📌 Key Points
- కళ్యాణి మాలిక్ 23 ఏళ్ల తర్వాత తొలిసారి లైవ్ మ్యూజికల్ ఈవెంట్ తో మాస్ కమ్ బ్యాక్.
- “ది నైట్ ఆఫ్ ది స్టార్స్” పేరుతో జూన్ 12న హైదరాబాద్లో భారీ సంగీత వేడుక.
- గీతా మాధురి, సాకేత్ సహా ప్రముఖ గాయకులతో కళ్యాణి మాలిక్ అదిరిపోయే పర్ఫార్మెన్స్.
- టికెట్లు డిస్ట్రిక్ట్ యాప్లో అందుబాటులో, యూట్యూబర్ నిఖిల్ విజయేంద్ర సింహ ఆర్గనైజేషన్.
టాలీవుడ్ సంగీత ప్రియులకు ఇది నిజంగా పండగే! ఎన్నో మధురమైన పాటలకు ప్రాణం పోసిన కళ్యాణి మాలిక్, 23 ఏళ్ల సుదీర్ఘ విరామం తర్వాత లైవ్ మ్యూజిక్ షోతో మన ముందుకు వస్తున్నారు. ఈ సంచలన ఈవెంట్ వివరాలు తెలుసుకుని సిద్ధంగా ఉండండి!
23 ఏళ్ల తర్వాత కళ్యాణి మాలిక్ మ్యూజికల్ ట్రీట్!
Kalyani Malik : ఎన్నో క్లాసికల్ హిట్స్ ఇచ్చిన సంగీత దర్శకుడు, అమృతం టైటిల్ సాంగ్ తో అందరికి కనెక్ట్ అయిన కళ్యాణి మాలిక్ ఇప్పుడు లైవ్ మ్యూజికల్ ఈవెంట్ నిర్వహించబోతున్నారు. సీన్ సెటర్స్, అసెంబ్లీ సంయుక్తంగా నిర్వహిస్తున్న సంగీత వేడుక “ది నైట్ ఆఫ్ ది స్టార్స్”. జూన్ 12న హైదరాబాద్లోని ఫైనాన్షియల్ డిస్ట్రిక్ట్ అసెంబ్లీలో జరగనుంది. సంగీత దర్శకుడు కళ్యాణి మాలిక్, సింగర్ గీతా మాధురి, సాకేత్, వినూత్న, కశ్యప్, అదితి, భార్గవి.. పలువురు తమ సంగీత ప్రదర్శనలతో ప్రేక్షకులను అలరించనున్నారు. యూట్యూబర్ నిఖిల్ విజయేంద్ర సింహ ఈ వేడుకని ఆర్గనైజ్ చేయనున్నారు.
“ది నైట్ ఆఫ్ ది స్టార్స్” ఎక్కడ? ఎప్పుడు?
తాజాగా దీనికి సంబంధించిన ప్రెస్ మీట్ లో కళ్యాణి మాలిక్ మాట్లాడుతూ… నా మొదటి సినిమా ఐతే విడుదలైనప్పుడు ఎంత ఆనందంగా, ఉత్సాహంగా ఫీలయ్యానో ఈ షోకి కూడా అదే భావన కలుగుతోంది. మా సింగర్స్ అందరితో కలిసి జూన్ 12న ఈ మ్యూజికల్ ఈవెంట్లో అలరిస్తాం అని తెలిపారు. గీతా మాధురి మాట్లాడుతూ… కళ్యాణి మాలిక్ గారు మొదటిసారి నిర్వహిస్తున్న ఈ షో గురించి నాకు చాలా కాల్స్ వస్తున్నాయి. ఆయన పాటలకు ఎంతో మంది అభిమానులు ఉన్నారు. నాకు లైవ్ మ్యూజిక్ షోలు అంటే చాలా ఇష్టం. ఇలాంటి కార్యక్రమంలో భాగం కావడం చాలా ఆనందంగా ఉంది. టికెట్లు డిస్ట్రిక్ట్ యాప్లో అందుబాటులో ఉన్నాయి అని తెలిపారు.
సంగీత ప్రియులకు పండగ.. టికెట్లు ఎక్కడ?
నిఖిల్ విజయేంద్ర సింహ మాట్లాడుతూ.. చిన్నప్పటి నోస్టాల్జిక్ పాటలను మరోసారి ప్రేక్షకుల ముందుకు తీసుకురావాలనే ఆలోచనతో ఈ కార్యక్రమాన్ని నిర్వహిస్తున్నాం. 23 ఏళ్ళ తర్వాత కళ్యాణి మాలిక్ గారి మ్యూజికల్ లైవ్ షో జరుగుతుంది అని తెలిపారు.
కళ్యాణి మాలిక్ సంగీత ప్రదర్శన కోసం అభిమానులు ఆసక్తిగా ఎదురుచూస్తున్నారు. జూన్ 12న హైదరాబాద్లో జరగనున్న ఈ అద్భుతమైన ఈవెంట్ టాలీవుడ్ చరిత్రలో నిలిచిపోవడం ఖాయం. మరిన్ని సంచలన అప్డేట్ల కోసం చూస్తూ ఉండండి!
