కార్తీక దీపం 2 సీరియల్లోని తాజా ఎపిసోడ్లో, తాళి కనిపించకపోవడంతో పెద్ద గొడవ జరుగుతుంది. జ్యోత్స్న తన కుట్రలతో పరిస్థితిని మరింత దిగజారుస్తుంది. సుమిత్ర క్షమాపణ చెప్పాలని దశరథ కోరుతాడు.
Key Points
తాళి కనిపించకపోవడంతో పెళ్లి మండపంలో గొడవలు.
సుమిత్ర తన తప్పుకు క్షమాపణ చెప్పాలని దశరథ కోరిక.
దీప, కార్తీక్ డ్యూటీలో ఉన్నారు.
తాళి కనిపించకపోవడం
కార్తీక దీపం 2 టుడే సెప్టెంబర్ 3వ తేదీ ఎపిసోడ్ లో తాళి కనిపించక మండపంలో అంత పెద్ద గొడవ జరుగుతుంటే ఎందుకు మౌనంగా ఉన్నావురా అని కాంచన అడిగితే, ఇంటి పరువు కోసమని చెప్తాడు కార్తీక్. పరువు నీకేనా? వాళ్లకు లేదా? వాళ్లు ఆలోచించరా? పెళ్లి నా పుట్టింట్లో. జరిపించేది మా నాన్న. వదినకు మామగారు. పెళ్లి ఆగిపోతే ఎవరికి చెడ్డపేరు? ఎదుటి వాళ్లు చిన్న తప్పు చేస్తే వెలి వేస్తారు. మా వదిన బుద్ధి ఇంత గడ్డి తింటుందని అనుకోలేదని కాంచన అంటుంది.
అత్తయ్య ఇప్పుడు ఎందుకు మా అమ్మను తిడుతున్నారు. అమ్మకు నేనంటే ఇష్టం లేదు. కానీ పెళ్లి జరిగింది కదా అని దీప అంటుంది. కన్యాదానం చేశారని మా అన్నయ్య, వదిన నీకు సొంత అమ్మనాన్న అయిపోయారని అనుకుంటున్నావా? ఆ పిలుపు, బంధం ఆ ఇంటి గడప దాటేవారకే. వాళ్లకు, నీకు ఏ బంధం ఉండాల్సిన అవసరం లేదు. మా వదిన లాంటి తల్లి నీకు వద్దు దీప. దీప అనాథగా ఉండటమే మంచిది అని కాంచన బాధపడుతుంది.
ఇటు సుమిత్ర సమాధానం చెప్పి తీరాలని శివన్నారాయణ అడుగుతాడు. నీ కారణంగా నా కూతురి ముందు, కుటుంబం ముందు తల దించుకోవాల్సి వచ్చింది. ఈ అవమానానికి కారణం నువ్వైతే, మొదటి కారణం పారిజాతం. కార్తీక్ కు తెలిసినా ఇంటి పరువు గురించి ఆలోచించి సైలెంట్ గా ఉన్నాడు అని శివన్నారాయణ అంటాడు. కార్తీక్ అందరికి చెప్పి ఉంటే పెళ్లి ఆగిపోయేదని పారిజాతం అంటుంది. జ్యోత్స్న, పారు కలిసి గొడవ పెద్దది చేయాలని చూస్తారు.
కుటుంబంలోని గొడవలు
తప్పు చేసింది సుమిత్ర. నీ కూతురు గురించి ఆలోచించి పెళ్లికి ఒప్పుకున్నావు కదా. నువ్వు తాళి తీయడం వల్ల పెళ్లి జరిపించేందుకు వేరే దారి లేక నా భార్యకు గుర్తుగా నీ కూతురు మెడలో పడాల్సిన తాళి వేరే వాళ్ల మెడలో పడిందని శివన్నారాయణ అంటాడు. ఈ గొడవలకు కారణం జ్యోత్స్న అని దశరథ ఫైర్ అవుతాడు. నా సమాధానం ఒక్కటే. దీప నా కుటుంబానికి అన్యాయం చేసింది. అలాంటి మనిషి పెళ్లి ఈ ఇంట్లో జరగొద్దనుకున్నానని సుమిత్ర చెప్తుంది. అయితే మా చెల్లి చెప్పింది కరెక్టే. మనసులో విషాన్ని పెట్టుకుని పైకి నవ్వు నటించావని దశరథ అంటాడు. నా కూతురు, భార్య పాపాలు చేశారని ఎమోషనల్ అవుతాడు దశరథ.
