📌 Key Points
- కావ్యా మారన్, అనిరుధ్ రవిచందర్ పెళ్లి చేసుకోబోతున్నారనే వార్త సోషల్ మీడియాలో వైరల్.
- సన్ రైజర్స్ హైదరాబాద్ కోసం అనిరుధ్ థీమ్ సాంగ్ కంపోజ్ చేయడం, వీరిద్దరూ కలిసి కనిపించడం రూమర్లకు కారణం.
- అనిరుధ్ గతంలో ఈ వార్తలను ఖండించినప్పటికీ, ఇప్పుడు పెద్దల సమక్షంలో పెళ్లికి సిద్ధమయ్యారనేది తాజా సమాచారం.
- ఇప్పటివరకు కావ్యా మారన్ లేదా అనిరుధ్ నుండి అధికారిక ప్రకటన వెలువడలేదు.
కావ్యా మారన్, అనిరుధ్ రవిచందర్ పెళ్లి చేసుకోబోతున్నారనే వార్త ప్రస్తుతం సోషల్ మీడియాలో హల్ చల్ చేస్తోంది. వీరిద్దరి మధ్య ప్రేమాయణం నడుస్తుందని, త్వరలోనే పెళ్లి పీటలు ఎక్కబోతున్నారని కోలీవుడ్ మీడియాలో వార్తలు వస్తున్నాయి.
కావ్యా మారన్, అనిరుధ్ పెళ్లి వార్త వైరల్
Kavya Maran – Anirudh Ravichander Wedding Rumours:
”కావ్యా మారన్..అనిరుధ్ రవిచందర్ కలిసి పెళ్లి చేసుకోబోతున్నారు ” ఈ న్యూసే ఇపుడు నెట్టింటిని తెగ షేక్ చేస్తుంది.మ్యాటర్ లోకి వెళ్తే.. ఐపీఎల్ వేలం పాటల్లోనూ, స్టేడియంలోనూ తన ఎక్స్ప్రెషన్స్తో యూత్ ని ఫిదా చేసే కావ్యా మారన్, ఇప్పుడు తన పర్సనల్ లైఫ్ తో మీడియాలో హైలెట్ అయ్యారు. స్టార్ కంపోజర్ అనిరుధ్తో ఆమె పెళ్లి ఫిక్స్ అయిందని ,ఇక త్వరలోనే వీరు ఒక ఇంటివారు కాబోతున్నారని కోలీవుడ్ మీడియా కోడై కూస్తోంది. అయితే గత కొన్నాళ్లుగా వీరిద్దరి మధ్య ఏదో ఉందంటూ రూమర్స్ వచ్చిన సంగతి తెల్సిందే.ఆ రూమర్స్ కాస్తా ఇపుడు పెళ్లి పీటలదాకా రావడం గమనార్హం. ముఖ్యంగా కోలీవుడ్ సర్కిల్స్ లో ఈ పెళ్లికి సంబంధించిన న్యూస్ తెగ చక్కర్లు కొడుతుండటంతో అసలిందులో నిజమెంత అంటూ అటు క్రికెట్ ఫ్యాన్స్, ఇటు మ్యూజిక్ లవర్స్ తెగ డిబేట్లు పెట్టేస్తున్నారు .
లవ్ స్టోరీకి కారణమైన అంశాలు
అయితే వీరి మధ్య ఈ లవ్ స్టోరీ ఇప్పటిది కాదట. సన్రైజర్స్ హైదరాబాద్ టీమ్ కోసం అనిరుధ్ ప్రత్యేకంగా థీమ్ సాంగ్ కంపోజ్ చేయడం, పలు సందర్భాల్లో వీరిద్దరూ కలిసి కనిపించడం ఈ రూమర్లకు మరింత బూస్టప్ నిచ్చాయ్.ఇక ఇదివరకు ఇలా సర్క్యులేట్ అయిన వార్తల్ని అనిరుధ్ ఖండించినప్పటికీ, తాజాగా మరోసారి వీరిద్దరూ పెద్దల సమక్షంలో తమ బంధాన్ని పెళ్లిగా మార్చుకోవాలని నిర్ణయించుకున్నారన్న వార్త మరోసారి హైలెట్ అవ్వడం గమనార్హం.
కావ్యా మారన్ విషయానికి వస్తే సన్ గ్రూప్ అధినేత కళానిధి మారన్ కుమార్తె అన్న సంగతి తెలిసిందే. ఇక తను కేవలం బిజినెస్ ఉమెన్ గానే కాకుండా ఐపీఎల్ లో కూడా తనకంటూ స్పెషల్ క్రేజ్ కొట్టేసిన సంగతి తెల్సిందే.మరోవైపు అనిరుధ్ రవిచందర్ ప్రస్తుతం ఇండియాలోనే టాప్ మ్యూజిక్ డైరెక్టర్. ఇక వరుస పాన్ ఇండియా బ్లాక్ బస్టర్లతో ఫుల్ ఫామ్లో ఉన్నారు కూడా . సో ..ఇంతటి పేరున్న ఇద్దరు వ్యక్తులు ఒక్కటవుతున్నారంటే, ఆ వివాహం ఎంత గ్రాండ్గా ఉంటుందో మనం ఊహించవచ్చు.
అధికారిక ప్రకటన కోసం ఎదురుచూపులు
అయితే ఇద్దరూ పెళ్లి చేసుకుంటున్నారన్న వార్త నెట్టింట్లో వైరల్ అవ్వడమె కాని కావ్యా మారన్ వైపు నుంచి కానీ, అనిరుధ్ నుంచి కాని ఎలాంటి అఫీషియల్ అనౌన్స్ మెంట్ ఇప్పటి వరకైతే రాలేదు. అయితే ఇలాగే పలు సెలబ్రిటీలు పెళ్ళిళ్ళు చేసుకోబోతున్నారనే వార్తలు మనమూ ఎప్పటి నుండో వింటూనే ఉన్నాం.మరి ఇదీ అలాంటి పుకారేనా లేక నిజంగానే ఇద్దరు పెళ్లి పీటలు ఎక్కబోతున్నారా అన్న విషయం వాళ్ళ నోటి నుండి వస్తే కాని కన్ఫం అయ్యేలా లేదు.ఏది ఏమైనా ఈ వార్త నిజమైతే మాత్రం, ఇది ఖచ్చితంగా ఈ ఏడాదిలోనే అతిపెద్ద సెలబ్రిటీ వెడ్డింగ్గా నిలుస్తుందనడంలో ఏ మాత్రం సందేహం లేదు !
కావ్యా మారన్, అనిరుధ్ పెళ్లి వార్త ఇంకా రూమర్గానే ఉందా లేక నిజంగానే శుభవార్త వింటామో చూడాలి. వారి అధికారిక ప్రకటన కోసం అభిమానులు ఎదురు చూస్తున్నారు.
