రిషబ్ శెట్టి ‘కాంతార చాప్టర్ 1’ బాక్సాఫీస్ వద్ద మంచి రెస్పాన్స్ పొందినా, సోమవారం కలెక్షన్లలో భారీ కుదుపును చూసింది. తొలిసారిగా కలెక్షన్లు పడిపోవడంతో 1000 కోట్ల కల కష్టమే అనిపిస్తోంది. అయితే, 12 రోజుల్లోనే సినిమా భారీ విజయాన్ని సాధించి, ఇప్పటివరకూ మంచి వసూళ్లను రాబట్టింది.
Key Points
'కాంతార చాప్టర్ 1' సోమవారం కలెక్షన్లలో 64% భారీ పతనం.
సినిమా 12 రోజుల్లో ప్రపంచవ్యాప్తంగా విజయాన్ని సాధించింది.
భారతదేశంలో ఇప్పటికే 500 కోట్ల గ్రాస్ కలెక్షన్లు దాటింది.
ఓవర్సీస్ నుండి 11 మిలియన్ డాలర్ల కంటే ఎక్కువ వసూలు.
కాంతార చాప్టర్ 1: 12 రోజుల బాక్సాఫీస్ ప్రయాణం
రిషబ్ శెట్టి హీరోగా నటిస్తూ , డైరెక్ట్ చేసిన సినిమా ‘కాంతార చాప్టర్ 1′(Kantara Chapter 1). ఈసినిమా బాక్స్ ఆఫీస్ వద్ద మంచి రెస్పాన్స్ తో కొనసాగుతోంది. కానీ ఆశ్చర్యంగా సోమవారం కలెక్షన్లలో పెద్ద కుదుపును చూసింది కాంతార 1. మొదటిసారిగా ఈసినిమా కలెక్షన్లలో పతనం స్టార్ట్ అయ్యింది. అయినా కూడా ఈ సినిమా 12 రోజుల్లో ప్రపంచవ్యాప్తంగా భారీ విజయాన్ని సాధించింది. ఎన్నో పాత రికార్డులను కాంతార-1 బద్దలు కొట్టింది.
2022లో విడుదలైన ‘కాంతార’ సినిమాను భాషతో సంబంధం లేకుండా ఇండియన్ సినిమా లవర్స్ ఆదరించారు. ఏమాత్రం హడావిడి లేకుండా సైలెంట్ గా వచ్చిన ఈసినిమా, ప్రేక్షకులను ఎంతగానో మెప్పించింది. రిషబ్ శెట్టి రాసి, దర్శకత్వం వహించి, ద్విపాత్రాభినయం చేసిన ఈ సినిమా, కేజీఎఫ్ తర్వాత కన్నడ చిత్ర పరిశ్రమకు భారీ స్థాయిలో గుర్తింపు తెచ్చిపెట్టింది. టాలీవుడ్ తరువాత కన్నడ ఇండస్ట్రీకి అంతలా గుర్తింపు రావడానికి కెజియఫ్ తో పాటు, కాంతార సినిమా కూడా కారణం.
సోమవారం కలెక్షన్లలో భారీ పతనం
కాంతార క్రియేట్ చేసిన వేవ్ తో కాంతార చాప్టర్ 1 పై భారీగా అంచనాలు పెరిగిపోయాయి. కాంతారకు సీక్వెల్ కాకుండా ప్రీక్వెల్ సినిమాగా తెరకెక్కడంతో ‘కాంతార చాప్టర్ 1’ ప్రకటించినప్పటి నుంచే ప్రేక్షకుల దృష్టిని ఆకర్షించింది. చాలా వరకు ప్రేక్షకుల అంచనాలను నిలబెట్టుకోవడంతో, బాక్సాఫీస్ వద్ద భారీ ఓపెనింగ్స్ ను అందుకుంది మూవీ. ఇప్పుడు రెండో వారం ముగుస్తున్నా, మంచి ప్రదర్శనను కొనసాగిస్తోంది. తాజాగా కాంతార చాప్టర్ 1 సినిమా 12 రోజుల కలెక్షన్లకు సబంధించిన నివేదిక బయటకు వచ్చింది.
