష ఎమోషనల్ కామెంట్స్తో ఒక్కసారిగా వార్తల్లో నిలిచింది. మరిన్ని అప్డేట్స్ కోసం చూస్తూ ఉండండి. త్వరలోనే పూర్తి వివరాలు అందిస్తాం.
