మంచు విష్ణు నటించిన కన్నప్ప సినిమా రిలీజ్కు రెండు రోజుల ముందు జీఎస్టీ అధికారులు ఆయన కార్యాలయంలో సోదాలు నిర్వహించారు. ఈ ఊహించని సంఘటన సినీ ప్రేక్షకులను ఆందోళనకు గురిచేసింది.
Key Points
కన్నప్ప సినిమా రిలీజ్ కు రెండు రోజుల ముందు GST అధికారులు సోదాలు నిర్వహించారు.
మంచు విష్ణు ఇంటితో పాటు మరికొన్ని ప్రదేశాలలో సోదాలు జరిగాయి.
కన్నప్ప సినిమా బడ్జెట్ విషయంలో మంచు విష్ణు ఇంతవరకు స్పష్టతనివ్వలేదు.
ఈ ఘటన కన్నప్ప సినిమా విడుదలపై ప్రభావం చూపుతుందని అనుమానాలు వ్యక్తమవుతున్నాయి.
జీఎస్టీ అధికారుల సోదాలు
సాక్షి, హైదరాబాద్: కన్నప్ప చిత్రయూనిట్కు భారీ షాక్ తగిలింది. సినిమా రిలీజ్కు రెండు రోజుల ముందు జీఎస్టీ అధికారులు సోదాలకు దిగారు. మంచు విష్ణు ( Vishnu Manchu )తో పాటు పలువురి ఇళ్లల్లోనూ సోదాలు నిర్వహిస్తున్నారు. మంచు విష్ణు ప్రధాన పాత్రలో నటిస్తున్న భారీ బడ్జెట్ చిత్రం కన్నప్ప. ప్రీతి ముకుందన్ కథానాయిక. ప్రభాస్, మోహన్లాల్, అక్షయ్ కుమార్, మోహన్బాబు, శరత్ కుమార్ కీలక పాత్రలు పోషిస్తున్నారు.
మంచు విష్ణు ఆఫీసుపై దాడులు
ముకేశ్ కుమార్ సింగ్ దర్శకత్వం వహించిన ఈ చిత్రం జూన్ 27న విడుదల కానుంది. కన్నప్ప బడ్జెట్ను విష్ణు ఎన్నడూ బయటపెట్టలేదు. ఓ ఇంటర్వ్యూలో రూ.100 కోట్లా? రూ.200 కోట్లా? అని అడిగినప్పుడు కూడా చెప్పేందుకు నిరాకరించాడు. ఎంతో చెబితే ఐటీ వాళ్లు తన ఆఫీసుకు వస్తారని, ఎందుకీ గొడవ అని సమాధానం దాటవేశారు. చివరకు సినిమా రిలీజ్కు ముందే అధికారులు మంచు విష్ణు కార్యాలయంలో సోదాలకు దిగారు.
కన్నప్ప సినిమా విడుదలపై ప్రభావం
మంచు విష్ణు కార్యాలయంలో జరిగిన జీఎస్టీ సోదాలతో కన్నప్ప సినిమా రిలీజ్పై అనుమానాలు వ్యక్తమవుతున్నాయి. ఈ ఘటన సినిమా వ్యాపారంపై ఎలాంటి ప్రభావం చూపుతుందో చూడాలి.
