జూనియర్ ఎన్టీఆర్ మరియు హృతిక్ రోషన్ల కలయికతో వార్ 2 సినిమా నుంచి ‘జనాబ్-ఎ-అలీ’ అనే డ్యాన్స్ సాంగ్ టీజర్ విడుదలైంది. ఈ సాంగ్ లో ఇద్దరూ అద్భుతమైన డ్యాన్స్ స్టెప్స్ చేశారు. కానీ ఒక ట్విస్ట్ ఉంది…
Key Points
ఎన్టీఆర్ మరియు హృతిక్ రోషన్ కలిసి 'జనాబ్-ఎ-అలీ' పాటలో అద్భుతమైన డ్యాన్స్ చేశారు.
ఈ పాట టీజర్ ఇప్పటికే విడుదలైంది, కానీ పూర్తి పాటను థియేటర్లలో మాత్రమే చూడవచ్చు.
బోస్కో మార్టిస్ కొరియోగ్రఫీ, ప్రీతమ్ సంగీతం ఈ పాటకు ప్రత్యేక ఆకర్షణ.
వార్ 2 సినిమా ఆగస్టు 14న విడుదల కానుంది.
వార్ 2 నుంచి కొత్త సాంగ్ టీజర్
జూనియర్ ఎన్టీఆర్ డ్యాన్స్ గురించి మనందరికీ తెలిసిందే. ఆయన స్టెప్పులు వేస్తే ఫ్యాన్స్ ఊగిపోతారు. ఆయన గ్రేస్ వేరే లెవల్. ఇక బాలీవుడ్ హీరో హృతిక్ రోషన్ కూడా డ్యాన్స్ లో ఏం తక్కువ కాదు. ఆయన స్టైల్ ఆయనదే. ఈ ఇద్దరు కలిసి స్టెప్పులేస్తే సిల్వర్ స్క్రీన్ షేక్ కావాల్సిందే. వార్ 2 (War 2) మూవీతో అది సాధ్యం కానుంది. ఈ సినిమా నుంచి జనాబ్ ఎ అలీ సాంగ్ లో తారక్, హృతిక్ కలిసి డ్యాన్స్ చేస్తున్నారు. ఈ సాంగ్ టీజర్ రిలీజైంది. కానీ మేకర్స్ మాత్రం ట్విస్ట్ ఇచ్చారు.
వార్ 2 సినిమాలోని జనాబ్-ఎ-అలీ అనే పాట ఎట్టకేలకు టీజర్ రూపంలోనే విడుదలైంది. తెలుగులో ‘సలామ్ అనాలి’ అంటూ సాగుతోంది. భారతీయ సినిమా మోస్ట్ డైనమిక్ డ్యాన్సర్లు హృతిక్ రోషన్ , జూనియర్ ఎన్టీఆర్ స్టెప్స్ తో ఈ సాంగ్ అదిరిపోయింది. హృతిక్ వర్సెస్ ఎన్టీఆర్ డాన్స్, అదిరిపోయే కొరియోగ్రఫీ, ఫుట్ ట్యాపింగ్ బీట్స్, ఇంట్రెస్టింగ్ కెమిస్ట్రీ తో కలిసిన సాంగ్ అంచనాలు పెంచేస్తోంది. గురువారం (ఆగస్టు 7) ఈ సాంగ్ టీజర్ ను రిలీజ్ చేశారు.
ఎన్టీఆర్, హృతిక్ అద్భుత డ్యాన్స్
వార్ 2 కొత్త సాంగ్ టీజర్ లో హృతిక్, తారక్ డ్యాన్స్ అదిరిపోయింది. హృతిక్ మళ్లీ డాన్స్ ఫ్లోర్ లోకి రావడం, ఫామ్ లో ఉన్న జూనియర్ ఎన్టీఆర్ తో తలపడటం చూసి అభిమానులు థ్రిల్ అవుతున్నారు. ఈ పాటకు బోస్కో మార్టిస్ కొరియోగ్రఫీ చేయగా, ప్రీతమ్ సంగీతం అందించాడు. అయితే ఈ ఫుల్ సాంగ్ ను కేవలం థియేటర్లలో మాత్రమే రిలీజ్ చేస్తామని వార్ 2 ప్రొడక్షన్ హౌజ్ యశ్ రాజ్ ఫిల్మ్స్ ప్రకటించింది. దీంతో తారక్, హృతిక్ కలిసి చేసే డ్యాన్స్ ను చూసేందుకు ఆగస్టు 14 వరకు ఎదురు చూడక తప్పదు.
వార్ 2 సాంగ్ లో తారక్, హృతిక్ డ్యాన్స్ స్టెప్పులు చూసి ఫ్యాన్స్ క్రేజీ అవుతున్నారు. ‘ఈ ‘వార్’ చాలా తీవ్రమవుతోంది’ అని ఓ అభిమాని కామెంట్ చేశాడు. ‘ఎన్టీఆర్ తన ఎత్తుగడలను మార్చేశాడు’ అని మరో అభిమాని కామెంట్ చేశాడు. ఫైర్ ఎమోజీలు, గూస్ బంప్స్ కన్ఫెషన్స్, ఫ్యాన్ ఫాలోయింగ్ సెలబ్రేషన్స్ తో సోషల్ మీడియా హోరెత్తుతోంది. ఇప్పటికే వార్ 2 నుంచి రిలీజైన ‘ఊపిరి ఊయలగా’ సాంగ్ వైరల్ గా మారిన సంగతి తెలిసిందే.
థియేటర్లలోనే పూర్తి పాట
అయాన్ ముఖర్జీ దర్శకత్వం వహించిన యాక్షన్ థ్రిల్లర్ వార్ 2. ఈ సినిమాలో హృతిక్ రోషన్ ఏజెంట్ కబీర్ పాత్రలో, హిందీ అరంగేట్రంలో జూనియర్ ఎన్టీఆర్ తో కలిసి నటించడం అభిమానులను ఎంతగానో ఆకట్టుకుంటుది. ఈ చిత్రంలో కియారా అద్వానీ ఆర్మీ ఆఫీసర్ గా, హృతిక్ ప్రేయసిగా నటిస్తుంది. వార్ 2 ఆగస్టు 14న హిందీ, తెలుగు, తమిళ భాషల్లో విడుదల కానుంది.
తారక్ మరియు హృతిక్ కలిసి చేసిన ఈ అద్భుతమైన డ్యాన్స్ చూడాలంటే ఆగస్టు 14 వరకు వేచి చూడాల్సిందే. వార్ 2 సినిమా విజయవంతం కావాలని ఆశిద్దాం.
