యంగ్ హీరో నితిన్ నటించిన ‘తమ్ముడు’ సినిమా నుండి హీరోయిన్ సప్తమి గౌడ పోస్టర్ విడుదలైంది. ట్రైబల్ యువతిగా ఆమె లుక్ అందరినీ ఆకట్టుకుంటోంది. సినిమా జులై 25న విడుదల కానుంది.
Key Points
నితిన్ 'తమ్ముడు' సినిమా నుంచి హీరోయిన్ పోస్టర్ విడుదల.
కాంతార నటి సప్తమి గౌడ ట్రైబల్ యువతిగా కనిపిస్తున్నారు.
జులై 25న 'తమ్ముడు' సినిమా థియేటర్లలో విడుదల కానుంది.
‘తమ్ముడు’ సినిమా నుంచి కొత్త పోస్టర్
యంగ్ హీరో నితిన్(Nithin) రీసెంట్గా ‘రాబిన్ హుడ్’(Robin Hood) సినిమాతో మనముందుకు వచ్చిన సంగతి తెలిసిందే. యంగ్ బ్యూటీ శ్రీలీల హీరోయిన్గా నటించిన ఈ మూవీ బాక్సాఫీస్ వద్ద భారీగా బోల్తా కొట్టింది. ప్రస్తుతం నితిన్ నటిస్తున్న లేటెస్ట్ చిత్రం ‘తమ్ముడు’(Thammudu). శ్రీరామ్ వేణు(Sriram Venu) దర్శకత్వంలో తెరకెక్కుతున్న ఈ చిత్రాన్ని ప్రముఖ నిర్మాణ సంస్థ శ్రీ వెంకటేశ్వర క్రియేషన్స్ బ్యానర్ పై దిల్ రాజు(Dil Raju) నిర్మిస్తున్నారు. అలాగే ఈ సినిమాలో లయ(Laya), స్వశిక(Swashika), వర్ష బొల్లమ్మ(Varsha Bollamma), సౌరభ్ సచ్దేవా(Sourabh Sachdev) కీలక పాత్రల్లో కనిపించనున్న ఈ చిత్రానికి అజనీష్ లోక్నాథ్(Ajaneesh Loknath) సంగీతం అందించారు.
ఇక పవర్ స్టార్ పవన్ కళ్యాణ్(Pawan Kalyan) మూవీ టైటిల్తో వస్తున్న ఈ మూవీ పై ప్రేక్షకుల్లో భారీ అంచనాలు నెలకొన్నాయి. కాగా ఈ చిత్రం జులై 25న గ్రాండ్గా థియేటర్లలో రిలీజ్ చేయబోతున్నట్లు టాక్ వినిపిస్తోంది. ఈ క్రమంలో తాజాగా ఈ సినిమా నుంచి ఓ హీరోయిన్ పోస్టర్ను రిలీజ్ చేశారు మూవీ టీమ్. ఈ సినిమాలో ‘కాంతార’(Kanthara) నటి సప్తమి గౌడ(Sapthami Gouda) కథానాయికగా నటిస్తున్న విషయం తెలిసిందే. నేడు సప్తమి బర్త్డే కావడంతో ఆమెకి పుట్టినరోజు శుభాకాంక్షలు తెలుపుతూ కొత్త పోస్టర్ను పంచుకున్నారు. ఈ ఫొటో చూస్తుంటే.. ట్రైబల్ యువతిగా సప్తమి కనిపించబోతున్నట్లు తెలుస్తుంది.
సప్తమి గౌడ ట్రైబల్ లుక్
జులై 25న సినిమా విడుదల
నితిన్ ‘తమ్ముడు’ సినిమాపై అంచనాలు పెరుగుతున్నాయి. సప్తమి గౌడ పోస్టర్ ప్రేక్షకులను ఆకట్టుకుంది. జులై 25న విడుదలయ్యే ఈ చిత్రం బాక్స్ ఆఫీస్ వద్ద ఏ విధంగా రాణిస్తుందో చూడాలి.
