📌 Key Points
- దర్శకుడు బాబీ త్వరలో హృతిక్ రోషన్తో బాలీవుడ్ చిత్రం చేయనున్నట్లు రచయిత కోన వెంకట్ వెల్లడించారు.
- మెగాస్టార్ చిరంజీవితో మెగా 158 మూవీ తర్వాత బాబీ ఈ ప్రాజెక్ట్ను చేపట్టే అవకాశం ఉంది.
- హృతిక్ రోషన్కు బాబీ చెప్పిన కథ బాగా నచ్చిందని, ఆయన స్క్రిప్ట్పై ఫిదా అయ్యారని కోన వెంకట్ తెలిపారు.
- బాబీ విజన్, మేకింగ్ స్టైల్పై హృతిక్ పూర్తి నమ్మకంతో ఉన్నారని కోన వెంకట్ పేర్కొన్నారు.
ప్రముఖ దర్శకుడు బాబీ త్వరలో బాలీవుడ్ స్టార్ హీరో హృతిక్ రోషన్తో సినిమా చేయనున్నట్లు రచయిత కోన వెంకట్ వెల్లడించారు. మెగాస్టార్ చిరంజీవితో ‘మెగా 158’ చిత్రం తర్వాత బాబీ ఈ ప్రాజెక్ట్ను చేపట్టే అవకాశం ఉంది.
బాలీవుడ్లో బాబీ సత్తా చాటేందుకు సిద్ధం
Kona Venkat: తెలుగు దర్శకులు ఇప్పుడు బాలీవుడ్లో తమ సత్తా చాటుతున్నారు. ఇప్పటికే ఎంతో మంది బాలీవుడ్లో దర్శకులుగా నిరూపించుకున్నారు. ఇప్పుడీ లిస్ట్లోకి దర్శకుడు బాబీ (కె.ఎస్. రవీంద్ర) కూడా చేరబోతున్నారు. అవును, తన తర్వాతి ప్రాజెక్ట్ను బాలీవుడ్ స్టార్ హీరో హృతిక్ రోషన్ (Hrithik Roshan)తో చేయబోతున్నట్లు ప్రముఖ రచయిత కోన వెంకట్ ఒక ఇంటర్వ్యూలో వెల్లడించారు. మెగాస్టార్ చిరంజీవి (Megastar Chiranjeevi)తో ‘వాల్తేరు వీరయ్య’ వంటి బ్లాక్ బస్టర్ హిట్ అందుకున్న బాబీ (Bobby), ఆ తర్వాత బాలయ్యతో ‘డాకు మహారాజ్’ చేసి మరో బ్లాక్ బస్టర్ కొట్టారు. మళ్లీ ఇప్పుడు మెగాస్టార్ చిరంజీవిని డైరెక్ట్ చేయబోతున్నారు. త్వరలోనే మెగాస్టార్తో మెగా158 మూవీ ప్రారంభం కానుందని తెలుస్తుండగా, ఈ మూవీ తర్వాత నేరుగా బాలీవుడ్ సూపర్స్టార్ హృతిక్ను డైరెక్ట్ చేసే అవకాశం బాబీ దక్కించుకోవడం ఇప్పుడు ఇండస్ట్రీలో హాట్ టాపిక్గా మారింది. ఈ చిత్రాన్ని బాబీ డైరెక్ట్ చేస్తారని, ఇది ఖచ్చితంగా జరుగుతుందని కోన వెంకట్ (Kona Venkat) ధీమా వ్యక్తం చేస్తున్న వీడియో ఒకటి సోషల్ మీడియాలో బాగా వైరల్ అవుతోంది. ఈ వీడియోలో కోన వెంకట్ మాట్లాడుతూ..
హృతిక్ను ఫిదా చేసిన బాబీ కథ
ఈ సినిమాకు సంబంధించిన కథా చర్చలు ఇప్పటికే పూర్తయ్యాయని, బాబీ చెప్పిన కథకు హృతిక్ రోషన్ ఫిదా అయిపోయారని కోన వెంకట్ తెలిపారు. బాబీ, తాను, చక్రవర్తి రెడ్డి కలిసి ఈ స్క్రిప్ట్పై వర్క్ చేశామని ఆయన పేర్కొన్నారు. హృతిక్కు కథ ఎంతగా నచ్చిందంటే.. బాబీని ఉద్దేశించి ‘నీకు ఇలాంటి ఆలోచనలు ఎలా వస్తాయి? నువ్వు ఏం తింటావు? ఏ ఎక్సర్సైజ్లు చేస్తావు?’ అని ఆశ్చర్యంగా అడిగారు. వారిద్దరి మధ్య రొమాన్స్ అలా నడిచింది. బాబీ మేకింగ్ స్టైల్, విజన్పై హృతిక్ పూర్తి నమ్మకంతో ఉన్నట్లు కోన ఇందులో చెబుతున్నారు. నిజంగా విషయం లేకుండా కోన వెంకట్ అయితే చెప్పరు. కథ కూడా సిద్ధమైందని అంటున్నారు కాబట్టి.. మెగాస్టార్ చిరంజీవితో చేస్తున్న మూవీ పూర్తవ్వగానే.. బాబీ తదుపరి చిత్రం హృతిక్ రోషన్తోనే ఉండే అవకాశాలున్నాయి.
కోన వెంకట్ మాటల్లో బాబీ-హృతిక్ సినిమా విశేషాలు
మరోవైపు హృతిక్ రోషన్కు కూడా హిట్ వచ్చి చాలా కాలం అవుతుంది. ఇటీవల ఎన్టీఆర్తో కలిసి ఆయన చేసిన ‘వార్ 2’ చిత్రం అనుకున్నంతగా సక్సెస్ కాలేదు. దీంతో మంచి కమ్ బ్యాక్ ఇచ్చేందుకు హృతిక్ ప్రయత్నాలు చేస్తున్నారు. బాబీతో అంటే, కచ్చితంగా మాస్ యాక్షన్ ఉంటుంది కాబట్టి.. హృతిక్కు కూడా హిట్ వస్తుందని భావించవచ్చు. కాకపోతే అధికారిక ప్రకటన ఎప్పుడు వస్తుందనేది తెలియదు. షారుక్, సల్మాన్ వంటి వారు కూడా ఇప్పుడు సౌత్ దర్శకులతో సినిమాలు తీయడానికి ఉత్సాహం చూపిస్తున్నారు. సల్మాన్ కూడా త్వరలోనే ఓ తెలుగు దర్శకుడితో సినిమా చేయనున్నారనేలా వార్తలు నడుస్తున్నాయి. చూస్తుంటే, మనోళ్లు బాలీవుడ్ని ఏలేయడం ఖాయమని అనిపిస్తుంది. చూద్దాం.. ఏం జరుగుతుందో?
చిరంజీవితో సినిమా తర్వాత బాబీ నేరుగా హృతిక్ రోషన్తో సినిమా చేసే అవకాశం ఉండటం విశేషం. ఈ కలయిక ఎలాంటి ఫలితాలను ఇస్తుందో చూడాలి. దీనిపై మరిన్ని వివరాలు త్వరలో తెలుస్తాయి.
