📌 Key Points
- ఎన్టీఆర్ ‘డ్రాగన్’ టీమ్లోకి దర్శకుడు దేవ కట్టా.
- యాక్షన్ సీక్వెన్స్లు, పవర్ఫుల్ డైలాగ్స్ బాధ్యత.
- ప్రశాంత్ నీల్ నిర్ణయం.. వేగవంతమైన షూటింగ్ కోసం.
- నీల్ + కట్టా కాంబో.. బాక్సాఫీస్ రికార్డులు బద్దలు.
మాస్ కా బాప్ ఎన్టీఆర్ నట విశ్వరూపం, ప్రశాంత్ నీల్ దర్శకత్వ ప్రతిభ కలగలిపిన ‘డ్రాగన్’ చిత్రంపై రోజురోజుకూ అంచనాలు అమాంతం పెరిగిపోతున్నాయి. తాజాగా ఈ సినిమాకు సంబంధించి ఒక సంచలన వార్త టాలీవుడ్లో ప్రకంపనలు సృష్టిస్తోంది. అదేంటో తెలుసా?
డ్రాగన్: ప్రశాంత్ నీల్ వ్యూహం.. దేవ కట్టా ఎంట్రీ!
Dragon: మ్యాన్ ఆఫ్ మాసెస్ ఎన్టీఆర్, ప్రశాంత్ నీల్ కాంబినేషన్లో వస్తున్న ‘డ్రాగన్’ చిత్రంపై రోజురోజుకూ అంచనాలు పెరిగిపోతున్నాయి. ‘దేవర’ ఘనవిజయం తర్వాత ఎన్టీఆర్ నటిస్తున్న ఈ సినిమా షూటింగ్ ప్రస్తుతం శరవేగంగా సాగుతోంది. అయితే, తాజాగా ఈ భారీ ప్రాజెక్టుకు సంబంధించి ఒక క్రేజీ న్యూస్ సోషల్ మీడియాలో చక్కర్లు కొడుతోంది. అదేంటంటే, డ్రాగన్ సినిమా కోసం ప్రశాంత్ నీల్కు తోడుగా మరో ప్రస్టార్ దర్శకుడు దేవా కట్టా పని చేయనున్నాడట.
యాక్షన్, డైలాగ్స్.. మాస్ జాతర ఖాయం!
సినిమాను అనుకున్న సమయానికి పూర్తి చేయాలనే ఉద్దేశంతో, ప్రశాంత్ నీల్(Dragon) కొన్ని కీలక బాధ్యతలను దేవా కట్టాకు అప్పగించినట్లు తెలుస్తోంది. ముఖ్యంగా ఈ చిత్రంలోని కొన్ని యాక్షన్ సీక్వెన్స్లకు దేవా కట్టా దర్శకత్వం వహించనున్నారని, అలాగే సినిమాకు పవర్ఫుల్ డైలాగ్స్ కూడా అందించనున్నారని టాక్ వినిపిస్తోంది. ఇప్పటికే వారణాసి వంటి సినిమాలకు రచయితగా పనిచేస్తున్న ఆయన, ‘డ్రాగన్’ స్క్రిప్ట్ విషయంలోనూ కీలక పాత్ర పోషిస్తున్నట్లు సమాచారం.
రికార్డుల వేటలో ‘డ్రాగన్’.. అంచనాలు తారాస్థాయికి!
దేవా కట్టా అనగానే ప్రస్థానం, రిపబ్లిక్ వంటి సినిమాల్లోని లోతైన రాజకీయ, సామాజిక విశ్లేషణలు, తూటాల్లాంటి మాటలు గుర్తొస్తాయి. ఇప్పుడు ఎన్టీఆర్ డ్రాగన్ మూవీ కోసం కోసం ఆయన రాసే సంభాషణలు థియేటర్లలో ప్రకంపనలు సృష్టిస్తాయని అభిమానులు ఆశాభావం వ్యక్తం చేస్తున్నారు. ప్రశాంత్ నీల్ మేకింగ్ స్టైల్, దేవా కట్టా పదునైన మాటలు కలిస్తే ‘డ్రాగన్’ బాక్సాఫీస్ వద్ద సరికొత్త రికార్డులను సృష్టించడం ఖాయమని సినీ విశ్లేషకులు అభిప్రాయపడుతున్నారు.
ఎన్టీఆర్, ప్రశాంత్ నీల్, దేవ కట్టా కాంబినేషన్లో వస్తున్న ‘డ్రాగన్’ బాక్సాఫీస్ వద్ద సరికొత్త చరిత్ర సృష్టించడం ఖాయం. ఈ భారీ ప్రాజెక్ట్ నుండి మరిన్ని సంచలన అప్డేట్స్ కోసం వేచి చూడండి!
