కోలీవుడ్లో షాకింగ్ న్యూస్! ఆర్య నటించే సినిమా షూటింగ్లో జరిగిన ప్రమాదంలో ప్రముఖ స్టంట్ మ్యాన్ రాజు మరణించారు. హై రిస్క్ స్టంట్లో ఈ దుర్ఘటన జరిగింది. తమిళ నటుడు విశాల్ ఈ విషయాన్ని ధృవీకరించారు.
Key Points
సినిమా షూటింగ్లో ప్రమాదవశాత్తు స్టంట్ మ్యాన్ రాజు మరణం.
ఆర్య నటిస్తున్న పా. రంజిత్ చిత్ర షూటింగ్ సమయంలో ఈ దుర్ఘటన.
హై రిస్క్ కారు బోల్తా స్టంట్ సమయంలో ప్రమాదం సంభవించింది.
తమిళ నటుడు విశాల్ తన సోషల్ మీడియా పోస్ట్ ద్వారా ఈ విషయాన్ని ధృవీకరించారు.
ఆర్య సినిమా షూటింగ్లో ప్రమాదం
కోలీవుడ్ ఇండస్ట్రీ(Kollywood Industry)లో పెను విషాదం చోటు చేసుకుంది. సినిమా షూటింగ్లో జరిగిన ప్రమాదంలో ప్రముఖ స్టంట్ మ్యాన్ రాజు(Raju) చనిపోయారు. పా రంజిత్(Pa Ranjith) డైరెక్షన్లో ఆర్య(Arya) నటిస్తున్న మూవీలో ఈ దుర్ఘటన జరిగింది. సెట్లో హై రిస్క్ కారు బోల్తా స్టంట్ చేస్తూ రాజు ప్రాణాలు కోల్పోయారు. ఈ విషయాన్ని తమిళ నటుడు విశాల్(Vishal) స్టంట్ మ్యాన్ రాజు మృతిని ధృవీకరించారు. ఈ మేరకు ఎక్స్ వేదికగా ఓ ఎమోషనల్ పోస్ట్ పెట్టారు. “ఆర్య, రంజిత్ సినిమా కోసం ఈ ఉదయం కారు బోల్తా పడే సన్నివేశం చేస్తూ స్టంట్ ఆర్టిస్ట్ రాజు మరణించాడనే వాస్తవాన్ని జీర్ణించుకోవడం చాలా కష్టం.
నాకు రాజు చాలా సంవత్సరాలుగా తెలుసు. అతను చాలా ధైర్యవంతుడు. నా సినిమాల్లో చాలా రిస్కీ స్టంట్స్ చేశాడు. అతని కుటుంబానికి నా ప్రగాఢ సానుభూతిని తెలియజేస్తున్నాను. ఆయన ఆత్మకు శాంతి చేకూరాలి. ఆయన కుటుంబానికి దేవుడు మరింత బలాన్ని ప్రసాదించాలని కోరుకుంటున్నా. అనేక చిత్రాలకు ఆయన చేసిన కృషి ఎనలేనిది. రాజు కుటుంబానికి అండగా ఉంటాను” అని విశాల్ రాసుకొచ్చారు. ప్రస్తుతం ఈ పోస్ట్ సోషల్ మీడియాలో వైరల్గా మారింది. Link
స్టంట్ మ్యాన్ రాజు మృతి
విశాల్ సోషల్ మీడియా పోస్ట్
ఈ విషాద సంఘటనతో కోలీవుడ్ ఇండస్ట్రీ లో విషాదం నెలకొంది. స్టంట్ మ్యాన్ రాజు కుటుంబానికి ప్రగాఢ సానుభూతి తెలియజేస్తూ, దేవుడు వారికి బలాన్ని ఇవ్వాలని కోరుకుందాం.
