📌 Key Points
- కళ్యాణి ప్రియదర్శన్ ‘లోకా: చాప్టర్1’ విడుదల సమయంలో అనుభవించిన తీవ్ర భయాన్ని వెల్లడించింది.
- సినిమా రివ్యూలు వచ్చేదాకా తాను గదిలోంచి బయటకు రాలేదని షాకింగ్ కామెంట్స్ చేసింది.
- ‘లోకా: చాప్టర్1’ ప్రపంచవ్యాప్తంగా రూ. 300 కోట్లకు పైగా వసూలు చేసి భారీ విజయం సాధించింది.
- ఈ మూవీకి సీక్వెల్ రాబోతుంది, ఇందులో టోవినో థామస్, దుల్కర్ సల్మాన్ కీలక పాత్రలు పోషించనున్నారు.
మలయాళ బ్యూటీ కళ్యాణి ప్రియదర్శన్ ఇటీవల ‘లోకా: చాప్టర్1’ మూవీతో భారీ విజయం సాధించింది. అయితే, సినిమా విడుదలైన సమయంలో తాను ఎంతగా భయపడిందో, రివ్యూలు వచ్చేదాకా గదిలోంచి బయటకు రాలేదని ఆమె చేసిన షాకింగ్ కామెంట్స్ ప్రస్తుతం వైరల్గా మారాయి. ఆమె ఆందోళన వెనుక కారణం, సినిమా విజయ రహస్యం తెలుసుకుందాం.
కళ్యాణి షాకింగ్ కామెంట్స్: ‘లోకా: చాప్టర్1’ భయం!
మలయాళ బ్యూటీ కళ్యాణి ప్రియదర్శన్ (Kalyani Priyadarshan)ఇటీవల ‘లోకా:చాప్టర్1’(Lokah Chapter 1: Chandra)మూవీతో బాక్సాఫీసును షేక్ చేసింది. ఈ సినిమా అన్ని భాషల్లో విపరీతమైన ఆదరణ సొంతం చేసుకుని కలెక్షన్లతో సరికొత్త రికార్డులు క్రియేట్ చేసింది. బాక్సాఫీసు వద్ద కాసుల వర్షం కురిపించిన ఈ మూవీ ప్రపంచవ్యాప్తంగా రూ. 300 కోట్లకు పైగా వసూలు చేసింది. దీంతో కళ్యాణి ప్రియదర్శన్ క్రేజ్ విపరీతంగా పెరిగిపోయింది. ప్రస్తుతం కళ్యాణి పలు చిత్రాల్లో నటిస్తూ ఫుల్ బిజీ అయిపోయింది. ఈక్రమంలో.. తాజాగా, కళ్యాణి ప్రియదర్శన్ ఓ ఇంటర్వ్యూలో పాల్గొని షాకింగ్ కామెంట్స్ చేసింది. ‘‘లోకా: చాప్టర్1లో నన్ను సూపర్ హీరోగా ప్రేక్షకులు అంగీకరిస్తారో లేదో అని చాలా భయపడ్డాను.
‘లోకా: చాప్టర్1’ బాక్సాఫీస్ విజయం
అందుకే సినిమా విడుదలై రివ్యూలు వచ్చేదాక గదిలోంచి బయటకు రాలేదు. నేనొక్కదాన్నే కాకుండా మా టీమ్ మొత్తం చాలా టెన్షన్ పడ్డాం. మేము ఎంత భయపడ్డామో అంత పాజిటివ్ రెస్పాన్స్ వచ్చింది. ప్రేక్షకుల నుంచి ఇంత ఆదరణ లభిస్తుందని అస్సలు ఊహించలేదు. రివ్యూలు చూశాక మా ఆందోళన మొత్తం మాయమైంది. రెస్సాన్స్ ఎలా ఉన్నా విమర్శలు రాకుండా ఉంటే చాలని భావించాం. మధ్యాహ్నం 3గంటల తర్వాత అందరం గదిలోంచి బయటకు వచ్చి సంబరాలు చేసుకున్నాం. అన్నింటికంటే ముఖ్యంగా, మేమందరం డొమినిక్పై నమ్మి ఈ ప్రాజెక్ట్ చేశాం. ఆ నమ్మకం లేకుండా ఈ సినిమా సాధ్యమయ్యేది కాదు.
‘లోకా: చాప్టర్1’ సీక్వెల్ అప్డేట్స్
ఇంటర్వెల్ సన్నివేశం తప్ప, మేము చిత్రీకరించిన ప్రతిదీ స్క్రిప్ట్ ప్రకారమే ఉంది. ఇంటర్వె్ల్ సీన్ను డొమినిక్ అప్పటికప్పుడు వచ్చిన ఐడియా. కానీ సినిమా విడుదల తర్వాత ఇప్పటికీ అందరూ దాని గురించే మాట్లాడుకుంటున్నారు’’ అని చెప్పింది. కాగా.. ప్రస్తుతం ఈ అమ్మడు ప్రజెంట్ ‘లోకా:చాప్టర్1’కు సీక్వెల్ చేస్తోంది. డొమినిక్ అరుణ్ తెరకెక్కిస్తున్నారు. ఈ సీక్వెల్లో టోవినో థామస్, దుల్కర్ సల్మాన్ కీలక పాత్రలో కనిపించబోతున్నారు. షూటింగ్ త్వరలోనే మొదలు కాబోతుంది. ఈ సినిమాపై ప్రేక్షకుల్లో భారీ హైప్ క్రియేట్ అయింది. అప్డేట్స్ ఎప్పుడొస్తాయా? అనే ఆసక్తి నెలకొంది.
మొత్తంగా, ‘లోకా: చాప్టర్1’పై కళ్యాణి ప్రియదర్శన్ చేసిన కామెంట్స్, ఆమె ఆందోళన వెనుక నిజాయితీని తెలియజేస్తున్నాయి. సినిమా అద్భుత విజయం, రాబోయే సీక్వెల్ ఆమె కెరీర్కు మరింత జోష్ను ఇస్తాయనడంలో సందేహం లేదు.
