ఎలాంటి అంచనాలకు మించి, ‘మహావతార్ నరసింహా’ సినిమా ప్రేక్షకులను ఆకట్టుకుంటోంది. ‘హరిహర వీరమల్లు’ తో పాటు విడుదలైన ఈ సినిమా అద్భుతమైన టాక్ను సొంతం చేసుకుంది. చిన్నారులకు మాత్రమే కాదు, పెద్దలకు కూడా ఈ సినిమా బాగా నచ్చుతోంది.
Key Points
మహావతార్ నరసింహా సినిమా ఊహించని విజయాన్ని సాధిస్తోంది.
రెండో రోజు రూ. 4.6 కోట్ల కలెక్షన్స్ సాధించింది.
బుక్ మై షోలో గంటకు 13,000 పైగా టికెట్లు అమ్ముడుపోతున్నాయి.
దక్షిణాదితో పాటు ఉత్తరాదిలోనూ మంచి ఆదరణ లభిస్తోంది.
ఊహించని విజయం
ఎలాంటి అంచనాల్లేకుండా వచ్చే సినిమాలు కొన్నిసార్లు అద్భుతాలు సృష్టిస్తుంటాయి. అలానే ప్రేక్షకుల్ని సర్ప్రైజ్ చేస్తుంటాయి. రెండు రోజుల క్రితం థియేటర్లలోకి వచ్చిన ‘మహావతార్ నరసింహా’ మూవీ కూడా సేమ్ అలానే. ఎందుకంటే ‘హరిహర వీరమల్లు’తో పాటు రిలీజై అదిరిపోయే టాక్ తెచ్చుకుంటుంది. అందుకు తగ్గట్లే కలెక్షన్స్ కూడా పెరుగుతున్నాయి.
కేజీఎఫ్, కాంతార, సలార్ సినిమాలతో గుర్తింపు తెచ్చుకున్న హోంబలే ఫిల్మ్స్ నిర్మించిన యానిమేటెడ్ సినిమా ‘మహావతార్ నరసింహా’. మనకు బాగా తెలిసిన విష్ణు అవతారాలు ఆధారంగా ఓ యూనివర్స్ ప్లాన్ చేశారు. అందులో భాగంగా రిలీజైన తొలి పార్ట్ ఇది. నరసింహా స్వామి అవతారం స్టోరీతో తెరకెక్కిన ఈ చిత్రం చిన్నపిల్లలకే కాదు పెద్దవాళ్లకు కూడా అమితంగా నచ్చేస్తోంది.
అద్భుతమైన కలెక్షన్లు
గత కొన్నాళ్ల నుంచి డివోషనల్ బ్యాక్ డ్రాప్ మూవీస్ బాక్సాఫీస్ దగ్గర బాగానే వర్కౌట్ అవుతున్నాయి. ఆ అంశం కూడా ‘మహావతార్ నరసింహా’ చిత్రానికి బాగానే కలిసొచ్చింది. ఈ క్రమంలోనే రెండో రోజుల్లో రూ.4.6 కోట్ల కలెక్షన్ వచ్చినట్లు తెలుస్తోంది. అలానే గంటకు 13 వేలకు పైగా టికెట్స్ బుక్ మై షోలో సేల్ అవుతున్నాయి. దక్షిణాది సంగతి పక్కనబెడితే ఉత్తరాదిలోనూ ఈ మూవీకి మంచి రెస్పాన్స్ వస్తోంది. చూస్తుంటే ఈ యానిమేటెడ్ సినిమాలు అద్భుతాలు చేసేలా కనిపిస్తోంది.
పాన్ ఇండియా ఆదరణ
సాధారణంగా మన దగ్గర యానిమేటెడ్ మూవీస్ పెద్దగా వర్కౌట్ కావు. గతంలో హనుమాన్ తదితర చిత్రాలు వచ్చాయి. పాజిటివ్ టాక్ తెచ్చుకున్నా సరే వసూళ్లు రాలేదు. కానీ ఈ సినిమా మాత్రం కోట్ల రూపాయలు కలెక్షన్స్, అది కూడా పాన్ ఇండియా లెవల్లో అంటే గ్రేట్ అని చెప్పొచ్చు.
మహావతార్ నరసింహా యానిమేటెడ్ సినిమా ఊహించని విజయం సాధించి, బాక్సాఫీస్ వద్ద కోట్లలో వసూళ్లు రాబట్టుకుంటోంది. భవిష్యత్తులో ఇలాంటి యానిమేటెడ్ సినిమాలకు మార్గం సుగమం అవుతుందని కనిపిస్తోంది.
