విరాట్ కర్ణ, నభా నటేష్ నటిస్తున్న ‘నాగబంధం’ సినిమా విడుదల తేదీ ఖరారైంది. వచ్చే ఏడాది మార్చి 19న ఉగాది సందర్భంగా ఈ చిత్రం ప్రేక్షకుల ముందుకు రానుంది. అయితే, ఈ సినిమాకు నాని ‘ది ప్యారడైజ్’, రామ్ చరణ్ ‘పెద్ది’ వంటి భారీ ప్రాజెక్టుల నుంచి గట్టి పోటీ ఎదురుకానుంది.
Key Points
‘నాగబంధం’ చిత్రాన్ని అభిషేక్ పిక్చర్స్, ఎన్ ఐ కే స్టూడియోస్ బ్యానర్స్పై నిర్మిస్తున్నారు.
విరాట్ కర్ణ, నభా నటేష్, ఐశ్వర్య మీనన్ ప్రధాన పాత్రల్లో నటిస్తుండగా, జగపతి బాబు కీలక పాత్రలో ఉన్నారు.
‘నాగబంధం’ వచ్చే ఏడాది మార్చి 19న ఉగాది కానుకగా విడుదల కాబోతున్నట్లు సమాచారం.
నాని 'ది ప్యారడైజ్' (మార్చి 26), రామ్ చరణ్ 'పెద్ది' (మార్చి 27) చిత్రాలతో 'నాగబంధం' పోటీ పడనుంది.
‘నాగబంధం’ సినిమా విశేషాలు
విరాట్ కర్ణ(Virat Karna), అభిషేక్ నామా(Abhishek Nama) కాంబినేషన్లో తెరకెక్కుతున్న లేటెస్ట్ సినిమా ‘నాగబంధం’(Nagabandham). ఈ చిత్రాన్ని అభిషేక్ పిక్చర్స్, ఎన్ ఐ కే స్టూడియోస్ బ్యానర్స్పై కిషోర్ అన్నపు రెడ్డి నిర్మిస్తున్నారు. ఇందులో నభా నటేష్, ఐశ్వర్య మీనన్ హీరోయిన్లుగా నటిస్తుండగా.. అవినాష్, జగపతి బాబు, జయ ప్రకాష్, మురళీ శర్మ కీలక పాత్రలో కనిపించబోతున్నారు. ఇటీవల ఈ సినిమాకు సంబంధించిన పోస్టర్ కూడా విడుదలై అంచనాలను రెట్టింపు చేసింది. ఇక షూటింగ్ శరవేగంగా జరుపుకుంటున్న ‘నాగబంధం’ విడుదల తేదీ ఫిక్స్ అయినట్లు సమాచారం. ఈ సినిమాను వచ్చే ఏడాది మార్చి 19న ఉగాది కానుకగా విడుదల చేయనున్నట్లు టాక్. ప్రస్తుతం ఇందుకు సంబంధించిన పోస్టులు సోషల్ మీడియాలో వైరల్ అవుతున్నాయి. ఈ చిత్రం ది ప్యారడైజ్, పెద్ది వంటి భారీ ప్రాజెక్ట్స్కు పోటీగా వస్తుండటం గమనార్హం. నాని, శ్రీకాంత్ ఓదెల కాంబోలో రాబోతున్న ‘ది ప్యారడైజ్’ వచ్చే ఏడాది మార్చి 26న విడుదల కాబోతుంది. ఇక రామ్ చరణ్ హీరోగా బుచ్చిబాబు దర్శకత్వంలో తెరకెక్కుతున్న ‘పెద్ది’ మార్చి 27న రాబోతుంది. ఈ రెండు ప్రాజెక్టులు ఒకరోజు తేడాతో ప్రేక్షకుల ముందుకు రాబోతున్నాయి.
మూవీ విడుదల తేదీ ఖరారు
బాక్సాఫీస్ వద్ద భారీ పోటీ
నాని, రామ్ చరణ్ వంటి స్టార్ హీరోల సినిమాలతో పోటీ పడుతూ ‘నాగబంధం’ రావడం ఆసక్తి రేకెత్తిస్తోంది. ప్రేక్షకులు ఏ సినిమాకు పట్టం కడతారో చూడాలి. ఉగాదికి బాక్సాఫీస్ వద్ద ఈ పోటీ రసవత్తరంగా మారనుంది.