కార్తీక్ ను హత్తుకుని నీ మీద నాకున్న గౌరవం రెట్టింపైంది బావ అని దీప అంటుంది. తాళి కనిపించట్లేదని అందరూ కంగారు పడుతుంటే అత్త మాత్రం ధైర్యంగా ఉందని, అత్తతో మాట్లాడిన విషయాన్ని దీపకు చెప్తాడు కార్తీక్ . ఇప్పుడు నేనే తీశానని అందరిలో ధైర్యంగా ఒప్పుకొంది. అత్తయ్య ఈ పని చేయలేదు దీప. కానీ తీయడానికి కారణం అత్త కోపం కాదు. అత్త దగ్గర పెరిగా. ఆమె మనస్తత్వం నాకు బాగా తెలుసు. జ్యోత్స్న ఎలాంటిదో తెలిస్తే క్షమించదు. ఏదైతే జరగకూడదు అనుకున్నానో అదే జరిగింది. ఫ్యామిలీని కాపాడుకోలేక ఓడిపోయా దీప అని నిట్టూర్చుతాడు కార్తీక్.
అంతా తన కంట్రోల్ లోనే ఉన్నప్పుడు, తాను అనుకున్నది మాత్రమే జరుగుతున్నప్పుడు మనిషి సంతోషంగా ఉంటాడు. నేను ఒకటి అనుకున్నా కానీ జరగలేదు. అది నీ పెళ్లి. నేను ఒకటి అనుకోలేదు కానీ జరిగింది. అది దీప పెళ్లి. చేసింది దీప పెళ్లయినా ఈ ఇంటి ఆడపడుచు ముఖంలో నవ్వు చూడాలనుకున్నా. కానీ నేను కోరుకున్నది జరగలేదు. కాంచన మనల్ని క్షమించదు అని శివన్నారాయణ అంటాడు. అప్పుడే కార్తీక్, దీప వస్తారు. దీపను చూసి సుమిత్ర లోపలికి వెళ్లిపోతుంది.
జ్యోత్స్న ప్రమేయం
కార్తీక్ తో కలిసి శివన్నారాయణ కార్లో బయటకు వెళ్తాడు. దీప, కార్తీక్ ముఖాలు చూశావా? ఏం తెలియనట్లు నార్మల్ గా ఉన్నారని పారుతో జ్యోత్స్న అంటుంది. మనుషుల నుంచి తప్పించుకొని ఎంత దూరం పోతావు? తప్పు బయటపడ్డ తర్వాత గిల్టీనెస్ మొదలవుతుంది. మనిషి ఎదురుపడితే మొహం చెల్లదు. అందుకే కదా లోపలికి వచ్చిందని సుమిత్రతో దశరథ అంటాడు. నేను తప్పు చేయలేదు. ఎవరి ముందు తలదించుకోవాల్సిన అవసరం లేదని సుమిత్ర అంటుంది.
మధ్యలో జ్యోత్స్న వచ్చి మమ్మీని తిట్టొద్దని దశరథతో అంటుంది. మన ఇంట్లో పెళ్లి ఆగిపోతే పరువు పోయేది మా నాన్నది. అందుకు కారణం ఇంటి కోడలే అయితే బాధపడొద్దా? అని దశరథ అంటాడు. జరిగింది మర్చిపోయి దీప, బావ వాళ్ల పని వాళ్లు చేసుకుంటున్నారు. మనమెందుకు గొడవ పడాలని జ్యో అంటుంది. కాంచన నా రక్తం పంచుకుని పుట్టిన చెల్లి. నా చెల్లి గుండె ఎంత కదిలిపోకపోతే అలాంటి మాటలొస్తాయి. తప్పు చేసింది మీ అమ్మ అయితే బాధపడటం ఎందుకు? చాలా రోజుల తర్వాత నా చెల్లి కళ్లలో ఆనందం చూశా. అంతలోనే ఆ నవ్వు చెరిపేశారు. దీపకు, మేనల్లుడికి కూడా నా ముఖం చూపించుకోలేనని దశరథ అంటాడు.
దీప కోసం సొంత మేన కోడలినే గుమ్మం తొక్కద్దని అత్త చెప్పింది. అత్త బావకు సపోర్ట్ చేసినట్లు నువ్వు అమ్మకు సపోర్ట్ చేయాలి కదా. నీకు చెల్లి మీద ఉన్న ప్రేమ భార్య మీద లేదు నాన్న అని జ్యోత్స్న అనడంతో దశరథ కోపంతో చేయి ఎత్తుతాడు. చెల్లి ఆనందం గురించే కానీ భార్య గురించి పట్టించుకోరా అని సుమిత్ర అంటుంది. చేసిన తప్పుకు మా చెల్లితో పాటు కార్తీక్, దీపకు క్షమాపణ చెప్పాలని దశరథ అనడంతో నేటి కార్తీక దీపం 2 సీరియల్ ఎపిసోడ్ ముగుస్తుంది.
చివరిగా, కార్తీక దీపం 2 ఎపిసోడ్లోని సంఘర్షణలు, కుటుంబ సమస్యలు ప్రేక్షకులను ఆకట్టుకున్నాయి. దీప, కార్తీక్ల ప్రతిస్పందనలు ఆసక్తికరంగా ఉన్నాయి.
