మెగాస్టార్ మమ్ముట్టి నటించిన ‘డొమినిక్ అండ్ ద లేడీస్ పర్స్’ సినిమా జనవరిలో విడుదలైంది. ఆరు నెలల తర్వాత, ఈ సినిమా ఓటీటీ ప్రయాణం ప్రారంభం కానుంది. అమెజాన్ ప్రైమ్ వీడియో ఈ సినిమా డిజిటల్ హక్కులను కొనుగోలు చేసింది.
Key Points
మెగాస్టార్ మమ్ముట్టి నటించిన 'డొమినిక్ అండ్ ద లేడీస్ పర్స్' ఓటీటీలోకి రానుంది.
ఆరు నెలల తర్వాత అమెజాన్ ప్రైమ్ వీడియో డిజిటల్ హక్కులు సొంతం చేసుకుంది.
మిస్టరీ కామెడీ థ్రిల్లర్గా ఈ సినిమా ఐఎండీబీలో 7 రేటింగ్ను సొంతం చేసుకుంది.
త్వరలోనే ఓటీటీ ప్రీమియర్ తేదీ ప్రకటించే అవకాశం ఉంది.
డొమినిక్ అండ్ ద లేడీస్ పర్స్ ఓటీటీ రిలీజ్
మెగాస్టార్ మమ్ముట్టి ఈ ఏడాది మొదట్లో నటించిన మూవీ డొమినిక్ అండ్ ద లేడీస్ పర్స్. ఇదో థ్రిల్లర్ సినిమా. ఎప్పుడో జనవరి 23నే రిలీజైంది. కానీ ఇప్పటికీ డిజిటల్ ప్రీమియర్ కు నోచుకోలేదు. ఆ వార్త కోసం అభిమానులు ఎదురు చూస్తూనే ఉన్నారు. మొత్తానికి త్వరలోనే ఈ సినిమా ఓటీటీ స్ట్రీమింగ్ కు వచ్చే అవకాశాలు కనిపిస్తున్నాయి.
మమ్ముట్టి నటించిన మిస్టరీ కామెడీ థ్రిల్లర్ మూవీ డొమినిక్ అండ్ ద లేడీస్ పర్స్ సినిమా డిజిటల్ హక్కులను అమెజాన్ ప్రైమ్ వీడియో సొంతం చేసుకున్నట్లు తాజాగా వార్తలు వస్తున్నాయి. ఈ ఓటీటీ త్వరలోనే డిజిటల్ ప్రీమియర్ చేయడానికి సిద్ధమవుతోంది.
జనవరిలోనే థియేటర్లలో రిలీజై మంచి టాక్ సొంతం చేసుకొని ఐఎండీబీ లో 7 రేటింగ్ సొంతం చేసుకున్న సినిమా కావడంతో ఈ మూవీ ఓటీటీ రిలీజ్ పై ఆసక్తి నెలకొంది. దీనిపై త్వరలోనే అధికారిక ప్రకటన కూడా వచ్చే ఛాన్స్ ఉంది. ఓ పర్స్ ను కనిపెట్టే డిటెక్టివ్ చుట్టూ తిరిగే కథ ఇది.
అమెజాన్ ప్రైమ్ వీడియోలో ప్రసారం
డొమినిక్ అండ్ ద లేడీస్ పర్స్ మూవీ ఓ మిస్టరీ కామెడీ థ్రిల్లర్. ప్రముఖ తమిళ డైరెక్టర్ గౌతమ్ వాసుదేవ్ మేనన్ డైరెక్ట్ చేశాడు. ఇందులో మమ్ముట్టితోపాటు గోకుల్ సురేష్, సుష్మిత భట్ నటించారు.
ఈ సినిమాలో డొమినిక్ అనే ఓ ప్రైవేట్ డిటెక్టివ్ పాత్రలో మమ్ముట్టి కనిపించాడు. మాజీ పోలీస్ అధికారి అయిన అతడు తర్వాత సొంతంగా ఓ ప్రైవేట్ డిటెక్టివ్ ఏజెన్సీ ప్రారంభిస్తాడు. అతనికి విక్కీ (గోకుల్ సురేష్) అసిస్టెంట్ గా ఉంటాడు. ఈ ఇద్దరికి మొదటి కేసే ఓ లేడీస్ పర్స్ ను దాని ఓనర్ కు చేర్చే కేసు దొరుకుతుంది.
సినిమా కథ, విశేషాలు
మొదట ఎంతో సింపుల్ గా కనిపించే ఈ కేసు తర్వాత లోతుల్లోకి వెళ్లేకొద్దీ పెద్ద మిస్టరీలా మారుతుంది. ఆ పర్స్ ఓనర్ పేరు పూజా అని, ఆమె కనిపించకుండా పోతుందని తేలుతుంది. తర్వాత ఏం జరుగుతుంది? ఆమెకు ఏమైందన్నదే ఈ మూవీ స్టోరీ. ఐఎండీబీలో 7 రేటింగ్ వచ్చింది. అయితే బాక్సాఫీస్ దగ్గర మాత్రం మూవీ విఫలమైంది. రూ.19 కోట్ల బడ్జెట్ తో తెరకెక్కిస్తే రూ.18 కోట్లే వచ్చాయి.
అప్పటి నుంచి ఆరు నెలలకుపైనే అయినా మూవీ ఓటీటీలోకి రాలేదు. మొత్తానికి ఇప్పుడు ప్రైమ్ వీడియో డిజిటల్ హక్కులను సొంతం చేసుకుందన్న వార్తల నేపథ్యంలో త్వరలోనే ఓటీటీలోకి వచ్చే సూచనలు కనిపిస్తున్నాయి.
మొత్తం మీద, ‘డొమినిక్ అండ్ ద లేడీస్ పర్స్’ సినిమా ఓటీటీ ప్రేక్షకులను ఆకట్టుకునే అవకాశాలున్నాయి. త్వరలోనే ఓటీటీ ప్రీమియర్ తేదీ వెల్లడించనున్నారు.
