ఒకవేళ మహేశ్ బాబు ‘పుష్ప’ సినిమా చేసి ఉంటే ఎలా ఉండేదో చూపిస్తూ ఒక AI వీడియో వైరల్ గా మారింది. సుకుమార్ దర్శకత్వంలో మహేష్ బాబు నటించే అవకాశం కోల్పోయిన విషయం ఇప్పుడు మళ్ళీ చర్చనీయాంశమైంది. ఈ వీడియోలో పలు హిట్ సీన్స్ ని రీ క్రియేట్ చేయడం విశేషం.
Key Points
AI సాయంతో మహేష్ బాబు 'పుష్ప' సినిమాలో పుష్పరాజ్ గా ఎలా ఉంటాడో చూపించే వీడియో వైరల్ అవుతోంది.
మహేష్ బాబు మరియు సుకుమార్ కాంబో మిస్ అయిన విషయం గురించి చర్చ జరుగుతోంది.
'పుష్ప' సినిమా పాన్ ఇండియా స్థాయిలో సంచలనం సృష్టించింది.
మహేష్ బాబు ప్రస్తుతం రాజమౌళి దర్శకత్వంలో సినిమా చేస్తున్నారు.
AI సృష్టించిన ‘పుష్ప’ వీడియో వైరల్
కొన్నిసార్లు ఒకరు చేయాల్సిన సినిమా మరొకరి దగ్గరకు వెళ్తుంది. ఊహించని బ్లాక్బస్టర్ అయితే.. అరె ఈ మూవీ మా హీరో చేసుంటే బాగుండేదేమో అని అభిమానులు బాధపడుతుంటారు. కానీ అదంతా ఒకప్పుడు. ఇప్పుడు టెక్నాలజీ వల్ల లేనిదాన్ని కూడా సృష్టించేస్తున్నారు. తాజాగా మహేశ్ బాబు ఒకవేళ ‘పుష్ప’ సినిమా చేసుంటే ఎలా ఉండేదా అని ఓ వీడియోని వైరల్ చేస్తున్నారు.
మహేష్-సుకుమార్ కాంబో ఎందుకు సెట్ కాలేదు?
‘వన్: నేనొక్కడినే’ సినిమా తర్వాత మహేశ్ బాబు.. సుకుమార్తో మరో సినిమా చేయాల్సింది. కానీ ఎందుకో కాంబో సెట్ కాలేదు. అయితే అప్పుడు మహేశ్కి ‘పుష్ప’ కథే చెప్పారని, కానీ తనకు సెట్ కాదనే ఉద్దేశంతో వదులుకున్నారనే రూమర్స్ వచ్చాయి. తర్వాత సుక్కు.. అల్లు అర్జున్తో ‘పుష్ప’ చేయడం, ఇది పాన్ ఇండియా స్థాయిలో సంచలనం సృష్టించిందో ప్రత్యేకంగా చెప్పాల్సిన పనిలేదు.
అయితే ఇప్పుడు మరి ఎవరు చేశారో గానీ మహేశ్ బాబు ఒకవేళ ‘పుష్ప’ చేసుంటే ఎలా ఉండేదో అని చెబుతూ ఓ ఏఐ వీడియోని సృష్టించారు. ఇందులో పలు హిట్ సీన్స్ని రీ క్రియేట్ చేయడం బాగుంది. ప్రస్తుతం ఈ వీడియో వైరల్ అవుతుంది. మహేశ్ సినిమాల విషయానికొస్తే చివరగా ‘గుంటూరు కారం’తో పలకరించారు. ప్రస్తుతం రాజమౌళి సినిమా చేస్తున్నారు. ఇదివరకే షూటింగ్ మొదలైంది కూడా. ఇందులో మహేశ్ సాహసికుడిగా కనిపించబోతున్నారు. 2027లో ఈ మూవీ రిలీజ్ ఉండొచ్చని టాక్ నడుస్తోంది. అప్పటివరకు మహేశ్ ఫ్యాన్స్కి వెయిటింగ్ తప్పదు.
మహేశ్ బాబు తదుపరి సినిమా
మొత్తంమీద, మహేశ్ బాబు ‘పుష్ప’లో నటించి ఉంటే ఎలా ఉండేదో చూపించే AI వీడియో అభిమానులను ఆకట్టుకుంటోంది. మహేష్ బాబు రాజమౌళి సినిమాతో అభిమానులను మెప్పించడానికి సిద్ధమవుతున్నారు.
