తెలుగు చిత్ర పరిశ్రమకు తీరని లోటు అయిన కోట శ్రీనివాసరావు గురించి, ఆయన నట జీవితాన్ని మార్చిన ఒకే ఒక సినిమా గురించి తెలుసుకుందాం. ‘ప్రతిఘటన’ సినిమాలో ఆయన పోషించిన పాత్ర అద్భుతమైనది.
Key Points
కోట శ్రీనివాసరావు 'ప్రతిఘటన' సినిమాతో నటుడిగా మంచి గుర్తింపు పొందారు.
మంత్రి కాశయ్య పాత్రలో ఆయన తెలంగాణ యాసలో అద్భుతంగా నటించారు.
'ప్రతిఘటన' సినిమా కోసం కోట ప్రత్యేకంగా తెలంగాణ యాస నేర్చుకున్నారు.
ఈ సినిమా ఆయనకు నంది అవార్డును అందించింది.
కోట శ్రీనివాసరావు: ఒక విలక్షణ నటుడు
తెలుగు తెర విలక్షణ నటుడు కోట శ్రీనివాసరావు ఈ ఆదివారం ఉదయం (జులై 13)న మరణించిన విషయం తెలిసిందే. దీంతో తెలుగు చిత్ర పరిశ్రమలో తీవ్ర విషాదం చోటు చేసుకుంది.
ఇటీవలే ఆస్కార్ విన్నర్ కీరవాణి తండ్రి శివ శక్తి దత్తా మరణం నుంచి కోలుకోకముందే ఇప్పుడు మరో దిగ్గజ నటుడు మరణించడం టాలీవుడ్కి తీరని లోటు అని చెప్పొచ్చు.
అయితే 750కిపైగా చిత్రాల్లో నటించిన కోట శ్రీనివాసరావు 1978 లో `ప్రాణం ఖరీదు` మూవీతో టాలీవుడ్కి పరిచయం అయ్యారు.
నటుడిగా మంచి గుర్తింపు తెచ్చుకోవడానికి ఆయనకు ఏడేళ్లు పట్టింది. 1985 ఆయన జీవితాన్నే మార్చేసింది. ఇందులో `వందేమాతరం` చిత్రం ఆయనకు మంచి గుర్తింపు తెచ్చింది.
టీ కృష్ణ దర్శకత్వంలో వచ్చిన ఈ మూవీలో విజయశాంతి, రాజశేఖర్ ప్రధాన పాత్రలు పోషించగా, కోట శ్రీనివాసరావు నెగటివ్ షేడ్ ఉన్న రోల్ చేశారు. మంచి గుర్తింపు తెచ్చుకున్నారు.
‘ప్రతిఘటన’ సినిమా: కెరీర్ టర్నింగ్ పాయింట్
ఇక ఆయన కెరీర్కి బిగ్ బ్రేక్ ఇచ్చిన మూవీ `ప్రతిఘటన` అనే చెప్పాలి. ఈ సినిమాతో విలనిజానికి కొత్త అర్థం చెప్పారాయన.
అదే ఏడాది వచ్చిన `ప్రతిఘటన` మూవీలో విలన్గా విశ్వరూపం చూపించారు కోట శ్రీనివాసరావు. ఈ చిత్రం కూడా టీ కృష్ణ దర్శకత్వంలోనే రూపొందింది.
ఇందులో విజయశాంతి, చంద్రమోహన్ ప్రధాన పాత్రలు పోషించారు. చరణ్ రాజ్, కోట శ్రీనివాసరావు విలన్గా నటించారు. మినిస్టర్ కాశయ్య పాత్రలో కోట రెచ్చిపోయారు. తెలంగాణ యాసలో అదరగొట్టాడు.
ఈ సినిమాతోనే తెలంగాణ యాసకి ప్రయారిటీ పెరిగిందని, ఆ విషయంలో కోట పాత్ర కీలకమని చెప్పొచ్చు. ఈ సినిమా కోసం కోట ప్రత్యేకంగా తెలంగాణ యాస నేర్చుకున్నారు.
మంత్రి కాశయ్యగా విజయశాంతిని డామినేట్ చేసే పాత్రలో, ఆమెని ముప్పుతిప్పులు పెట్టే పాత్రలో అదరగొట్టాడు కోటా.
మంత్రి కాశయ్య పాత్ర: అభిమానులను ఆకట్టుకున్న నటన
అయితే ఇందులో మెయిన్ విలన్గా చరణ్ రాజ్ నటించగా, ఆయనకు అండగా ఉండే పాత్రలో కోట కనిపిస్తారు. అవినీతికి, కిరాతకుడిగా ఆయన నటన వాహ్ అనిపిస్తుంది.
నిజంగానే ఆడియెన్స్ అసహ్యించుకునేలా నటించి మెప్పించారు. ఈ చిత్రంలోని ఆయన పాత్రకి స్పెషల్ జ్యూరీలో నంది అవార్డు వరించడం విశేషం.
ఈ సినిమాతో కోట కెరీర్ మారిపోయింది. ఇండస్ట్రీలో బిజీ ఆర్టిస్ట్ అయ్యారు. ఆ తర్వాత వరుసగా అత్యంత క్రూరమైన విలన్గా మెప్పించారు.
అదే సమయంలో క్యారెక్టర్ ఆర్టిస్ట్ గా పాజిటివ్ రోల్స్ కూడా చేశారు. హీరోహీరోయిన్లకి నాన్నగా, మామయ్యగా, బాబాయ్గా ఆకట్టుకున్నారు. బాబూ మోహన్తో కలిసి చేసిన కామెడీ గురించి ఎంత చెప్పిన తక్కువే.
వీరిది ఇండస్ట్రీలో బెస్ట్ జోడీ అని చెప్పాలి. వీరి మధ్య కెమిస్ట్రీ కూడా అంతే బాగా పండేది. వెండితెరపై కామెడీతో నవ్వులు పూయించారు.
కోట శ్రీనివాసరావు ‘ప్రతిఘటన’ సినిమాతో తెలుగు సినిమా రంగంలో తనకంటూ ప్రత్యేక గుర్తింపును సంపాదించుకున్నారు. ఆయన నటన, కృషి తెలుగు సినిమాకు ఎల్లప్పుడూ స్ఫూర్తిగా ఉంటాయి.
