తాజాగా విడుదలైన 33వ వారం టీఆర్పీ రేటింగ్స్లో కార్తీకదీపం 2 సీరియల్ అగ్రస్థానంలో నిలిచింది. 15.25 రేటింగ్తో కార్తీకదీపం 2 నయా రికార్డు సృష్టించగా, స్టార్ మా మరియు జీ తెలుగు ఛానెల్స్లోని అనేక సీరియల్స్ టాప్ 10లో చోటు దక్కించుకున్నాయి.
Key Points
కార్తీకదీపం 2 సీరియల్ 15.25 రేటింగ్తో అగ్రస్థానంలో నిలిచింది.
స్టార్ మా 5 సీరియల్స్ 10 రేటింగ్ను దాటాయి.
ఇల్లు ఇల్లాలు పిల్లలు, ఇంటింటి రామాయణం, గుండె నిండా గుడి గంటలు కూడా అత్యధిక రేటింగ్లు సాధించాయి.
కార్తీకదీపం 2 అగ్రస్థానంలో
స్టార్ మా సీరియల్స్ 33వ వారం టీఆర్పీ రేటింగ్స్ లోనూ సత్తా చాటాయి. ముఖ్యంగా కార్తీకదీపం 2 సీరియల్ ప్రతి వారం తన రేటింగ్ మెరుగుపరచుకుంటూనే ఉంది. ఈసారి ఏకంగా 15 రేటింగ్ కూడా దాటిపోయింది. అటు నాలుగు జీ తెలుగు సీరియల్స్ కూడా టాప్ 10లో చోటు దక్కించుకున్నాయి.
తెలుగు టీవీ సీరియల్స్ టీఆర్పీ రేటింగ్స్ రిలీజ్ అయ్యాయి. 33వ వారానికి సంబంధించిన ఈ రేటింగ్స్ ఈ వారం ఒక రోజు ఆలస్యంగా వచ్చాయి. ఇందులో కార్తీకదీపం 2 సీరియల్ ఏకంగా 15.25 రేటింగ్ తో తన తొలి స్థానాన్ని మరింత పదిలం చేసుకుంది. కేవలం అర్బన్ రేటింగ్ చూసుకున్నా 11.74తో టాప్ లోనే ఉంది. ఇక రెండో స్థానంలో ఇల్లు ఇల్లాలు పిల్లలు కొనసాగుతోంది. అయితే ఈవారం మరింత మెరుగైన రేటింగ్ అంటే ఏకంగా 14.58 సాధించడం విశేషం.
స్టార్ మా సీరియల్స్ సత్తా
మూడో స్థానంలో ఇంటింటి రామాయణం ఉంది. ఈ సీరియల్ కు 33వ వారం 13.34 రేటింగ్ నమోదైంది. నాలుగో స్థానంలో గుండె నిండా గుడి గంటలు ఉంది. ఈ సీరియల్ కు 12.65 రేటింగ్ వచ్చింది. ఐదో స్థానంలో ఉన్న చిన్ని కూడా ఈవారం 10.18 రేటింగ్ తో ఉంది. ఆరో స్థానంలో నువ్వుంటే నా జతగా 9.92 రేటింగ్ తో కొనసాగుతోంది. బ్రహ్మముడి మాత్రం గత వారం టాప్ 10లో చోటు కోల్పోగా.. ఈవారం కూడా రేటింగ్ మరింత దిగజారి 6.88కి పరిమితమైంది.
జీ తెలుగు సీరియల్స్ ఈవారం కూడా సత్తా చాటాయి. టాప్ 10లో నాలుగు ఆ ఛానెల్ కు చెందిన సీరియల్స్ ఉన్నాయి. అత్యధికంగా చామంతి 8.32 రేటింగ్ సాధించడం విశేషం. ఓవరాల్ గా ఈ సీరియల్ ఏడో స్థానంలో ఉంది. ఆ తర్వాత 8వ స్థానంలో ఉన్న జగద్ధాత్రి సీరియల్ కు 7.94 రేటింగ్ వచ్చింది.
జీ తెలుగు సీరియల్స్ ప్రదర్శన
9వ స్థానంలో మేఘ సందేశం 7.56 రేటింగ్ సాధించగా.. పదో స్థానంలోకి జయం సీరియల్ వచ్చి చేరింది. ఈ సీరియల్ కు 7.32 రేటింగ్ నమోదైంది. మరో సీరియల్ లక్ష్మీనివాసం 6.95 రేటింగ్ తో 11వ స్థానంలో ఉంది. మొత్తంగా చూసుకుంటే ఈవారం అటు స్టార్ మా, ఇటు జీ తెలుగు సీరియల్స్ అన్నింటి రేటింగ్ చాలా మెరుగైంది.
మొత్తంగా ఈ వారం స్టార్ మా మరియు జీ తెలుగు ఛానెల్స్ లోని సీరియల్స్ అన్నీ మంచి రేటింగ్స్ సాధించాయి. ప్రేక్షకుల ఆదరణకు నిదర్శనంగా ఈ రేటింగ్స్ నిలుస్తున్నాయి.
