📌 Key Points
- సోషల్ మీడియా వ్యూస్ కోసం సెలబ్రిటీల పేర్లను వాడుకుంటున్నారని జాన్వీ కపూర్ ఫైర్!
- అర్జున్ కపూర్ బాడీ షేమింగ్, యాక్టింగ్ ట్రోల్స్పై జాన్వీ ఎమోషనల్ కామెంట్స్.
- రామ్ చరణ్ ‘పెద్ది’ మూవీలో జాన్వీ కపూర్ హీరోయిన్, బుచ్చిబాబు దర్శకత్వం.
- ‘పెద్ది’ మూవీ ఏప్రిల్ 30న విడుదల కానుంది, భారీ అంచనాలు నెలకొన్నాయి.
బాలీవుడ్ బ్యూటీ జాన్వీ కపూర్ సోషల్ మీడియా ట్రోల్ల్స్ పై ఘాటుగా స్పందించారు. తన సోదరుడు అర్జున్ కపూర్ పై వస్తున్న ట్రోల్స్ గురించి కూడా మాట్లాడారు. అంతేకాకుండా రామ్ చరణ్ తో చేస్తున్న ‘పెద్ది’ మూవీ అప్డేట్స్ కూడా వైరల్ అవుతున్నాయి.
నెగెటివ్ కామెంట్స్పై జాన్వీ సీరియస్ కామెంట్స్!
సోషల్ మీడియాలో తనపై వచ్చే విమర్శలు, నెగెటివ్ కామెంట్స్ గురించి బాలీవుడ్ బ్యూటీ జాన్వీ కపూర్(Janhvi Kapoor) ఘాటుగా స్పందించారు. ఇంటర్నెట్లో ఎవరో ఏదో అనుకుంటున్నారని తాను అస్సలు బాధపడనని, అవన్నీ కేవలం వ్యూస్ కోసం చేసే పనులేనని ఆమె తేల్చి చెప్పారు. రీసెంట్గా ఒక ఇంటర్వ్యూలో పాల్గొన్న జాన్వీ తనపై వస్తున్న నెగెటివ్ కామెంట్స్పై.. అర్జున్ కపూర్ ఎదుర్కొంటున్న ఇబ్బందుల గురించి కూడా ఆమె స్పందించి ట్రోలర్స్కు స్ట్రాంగ్ కౌంటర్ ఇచ్చింది. సోషల్ మీడియా గురించి జాన్వీ మాట్లాడుతూ.. ‘‘ఇప్పుడు ప్రతి ఒక్కరికీ వ్యూస్, లైక్స్ కావాలి. అందుకే సెలబ్రిటీల పేర్లను వాడుకుని ఏదో ఒక కంటెంట్ క్రియేట్ చేస్తారు. మనల్ని కేవలం ఒక బలిపశువులా వాడుకుని వారి పేజీలకు క్లిక్స్ తెచ్చుకుంటారు. ఒకసారి మనకు ఈ విషయం అర్థమైతే.. వారు మన గురించి అనే మాటలను మనం అస్సలు పట్టించుకోం. అవి మన గురించి కాదు, వారి బిజినెస్ కోసం అని తెలిసిపోతుంది.
అర్జున్ కపూర్ ట్రోల్స్పై జాన్వీ ఆవేదన!
అందుకే నేను కూడా నాపై వచ్చే నెగెటివ్ కామెంట్స్ను పట్టించుకోను’’ అని అన్నారు. అలాగే తన సోదరుడు అర్జున్ కపూర్ ఎదుర్కొనే బాడీ షేమింగ్, యాక్టింగ్ ట్రోల్స్ గురించి జాన్వీ ఆవేదన వ్యక్తం చేశారు. గత కొన్ని నెలలుగా అర్జున్ పోస్ట్ల కింద విపరీతమైన నెగెటివ్ కామెంట్స్పై స్పందిస్తూ.. ‘‘ప్రతి ఒక్కరూ తమ ఇల్లు గడవడానికి ఇలాంటి పనులు చేస్తున్నారు. ఇది చాలా చిన్న విషయం, దీని గురించి ఐదు నిమిషాల కంటే ఎక్కువ ఆలోచించడం అనవసరం. అయితే, అది వేధింపుల స్థాయికి చేరుకున్నప్పుడు మాత్రం బాధ కలుగుతుంది. ముఖ్యంగా నా అన్న విషయంలో జరుగుతున్న దానికి ఎలాంటి సాకులు చెప్పలేం. నెగెటివిటీని వదిలేయడమే ఉత్తమం’’ అని షాకింగ్ కామెంట్స్ చేశారు.
రామ్ చరణ్ ‘పెద్ది’ మూవీ రిలీజ్ అప్డేట్!
కాగా.. ప్రస్తుతం జాన్వీ కపూర్ వరుస సినిమాలతో బిజీగా ఉన్నారు. తెలుగులో మెగా పవర్ స్టార్ రామ్ చరణ్ సరసన ‘పెద్ది’ (Peddi) మూవీలో నటిస్తున్నారు. ‘ఉప్పెన’ ఫేమ్ బుచ్చిబాబు సనా దర్శకత్వంలో తెరకెక్కుతున్న ఈ భారీ ప్రాజెక్ట్పై ప్రేక్షకుల్లో భారీ అంచనాలు నెలకొన్నాయి. ఇక ఇందులో శివ రాజ్కుమార్, జగపతి బాబు, దివ్యేందు శర్మ వంటి పెద్ద నటులు కూడా కీలక పాత్రలో కనిపించనున్నారు. ఇప్పటికే ఇందులోంచి విడుదలైన అప్డేట్స్ సోషల్ మీడియాను షేక్ చేయడంతో పాటు ప్రేక్షకులను విపరీతంగా ఆకట్టుకున్నాయి. షూటింగ్ శరవేగంగా జరుపుకుంటున్న ఈ సినిమా మార్చి 27న విడుదల కావాల్సి ఉండగా.. ఏప్రిల్ 30కి వాయిదా పడింది. ఇక ఈ మూవీ కోసం మెగా అభిమానులు కళ్లు కాయలు కాసేలా ఎదురుచూస్తున్నారనడంలో అతిశయోక్తి లేదు.
జాన్వీ కపూర్ కామెంట్స్ ఇప్పుడు సోషల్ మీడియాలో హాట్ టాపిక్ గా మారాయి. రామ్ చరణ్ ‘పెద్ది’ మూవీ కోసం ప్రేక్షకులు ఎంతగానో ఎదురుచూస్తున్నారు. మరిన్ని అప్డేట్స్ కోసం చూస్తూ ఉండండి.
