పవన్ కళ్యాణ్ నటించిన ఓజీ చిత్రం బాక్సాఫీస్ వద్ద మొదటి వారం విజయవంతంగా పూర్తి చేసుకుంది. ఈ చిత్రం రూ. 161.85 కోట్ల నికర వసూళ్లు సాధించింది. తాజాగా విడుదలైన కాంతార చాప్టర్ 1తో ఓజీ పోటీ పడుతోంది. ఓజీ 8వ రోజు కలెక్షన్ల అంచనాలు కూడా వెలువడ్డాయి.
Key Points
పవన్ కళ్యాణ్ ఓజీ చిత్రం మొదటి వారంలో రూ. 161.85 కోట్ల నెట్ కలెక్షన్లు సాధించింది.
ఓజీ సినిమా రిషబ్ శెట్టి నటించిన కాంతార చాప్టర్ 1తో బాక్సాఫీస్ వద్ద పోటీ పడుతోంది.
ఓజీ మూవీకి 8వ రోజున ఇండియాలో రూ. 1.72 కోట్ల నెట్ కలెక్షన్స్ వచ్చే అవకాశం ఉందని అంచనా.
ఏడో రోజున తెలుగులో ఓజీ సినిమా ఆక్యుపెన్సీ 21.49 శాతంగా నమోదైంది.
ఓజీ మొదటి వారం కలెక్షన్ల రిపోర్ట్
నటుడు, రాజకీయ నాయకుడు పవన్ కళ్యాణ్ నటించిన దే కాల్ హిమ్ ఓజీ చిత్రం బాక్సాఫీస్ వద్ద మొదటి వారం పూర్తి చేసుకుంది. ఈ చిత్రం మొదటి వారాంతంలో ఆకట్టుకునే బిజినెస్ చేసింది. కానీ, తరువాత పండుగ సీజన్ ఉన్నప్పటికీ వీకెండ్స్లో మందగించింది.
ఇప్పుడు ఓజీ మూవీ గురువారం (అక్టోబర్ 2) విడుదలైన రిషబ్ శెట్టి కాంతారా చాప్టర్ 1తో బాక్సాఫీస్ వద్ద పోటీ పడుతోంది. ఇండస్ట్రీ ట్రాకర్ సక్నిల్క్ ప్రకారం ఓజీ సినిమాకు ఏడో రోజున ఇండియాలో రూ. 7 కోట్ల నెట్ కలెక్షన్స్ వసూలు అయ్యాయి. ఆరో రోజుతో పోలిస్తే ఏడో రోజున 9.4 శాతం వరకు ఓజీ కలెక్షన్స్ తగ్గాయి.
ఇదిలా ఉంటే, ఏడు రోజుల్లో అంటే వారంలో ఓజీ సినిమా ఇండియాలో రూ. 161.85 కోట్ల నెట్ కలెక్షన్స్ రాబట్టింది. అయితే, ఇవాళ కాంతార ప్రీక్వెల్ మూవీ కాంతార చాప్టర్ 1 థియేటర్లలో విడుదలైంది. దీంతో ఓజీ సినిమా 8వ రోజు నుంచి కాంతార చాప్టర్ 1తో బాక్సాఫీస్ ఫైట్ నెలకొంది.
కాంతార చాప్టర్ 1తో ఓజీ బాక్సాఫీస్ పోటీ
ఈ క్రమంలో ఓజీ సినిమాకు 8వ రోజున ఇండియాలో ఎన్ని కలెక్షన్స్ రావచ్చో అంచనా వేశారు ట్రేడ్ నిపుణులు. సక్నిల్క్ డేటా ప్రకారం ఓజీ మూవీకి భారతదేశంలో రూ. 1.72 కోట్ల నెట్ కలెక్షన్స్ వచ్చే ఛాన్స్ ఉందని సమాచారం. దీంతో 8 రోజుల్లో ఇండియాలో దే కాల్ హిమ్ ఓజీ సినిమాకు రూ. 163.11 కోట్ల నికర వసూళ్లు వస్తాయని అంచనా వేశారు.
అంటే, రిషబ్ శెట్టి హీరోగా నటించి దర్శకత్వం వహించిన కాంతార చాప్టర్ 1తో బాక్సాఫీస్ పోటీ పడినప్పటికీ ఓజీ మూవీ కలెక్షన్స్ బాగానే ఉంటాయని తెలుస్తోంది. ఇంకా రోజు ముగిసేసరికి ఓజీ 8వ రోజు కలెక్షన్స్ పెరిగే అవకాశం ఉంది.
ఇకపోతే ఏడో రోజున తెలుగులో ఓజీ ఆక్యుపెన్సీ 21.49 శాతంగా ఉంది. ఉదయం, 13.99%, మధ్యాహ్నాం 21.99%, సాయంత్రం 23.57%, రాత్రి 26.40%తో షోకి షోకి ఆక్యుపెన్సీ పెరిగిపోయింది.
ఓజీ 8వ రోజు కలెక్షన్ల అంచనాలు
హైదరాబాద్లో ఓజీ మూవీ 751 షోలతో 22.50% థియేటర్ ఆక్యుపెన్సీతో ముందంజలో ఉంది. ఆ తర్వాత 441 షోలతో బెంగళూరు 16.25%, 187 ప్రదర్శనలతో వైజాగ్-విశాఖపట్నం 23.50%గా ఉన్నాయి.
సుజీత్ దర్శకత్వం వహించిన ఓజీ సినిమాలో ప్రియాంక మోహన్ , అర్జున్ దాస్, శ్రీయారెడ్డి, ప్రకాష్ రాజ్ కీలక పాత్రల్లో నటించారు. అలాగే, ఓజీకి ప్రధాన ప్రతినాయకుడు ఓమి భావు పాత్రలో బాలీవుడ్ హీరో ఇమ్రాన్ హష్మీ నటించి తెలుగులో అరంగేట్రం చేశాడు.
కాంతార చాప్టర్ 1తో పోటీ నెలకొన్నప్పటికీ, పవన్ కళ్యాణ్ ఓజీ చిత్రం బాక్సాఫీస్ వద్ద నిలకడైన వసూళ్లు సాధిస్తోంది. రానున్న రోజుల్లో ఓజీ తన కలెక్షన్లను మరింత పెంచుకుంటుందని అంచనా వేస్తున్నారు.
