📌 Key Points
- కార్తీక దీపం 2 సీరియల్: పారు ప్రేమతో దీపకు జ్యూస్ ఇచ్చిన షాకింగ్ సీన్!
- జ్యోత్స్న vs దీప: నువ్వు ఉండవులే దీప అంటూ బెదిరింపులు!
- కార్తీక్ కు నిజం తెలిసింది: దీపకు మద్దతుగా నిలిచేనా?
- రేటింగ్స్ లో దుమ్మురేపిన కార్తీక దీపం 2: రికార్డు బ్రేకింగ్ వ్యూయర్షిప్!
కార్తీక దీపం 2 సీరియల్ లో ఊహించని ట్విస్ట్ లు చోటుచేసుకుంటున్నాయి. దీప పట్ల పారు ప్రేమ, జ్యోత్స్న కుట్రలు, కార్తీక్ నిజం తెలుసుకోవడం వంటి అనేక ఆసక్తికరమైన అంశాలతో సీరియల్ మరింత ఉత్కంఠగా మారింది.
పారు ప్రేమతో దీపకు షాక్!
కార్తీక దీపం 2 సీరియల్ గురువారం ఎపిసోడ్ లో జ్యోత్స్నను తగిలి శౌర్య కిందపడుతుంది. జ్యోత్స్న చెంప చెల్లుమనిపించి శౌర్యకు సారీ చెప్పమని అడుగుతుంది పారు. నేనుందుకు చెప్పాలి.. అదే నన్ను తగిలి కిందపడింది అంటుంది జ్యోత్స్న. పర్లేదు.. నాకేమి దెబ్బలు తగలలేదు వదిలెయ్ అంటుంది శౌర్య. దెబ్బ నీకు కాదు, నాకు తగిలింది.. జ్యోత్స్న సారీ చెప్పాల్సిందే అంటుంది పారు. సారీనే కదా చెప్పేయ్ జ్యోత్స్న అని ఫ్యామిలీ అంతా కూడా పారుకే సపోర్ట్ చేస్తుంది. దాంతో జ్యోత్స్న సారీ చెప్తుంది.
తర్వాత దీపను సోఫాలో కూర్చోబెట్టి, కిచెన్ లోకి వెళ్తుంది పారు. జ్యూస్ తో తిరిగి వచ్చిన పారును చూసి.. పారుకు మనుమరాలు అంటే ఎంత ప్రేమ కొట్టినా కూడా మళ్లీ జ్యూస్ తెచ్చిందని అంటాడు కార్తీక్. మనుమరాలి కోసమే తెచ్చాను అని జ్యూస్ గ్లాస్ దీపకు ఇస్తుంది పారు. అంతా షాక్ అవుతారు.
తను జ్యోత్స్న కాదు దీప అంటాడు శివన్నారాయణ. కొడుకు కూతురు మనుమరాలు అయినప్పుడు, మనుమడి భార్య కూడా మనుమరాలు అవుతుంది కదా అంటుంది పారు. అయినా కడుపుతో ఉన్న మనిషి జ్యూసులు తాగితే తప్పేంటి అని దీపకు జ్యూస్ ఇస్తుంది. దీప వద్దంటే.. నీకు అన్నీ నా పోలికలే అని నోరు జారుతుంది పారు. అంతా షాక్ అవుతారు. దీపకు నీ పోలికలు ఎలా వస్తాయి అని ప్రశ్నిస్తారు.
దీప చావుకు కుట్ర పన్నిన జ్యోత్స్న!
ఒకప్పుడు ఈ ఇంట్లో నేను పనిమనిషినే. ఇప్పుడు తను పనిమనిషే. ఆ స్థానంలో ఉన్న వాళ్ల బాధలు ఎలా ఉంటాయో నాకు తెలుసు. అందుకే పోలికలు కలిశాయని చెప్పాను అని కవర్ చేస్తుంది పారు. అందరి ముందు తాగితే దిష్టి తగులుతుంది, పైకి వెళ్లి జ్యూస్ తాగమని దీపను పంపిస్తుంది పారు.
