విజయ్ ‘జన నాయగన్’: విడుదలకు అడ్డంకులు! ఆ తేదీపైనే మేకర్స్ ఆశలు!!

Published: 02-02-2026, 6:35 AM

📌 Key Points

విజయ్ నటించిన ‘జన నాయగన్’ విడుదల తేదీపై సందిగ్ధత కొనసాగుతోంది.
సెన్సార్ బోర్డుతో న్యాయపరమైన పోరాటాల కారణంగా విడుదల ఆలస్యమవుతోంది.
సినిమాలోని 20 నిమిషాల ఫుటేజ్ తొలగించి, కొన్ని డైలాగ్స్ మ్యూట్ చేయనున్నట్లు సమాచారం.
విజయ్ తన రాజకీయ భవిష్యత్తు కోసం ఈ సినిమా తర్వాత సినిమాలకు స్వస్తి చెప్పనున్నారు.

విజయ్ దళపతి నటించిన ‘జన నాయగన్’ సినిమా విడుదల తేదీపై ఇంకా స్పష్టత రాలేదు. సెన్సార్ సమస్యల కారణంగా సినిమా విడుదల వాయిదా పడుతూ వస్తోంది. ఈ సినిమా తర్వాత విజయ్ రాజకీయాలపై దృష్టి పెట్టనున్నారు.

విడుదల తేదీపై కొనసాగుతున్న సందిగ్ధత

Jana Nayagan:ప్రముఖ కోలీవుడ్ స్టార్ హీరో విజయ్ దళపతి (Vijay thalapathy).. హెచ్ వినోత్ (H.Vinoth) దర్శకత్వంలో చేసిన చిత్రం ‘జననాయగన్’. ఈ చిత్రాన్ని తెలుగులో జన నాయకుడు.. హిందీలో జననేత అంటూ జనవరి 9వ తేదీన సంక్రాంతి సందర్భంగా విడుదల చేయాలనుకున్నారు. కానీ విడుదల తేదీ విషయంలో గత కొంతకాలంగా ఏర్పడిన గందరగోళ పరిస్థితులు ఇటు అభిమానులను కూడా అయోమయంలో పడేశాయి.

ముఖ్యంగా సెన్సార్ బోర్డుతో జరుగుతున్న న్యాయ పోరాటాల కారణంగానే ఎప్పటికప్పుడు సినిమా విడుదల ఆలస్యం అవుతూ వస్తోంది. అన్నీ సవ్యంగా జరిగితే ఫిబ్రవరి నెలలోనే ఈ సినిమాను తీసుకురావాలనుకున్నారు. కానీ మళ్ళీ వాయిదా పడింది. దాంతో కన్నడ స్టార్ హీరో యష్ హీరోగా నటిస్తున్న టాక్సిక్ సినిమా రిలీజ్ తేదీన అనగా మార్చి 19న ఈ సినిమాను విడుదల చేయాలనుకుంటున్నారు అంటూ వార్తలు రాగా.. లేదు ఈ నెలలోనే రిలీజ్ చేయాలని ప్రయత్నాలు చేస్తున్నారు మేకర్స్.

సెన్సార్ బోర్డుతో న్యాయ పోరాటం

ఇప్పటికే ఈ సినిమాను సెన్సార్ బోర్డు సమర్పించినప్పటికీ కొన్ని అభ్యంతరాలు ఏర్పడడం వల్లే సెన్సార్ పనులు పెండింగ్లో ఉండిపోయాయి. మద్రాస్ హైకోర్టులో ఈ సెన్సార్ వివాదంపై ఇప్పుడు విచారణ జరుగుతోంది. కోర్టు నుంచి తుది తూర్పు వెలువడిన తర్వాతే సెన్సార్ సర్టిఫికెట్ లభిస్తుంది కాబట్టి అప్పటివరకు అధికారికంగా చిత్ర బృందం ఏ విషయాన్ని కూడా దృవీకరించలేరు. అయితే ఇలాంటి సమయంలో ఇప్పుడు తాజాగా అందుతున్న సమాచారం ప్రకారం ఈ సినిమాను ఫిబ్రవరి నెలలోనే విడుదల చేయాలని నిర్మాతలు భావిస్తున్నారు.

రాజకీయాలపై విజయ్ దళపతి దృష్టి

విజయ్ దళపతి సినిమా కెరియర్ విషయానికి వస్తే.. ఇది ఆయన కెరియర్ లో చివరి చిత్రం కావడం గమనార్హం. ఈ సినిమా పూర్తి చేసి ఆయన తన జీవితాన్ని పూర్తిగా రాజకీయానికే పరిమితం చేయబోతున్నట్లు తెలుస్తోంది. ఇప్పటికే టీవీకే పార్టీని స్థాపించారు విజయ్ దళపతి. ఈ పార్టీతో వచ్చే ఎన్నికలలో తమిళనాడులో అధికారంలోకి రావాలని ఆయన గట్టి ప్రయత్నాలు చేస్తున్నారు. అందులో భాగంగానే ఇప్పటికే పలు ప్రచారాలు నిర్వహిస్తూ ప్రజలలో పార్టీని బలోపేతం చేసే ప్రయత్నం చేస్తున్నారు. కానీ ఇలాంటి సమయంలో ఆయన సినిమా విడుదల ఆగిపోవడం అభిమానులు తట్టుకోలేకపోతున్నారు. ఇప్పుడు గనుక మేకర్స్ వెనక్కి తగ్గకపోతే ఈ సినిమా విడుదల చేయడం ఒక కుదరని పని అని కూడా కామెంట్లు చేస్తున్నారు. ఎందుకంటే మరి కొన్ని రోజుల్లో తమిళనాడులో ఎన్నికల తేదీలు ప్రకటించే అవకాశం ఉంది ..ఒకవేళ ఇదే జరిగితే ఈ సినిమా విడుదల ఇక వాయిదా పడే అవకాశాలైతే స్పష్టంగా కనిపిస్తున్నాయి. మరి నిర్మాతలు ఎలాంటి నిర్ణయం తీసుకుంటారో చూడాలి.

మొత్తానికి విజయ్ దళపతి తన చివరి సినిమాతో ప్రేక్షకుల ముందుకు ఎప్పుడు వస్తారో చూడాలి. రాజకీయ భవిష్యత్తు కోసం ఆయన తీసుకునే నిర్ణయాలు ఆసక్తికరంగా మారాయి.