బాక్స్ ఆఫీస్ వద్ద పెద్ద విజయం సాధిస్తున్నప్పటికీ, రిలీజ్ అయిన తరువాత రోజు రోజకు కలెక్షన్ల మోత మోగించిన కాంతార 1 సినిమా.. మొదటిసారిగా సోమవారం కలెక్షన్లలో అతి పెద్ద పతనాన్ని చూసింది. సోమవారం కలెక్షన్లలో 64 శాతం తగ్గుదల కనిపించింది. ఆదివారం ఇండియా నుండి 39.75 కోట్ల నెట్ కలెక్షన్ చేసిన సినిమా, సోమవారం కేవలం 13.50 కోట్లకు పడిపోయింది. అయితే సెకండ్ వీకెండ్ మాత్రం బాక్సాఫీస్ దగ్గర దూకుడు చూపించింది ఈమూవీ. ఇప్పటికే ఇండియా నుంచి 500 కోట్ల గ్రాస్ను దాటింది. ఇండియాలో 542 కోట్ల గ్రాస్ కలెక్షన్లు వసూలు చేసిన కాంతార చాప్టర్ 1 సినిమా 451.90 కోట్ల నెట్ వసూళ్లు సాధించింది.ఇక ఓవర్ సిస్ విషయానికి వస్తే.. ఉత్తర అమెరికా మార్కెట్లో మంచి ప్రదర్శన కారణంగా, విదేశాల నుండి 11 మిలియన్ డాలర్ల కంటే ఎక్కువ వసూలు చేసింది మూవీ.
మొత్తం వసూళ్లు, 1000 కోట్ల కల సాధ్యమేనా?
కాంతార చాప్టర్ 1 మూవీ సెకండ్ వీకెండ్ మంచి కలెక్షన్స్ ను సాధించింది. వీకెండ్ 146 కోట్లతో కలిపి, 11 రోజుల్లో ప్రపంచవ్యాప్తంగా బాక్స్ ఆఫీస్ దగ్గర 655 కోట్లు వసూలు చేసిందని నిర్మాతలు హోంబలే ఫిల్మ్స్ నుంచి సమాచారం. 12 రోజుల్లో ఇది 675 కోట్ల సమీపానికి చేరే అవకాశం ఉన్నట్టు తెలుస్తోంది. ట్రేడ్ వర్గాల ప్రకారం, ఈ సినిమా ప్రపంచవ్యాప్తంగా 750 నుంచి 800 కోట్ల వరకూ కలెక్ట్ చేస్తుందనే అంచనాలు ఉన్నాయి.
హిందుస్థాన్ టైమ్స్ నివేదిక ప్రకారం, ‘కాంతార’ ఇప్పటికే ఇండియన్ ఫిల్మ్ ఇండస్ట్రీలో ఆల్-టైమ్ టాప్ 20 కలెక్షన్లు సాధించిన సినిమాల జాబితాలో చేరింది. సల్మాన్ ఖాన్ ‘సుల్తాన్’ (628 కోట్లు), ‘బాహుబలి 1’ (650 కోట్లు) సినిమాలను అధిగమించి ‘కాంతార చాప్టర్ 1’ ఈ ఘనత సాధించింది. ఈ ఏడాది భారతీయ చిత్ర పరిశ్రమలో అత్యధిక కలెక్షన్లు సాధించిన రెండో చిత్రంగా నిలిచింది. బాలీవుడ్ మూవీ ‘ఛావా’ (808 కోట్లు) ఈ జాబితాలో మొదటి స్థానంలో ఉంది. ప్రస్తుత అంచనాల ప్రకారం, కాంతార చాప్టర్ 1 మూవీ ఛావా రికార్డును బ్రేక్ చేసే అవకాశం లేకపోలేదు. మరి ఓవర్ ఆల్ గా ఈ సినిమా కలెక్షన్లు ఎంత వరకూ వెళ్తాయో చూడాలి.
కాంతార చాప్టర్ 1 కలెక్షన్లలో తాజా పతనం కొంత ఆందోళన కలిగిస్తున్నప్పటికీ, చిత్రం ఇప్పటికే ఇండియాలో 500 కోట్ల గ్రాస్ను దాటి ప్రపంచవ్యాప్తంగా భారీ విజయాన్ని నమోదు చేసింది. ముందు ముందు వసూళ్లు పుంజుకుంటాయో లేదో వేచి చూడాలి.
