బాక్స్ ఆఫీస్లో విజయం సాధించిన మలయాళ మిస్టరీ థ్రిల్లర్ ‘డిటెక్టివ్ ఉజ్వలన్’ ఓటీటీలోకి అడుగుపెడుతోంది. ధ్యాన్ శ్రీనివాసన్ నటించిన ఈ చిత్రం జూలై 11న నెట్ఫ్లిక్స్లో ప్రసారం కానుంది. గ్రామంలో జరిగే హత్యల వెనుక ఉన్న రహస్యం ఏమిటో తెలుసుకోవడానికి ప్రేక్షకులు ఆసక్తిగా ఎదురు చూస్తున్నారు.
Key Points
మలయాళ మిస్టరీ థ్రిల్లర్ ‘డిటెక్టివ్ ఉజ్వలన్’ ఓటీటీలోకి రానుంది.
జూలై 11న నెట్ఫ్లిక్స్లో స్ట్రీమింగ్ ప్రారంభం.
గ్రామంలో జరిగే హత్యల వెనుక హీరోనే ఉందా అనేది సస్పెన్స్.
థియేట్రికల్ రిలీజ్ తర్వాత ఓటీటీ ప్రేక్షకులకు అందుబాటులోకి వస్తోంది.
డిటెక్టివ్ ఉజ్వలన్: ఓటీటీ ప్రయాణం
ఓటీటీలోకి మరో మలయాళ మిస్టరీ థ్రిల్లర్ రాబోతోంది. గ్రామంలో జరిగే హత్యల వెనుక ఉన్నది ఎవరో కనిపెట్టే కథతో, గ్రిప్పింగ్ స్టోరీ లైన్ తో సాగే ‘డిటెక్టివ్ ఉజ్వలన్’ సినిమా డిజిటల్ స్ట్రీమింగ్ కానుంది. బాక్సాఫీస్ దగ్గర సత్తాచాటిన ఈ మూవీ ఇప్పుడు ఓటీటీ ఆడియన్స్ ను అలరించేందుకు సిద్ధమైంది.
మే 23, 2025న థియేట్రికల్ రిలీజ్ తో డిటెక్టివ్ ఉజ్వలన్ బాక్స్ ఆఫీస్ వద్ద మంచి ప్రదర్శన చేసింది. దీంతో ధ్యాన్ శ్రీనివాసన్ నటించిన ఈ మూవీ డిజిటల్ ప్రీమియర్ కోసం అభిమానులు ఎదురు చూస్తున్నారు. రీసెంట్ అప్ డేట్స్ ప్రకారం ఈ మలయాళ థ్రిల్లర్ ఓటీటీలోకి వచ్చే టైమ్ ఆసన్నమైంది. ఈ మూవీ నెట్ఫ్లిక్స్లో రిలీజ్ కానుంది. ఈ పాపులర్ ఓటీటీ లో మూవీ జూలై 11న రిలీజ్ కానుంది.
ఇండస్ట్రీ వర్గాల సమాచారం, ఏబీ జార్జ్ చేసిన తాజా సోషల్ మీడియా అప్డేట్ ప్రకారం నెట్ఫ్లిక్స్ స్ట్రీమింగ్ హక్కులను కొనుగోలు చేసిందని తెలిసింది. ఈ విషయం చాలా మందిని ఆశ్చర్యపరిచింది. ఎందుకంటే ఈ ప్లాట్ఫామ్ ఇటీవల మలయాళం చిత్రాలపై పెద్దగా ఇంట్రెస్ట్ చూపడం లేదు. అందుకే డిటెక్టివ్ ఉజ్వలన్ ఓటీటీ రైట్స్ ను నెట్ఫ్లిక్స్ కొనుగోలు చేయడం సర్ ప్రైజింగ్ గా ఉంది.
హత్యల వెనుక రహస్యం
డిటెక్టివ్ ఉజ్వలన్ మూవీ మిస్టరీ థ్రిల్లర్ గా తెరకెక్కింది. మలయాళంలోనే వచ్చిన టోవినో థామస్ సూపర్ హీరో మూవీ ‘మిన్నల్ మురళి’ తో డిటెక్టివ్ ఉజ్వలన్ కు కనెక్షన్ ఉందనే టాక్ వినిపించింది. అయితే అదే ఫిక్షనల్ వరల్డ్ నుంచి.. వీకెండ్ సినిమాటిక్ యూనివర్స్ (డబ్ల్యూసీయూ)లో భాగంగా ఈ మూవీ తెరకెక్కింది.
ప్లాచిక్కావు అనే గ్రామంలో కథ జరుగుతుంది. నేరాలు లేని ఊరు ఇది. క్రైమ్ రేట్ చాలా తక్కువ. డిటెక్టివ్ ఉజ్వలన్ గ్రామంలో బాకెట్లు, బిందెలు లాంటి చిన్న చిన్న వస్తువులు పోతే కనిపెట్టి చెప్తాడు. అలాంటి గ్రామంలో హత్యలు జరుగుతుంటాయి. గ్రామంలో మొదటి హత్య జరగడంతో అందరూ ఉలిక్కి పడతారు. హంతకుడు ఎవరూ అనేది కనిపెట్టడానికి డిటెక్టివ్ ఉజ్వలన్ సాయం తీసుకుంటారు పోలీసులు. ఈ క్రమంలో వచ్చే కామెడీ మంచి ఫన్ అందిస్తుంది.
నెట్ఫ్లిక్స్లో స్ట్రీమింగ్
అయితే సినిమా సాగుతున్నా కొద్దీ సీరియస్ గా మారిపోతుంది. మంచి థ్రిల్ ను పంచుతుంది. మాస్కు వేసిన మనిషి ఎవరు? హత్యలు ఎవరు ఛేస్తున్నారనే ఇంట్రెస్టింగ్ గా ఉంటుంది. అయితే డిటెక్టివ్ ఉజ్వలన్ హత్యలు చేస్తున్నాడేమో అనే అనుమానం కూడా వస్తుంది. మరి మాస్కు వెనుక ఉన్న మనిషి ఎవరు? అనేది సినిమా చూస్తే తెలుస్తుంది.
ఇంద్రనీల్ గోపీకృష్ణన్, రాహుల్ జి దర్శకత్వం వహించిన ఈ సినిమాలో ధ్యాన్ శ్రీనివాసన్, సిజు విల్సన్, కొట్టయం నజీర్ తదితరులు నటించారు.
మొత్తంగా, ‘డిటెక్టివ్ ఉజ్వలన్’ ఓటీటీ ప్రేక్షకులను ఆకట్టుకునే అంశాలతో నిండి ఉంది. హత్యల రహస్యం, ట్విస్ట్లు, నెట్ఫ్లిక్స్లో స్ట్రీమింగ్ – ఇవన్నీ ఈ సినిమాను చూడటానికి కారణాలు.
