విజయ్ దేవరకొండ హీరోగా నటించిన ‘కింగ్డమ్’ సినిమా ఓటీటీ రిలీజ్ గురించి తాజా వార్తలు వైరల్గా వ్యాపిస్తున్నాయి. నెట్ఫ్లిక్స్లో ఈ సినిమా స్ట్రీమింగ్ అయ్యే అవకాశం ఉంది.
Key Points
విజయ్ దేవరకొండ నటించిన కింగ్డమ్ సినిమా ఓటీటీలోకి రాబోతోంది.
నెట్ఫ్లిక్స్లో ఈ స్పై థ్రిల్లర్ డిజిటల్ స్ట్రీమింగ్ అవుతుంది.
ఆగస్టు 28, 2025న స్ట్రీమింగ్ ప్రారంభం అయ్యే అవకాశం ఉంది.
సినిమాకు థియేటర్లలో మిశ్రమ స్పందన వచ్చింది.
కింగ్డమ్ ఓటీటీ రిలీజ్ డేట్
విజయ్ దేవరకొండ లేటెస్ట్ స్పై థ్రిల్లర్ ‘కింగ్డమ్’ (Kingdom) మూవీ ఓటీటీ రిలీజ్ పై లేటెస్ట్ బజ్ తెగ వైరల్ గా మారింది. బాక్సాఫీస్ దగ్గర అంచనాలు అందుకోలేకపోయిన ఈ సినిమా డిజిటల్ స్ట్రీమింగ్ కు వచ్చేందుకు రంగం సిద్ధమవుతోంది. కింగ్డమ్ సినిమా ఓటీటీ రిలీజ్ ఇదేనంటూ ఓ బజ్ చక్కర్లు కొడుతోంది.
కింగ్డమ్ సినిమా డిజిటల్ రైట్స్ ను ప్రముఖ ఓటీటీ ప్లాట్ ఫామ్ నెట్ఫ్లిక్స్ దక్కించుకున్న సంగతి తెలిసిందే. ఈ మూవీ నెట్ఫ్లిక్స్లోనే డిజిటల్ స్ట్రీమింగ్ కానుంది. అయితే కింగ్డమ్ ఫిల్మ్ ఇదే నెలలో ఓటీటీ లోకి వస్తుందనే టాక్ వినిపిస్తోంది. ఆగస్టు 28, 2025 నుంచి కింగ్డమ్ డిజిటల్ స్ట్రీమింగ్ అవుతుందనే వార్త ఫిల్మ్ సర్కిల్స్ లో వైరల్ గా మారింది. అయితే దీనిపై అఫీషియల్ అనౌన్స్ మెంట్ రావాల్సి ఉంది.
నెట్ఫ్లిక్స్లో కింగ్డమ్
విజయ్ దేవరకొండ హీరోగా యాక్ట్ చేసిన కింగ్డమ్ మూవీ జులై 31న ప్రపంచవ్యాప్తంగా రిలీజైంది. పాన్ ఇండియా స్థాయిలో ఈ మూవీని రిలీజ్ చేశారు. అన్న కోసం వెతికే తమ్ముడి కథతో, స్పై బ్యాక్ డ్రాప్ తో ఈ థ్రిల్లర్ ను ఆడియన్స్ ముందుకు తీసుకొచ్చారు. గౌతమ్ తిన్ననూరి డైరెక్షన్ లో వచ్చిన ఈ సినిమా నెల రోజుల్లోపే ఓటీటీలోకి వచ్చే సంకేతాలు కనిపిస్తున్నాయి. ఆగస్టు 28 నుంచి ఈ మూవీ స్ట్రీమింగ్ అయ్యే అవకాశాలున్నాయి.
కింగ్డమ్ సినిమాకు థియేటర్లలో మిక్స్ డ్ రెస్పాన్స్ వచ్చింది. విజయ్ దేవరకొండ యాక్టింగ్ అదిరిపోయిందన్న ఆడియన్స్.. స్టోరీ విషయంలో మాత్రం కాస్త డిసప్పాయింట్ అయ్యారు. విజయ్ దేవరకొండ కెరీర్ లోనే బిగ్గెస్ట్ ఓపెనింగ్స్ సాధించింది ఈ సినిమా. కానీ ఆ తర్వాత కలెక్షన్లు పడిపోయాయి. ఈ సినిమా ఇప్పటివరకూ ఇండియాలో రూ.50.81 కోట్ల నెట్ కలెక్షన్లు సాధించిందని సక్నిల్క్ వెబ్ సైట్ వెల్లడించింది. ఈ మూవీ ఇంకా థియేటర్లలో రన్ అవుతోంది.
కింగ్డమ్ సినిమాకు ప్రేక్షకుల స్పందన
సితారా ఎంటర్ టైన్మెంట్స్, ఫార్చ్యూన్ ఫోర్ క్రియేషన్స్, శ్రీకర స్టూడియోస్ బ్యానర్లపై నాగవంశీ, సాయి సౌజన్య కింగ్డమ్ సినిమాను నిర్మించారు. రూ.130 కోట్ల బడ్జెట్ తో ఈ మూవీ తెరకెక్కింది. ఇందులో విజయ్ దేవరకొండ అన్నగా సత్యదేవ్ నటించాడు. భాగ్యశ్రీ బోర్సే హీరోయిన్. అనిరుధ్ రవిచందర్ మ్యూజిక్ అందించాడు.
చివరిగా, కింగ్డమ్ సినిమా ఓటీటీ ప్రయాణం ఎలా ఉంటుందో చూడాలి. ఆగస్టు 28 తేదీ అధికారికంగా ఖరారైతే, విజయ్ దేవరకొండ అభిమానులకు మరో విందు.