జ్యోత్స్న దీప దగ్గరకు వెళ్లి మా గ్రానీని ఏం చేశారు మీ భజన చేస్తోంది అని అడుగుతుంది జ్యోత్స్న. మనుషులు అన్నాక మారుతారు. ఒకప్పుడు మంచనీళ్లు కూడా ఇవ్వని పారిజాతం ఇప్పుడు జ్యూస్ తీసుకొచ్చింది అంటుంది దీప. నీ ఆరోగ్యం ఎలా ఉంది.. ఒకరిని కాపాడావు కదా అంటుంది జ్యోత్స్న. డౌట్ గా చూస్తుంది దీప.
అంటే కడుపులో బిడ్డను ఫస్ట్ వద్దనుకొని ఆ తర్వాత కావాలి అనుకున్నారు కదా.. దాని గురించే మాట్లాడుతున్నాను అంటుంది జ్యోత్స్న. మీ అమ్మానాన్న బతికే ఉన్నారంటావు కదా ఎక్కడున్నారో తెలుసా అంటుంది జ్యోత్స్న. తెలిస్తే ముందు నీకే చెప్తాను అంటుంది దీప. మీ అమ్మానాన్న ఎవరో తెలిసే నాటికి నువ్వు ఉండవులే దీప అంటుంది జ్యోత్స్న. అనుమానంగా చూసి వెళ్లిపోతుంది దీప. నీ చావుకు ముహూర్తం పెట్టాను దీప. ఇదే నీకు ఆఖరి రోజు అని మనసులో అనుకుంటుంది జ్యోత్స్న.
నిజం తెలుసుకున్న కార్తీక్ రియాక్షన్!
మరోవైపు శౌర్యను తన గదిలోకి పిలిచి చాక్లెట్స్ ఇస్తుంది పారు. సంతోషపడుతుంది శౌర్య. నాకు జ్యో రూమ్ లో ఆడుకోవాలని ఉంది.. కానీ తను తిడుతుంది అంటుంది శౌర్య. ఎందుకు తిడుతుంది పదా నేను ఉన్నాను కదా అని జ్యోత్స్న గదికి వెళ్తారు శౌర్య, పారు. శౌర్య బెడ్ మీద ఆడుకుంటూ ఉంటే పారు మురిసిపోతుంది. ఆ బెడ్ మీద దిండు కింద డీఎన్ఏ రిపోర్ట్స్ ఉంటాయి. అవి పారు కంటపడగానే… ఏంటివి అని తీసి చూస్తుంది. అవి ఇంగ్లీష్ లో ఉండటంతో చదవలేక ఎవరితో అయినా చదివించాలి అనుకుంటుంది.
అంతలో కార్తీక్ కనిపిస్తే ఇటు రా అని పిలిచి.. ఇందులో ఏముందో చదువు అంటుంది. కార్తీక్ డీఎన్ఏ రిపోర్ట్ చూసి షాక్ అవుతాడు. అంటే జ్యోత్స్నకు నిజం తెలిసే ఇదంతా చేస్తోందని మనసులో అనుకుంటాడు. అంతలో జ్యోత్స్న అక్కడికి వస్తుంది. మీరు నా గదిలో ఏం చేస్తున్నారు అని అడుగుతుంది. ఏం లేదు అని చెప్పి, రిపోర్ట్స్ ని దిండుకింద పెట్టేస్తుంది పారు.
వాళ్లు వెళ్లాక జ్యోత్స్న దిండు కింద రిపోర్ట్స్ చెక్ చేస్తుంది. కవర్ ఎవరో తీసినట్లున్నారే అని అనుకుంటుంది. బావకు నిజం తెలిసిందా? ఒకవేళ తెలిస్తే నేను చేయాల్సిన పని చేసే టైం వచ్చినట్లే.. దీప ఎక్కడున్నావు, నీతోనే మొదలు పెట్టాలి అంటుంది జ్యోత్స్న. అంతటితో నేటి కార్తీక దీపం 2 సీరియల్ ఎపిసోడ్ ముగుస్తుంది.
కార్తీక దీపం 2 సీరియల్ రోజురోజుకు ప్రేక్షకులను ఆకట్టుకుంటుంది. రాబోయే ఎపిసోడ్స్ లో ఇంకా ఎలాంటి పరిణామాలు చోటుచేసుకుంటాయో చూడాలి. మరిన్ని అప్డేట్స్ కోసం చూస్తూ ఉండండి.
