📌 Key Points
- నోరా ఫతేహి పాటపై అసభ్యత ఆరోపణలు చేసిన సినీ కార్మికుల సంఘం.
- ‘KD: ది డెవిల్’ చిత్రం నుండి పాటను తొలగించాలని డిమాండ్.
- కేంద్ర మంత్రికి లేఖ రాసిన సినీ కార్మికుల సంఘం.
- వివాదాస్పద పాటను తొలగించిన ‘KD: ది డెవిల్’ చిత్ర బృందం.
బాలీవుడ్ నటి నోరా ఫతేహి నటించిన ‘సర్కే చునర్ తేరీ సర్కే’ పాట వివాదంలో చిక్కుకుంది. ఈ పాటలో అశ్లీలత ఉందని ఆరోపిస్తూ సినీ కార్మికుల సంఘం ఆగ్రహం వ్యక్తం చేసింది. పాటను తొలగించాలని డిమాండ్ చేశారు.
నోరా ఫతేహి పాటపై అభ్యంతరం తెలిపిన సినీ కార్మికులు
Nora Fatehi: బాలీవుడ్ డ్యాన్సింగ్ క్వీన్ నోరా ఫతేహి నటించిన తాజా సాంగ్ “సర్కే చునర్ తేరీ సర్కే” (Sarke Chunar Teri Sarke) తీవ్ర వివాదంలో చిక్కుకుంది. ఈ పాటలో అశ్లీలత ఎక్కువగా ఉందంటూ ‘ఆల్ ఇండియన్ సినీ వర్కర్స్ అసోసియేషన్’ (AICWA) మండిపడింది. ఈ మేరకు చిత్ర నిర్మాతలు, క్రియేటర్లపై కఠిన చర్యలు తీసుకోవాలని డిమాండ్ చేస్తూ సంచలన ప్రకటన విడుదల చేసింది. న్-ఇండియా చిత్రం ‘KD: ది డెవిల్’ లోని ఈ ప్రత్యేక గీతం విడుదలైనప్పటి నుండి విమర్శలు ఎదుర్కొంటోంది. ఈ పాటలోని సాహిత్యం, నోరా ఫతేహి హావభావాలు ద్వంద్వార్థాలతో (Double Meaning) కూడి ఉన్నాయని, ఇది భారతీయ సంస్కృతిని కించపరిచేలా ఉందని AICWA ఆరోపించింది. యువతపై ఇలాంటి పాటలు ప్రతికూల ప్రభావం చూపుతాయని అసోసియేషన్ ఆందోళన వ్యక్తం చేసింది.
Read also- Comedy Movie OTT: ఓటీటీలోకి వచ్చేస్తున్న మరాఠి హిట్ మూవీ… పొట్ట చెక్కలయ్యే అత్తా కోడళ్ళ కామెడీ… ఎప్పుడు ఎక్కడ స్ట్రీమింగ్ అంటే?
‘KD: ది డెవిల్’ చిత్రం నుండి పాట తొలగింపుకు డిమాండ్
ఈ వివాదంపై స్పందించిన AICWA.. కేంద్ర సమాచార, ప్రసార శాఖ మంత్రి అశ్విని వైష్ణవ్,సెన్సార్ బోర్డ్ (CBFC) చైర్మన్ ప్రసూన్ జోషిలకు లేఖలు రాసింది. ఈ పాటను అన్ని డిజిటల్ ప్లాట్ఫారమ్ల నుండి తక్షణమే తొలగించాలని, అలాగే బాధ్యులైన నిర్మాతలు, క్రియేటర్లపై ఎఫ్.ఐ.ఆర్ (FIR) నమోదు చేయాలని కోరింది. కేవలం సినిమా పబ్లిసిటీ కోసమే ఇలాంటి వివాదాస్పద కంటెంట్ను ప్రోత్సహిస్తున్నారని వారు విమర్శించారు.
Read also- Romantic Drama OTT: 24 ఏళ్ల యువకుడితో 40 ఏళ్ల ఆంటీ ప్రేమ… కూతురు ఉన్నా కోరిక తీరక…
వివాదంపై స్పందించిన చిత్ర బృందం
నిరసనలు మిన్నంటడంతో ‘KD: ది డెవిల్’ చిత్ర బృందం ఇప్పటికే యూట్యూబ్ నుండి ఈ పాట హిందీ మరియు కన్నడ వెర్షన్లను తొలగించింది. ధ్రువ సర్జా హీరోగా నటిస్తున్న ఈ చిత్రానికి ప్రేమ్ దర్శకత్వం వహిస్తున్నారు. కాగా, సినీ ప్రముఖులు కంగనా రనౌత్, గాయకుడు అర్మాన్ మాలిక్ వంటి వారు కూడా ఈ పాటలోని అశ్లీలతను తప్పుబట్టడం గమనార్హం. న్సార్ బోర్డ్ ఈ సినిమాను మరోసారి క్షుణ్ణంగా పరిశీలించాలని, భవిష్యత్తులో ఇలాంటి సంఘటనలు పునరావృతం కాకుండా కఠిన నిబంధనలు తీసుకురావాలని సినీ వర్గాల నుండి డిమాండ్లు వినిపిస్తున్నాయి.
నోరా ఫతేహి పాటపై వివాదం కొనసాగుతోంది. సినీ కార్మికుల సంఘం ఫిర్యాదు మేరకు పాటను తొలగించారు. ఈ వివాదంపై మీ అభిప్రాయాలను తెలియజేయండి.
