పవన్ కల్యాణ్ నటించిన ఓజీ సినిమా కలెక్షన్లు 5వ రోజు పడిపోయాయి. ఇండియాలో అయిదు రోజుల్లో ఈ చిత్రం ఎంత వసూలు చేసింది? మరోవైపు పవన్ కల్యాణ్, రామ్ చరణ్ కలిసి ఓజీ సినిమా చూడటం విశేషం. దసరా సెలవులతో మళ్లీ కలెక్షన్లు పెరుగుతాయా?
Key Points
ఓజీ 5వ రోజు ఇండియాలో రూ.7.45 కోట్ల నెట్ కలెక్షన్లు సాధించింది.
మొత్తం అయిదు రోజుల్లో ఓజీ ఇండియా నెట్ కలెక్షన్లు రూ.147.65 కోట్లకు చేరాయి.
పవన్ కల్యాణ్, రామ్ చరణ్ కలిసి హైదరాబాద్లో ఓజీ సినిమా చూశారు.
ఓజీ ప్రపంచవ్యాప్తంగా మొదటి వీకెండ్ లో రూ.250 కోట్లకు పైగా వసూలు చేసింది.
ఓజీ కలెక్షన్స్: 5వ రోజు వసూళ్లు
OG బాక్సాఫీస్ కలెక్షన్స్ డే 5: సుజీత్ దర్శకత్వం వహించిన గ్యాంగ్ స్టర్ చిత్రం ‘దే కాల్ హిమ్ ఓజీ’ సెప్టెంబర్ 25న థియేటర్లలో విడుదలైంది. సెప్టెంబర్ 24 న పెయిడ్ ప్రీమియర్లతో ఈ మూవీకి మిక్స్ డ్ టాక్ వచ్చింది. ఈ సినిమా బాక్సాఫీస్ దగ్గర నిలకడగా కొనసాగుతూ వచ్చింది. కానీ ఫస్ట్ సోమవారం (సెప్టెంబర్ 29) మాత్రం ఓజీ వసూళ్లు పడిపోయాయి. మరోవైపు రామ్ చరణ్ తో కలిసి పవన్ కల్యాణ్ స్పెషల్ గా ఓజీ సినిమా చూశాడు.
సక్నిల్క్ ట్రేడ్ వెబ్ సైట్ ప్రకారం ఓజీ మూవీ సోమవారం ఇండియాలో రూ.7.45 కోట్ల నెట్ కలెక్షన్లు ఖాతాలో వేసుకుంది. మూవీ రిలీజైనప్పటి నుంచి ఓ రోజు వసూలు చేసిన అతి తక్కువ కలెక్షన్లు ఇవే. మొత్తం అయిదు రోజుల్లో కలిసి ఇండియాలో ఓజీ మూవీ నెట్ కెలక్షన్లు రూ.147.65 కోట్లకు చేరుకున్నాయి. వీకెండ్ లో అదరగొట్టిన ఈ మూవీ మండే వీక్ డే కావడంతో, సెలవులు ఉన్నప్పటికీ అనుకున్న స్థాయిలో కలెక్షన్లు రాబట్టలేకపోయింది.
5 రోజుల్లో ఓజీ ఇండియా కలెక్షన్స్
దసరా సెలవుల నేపథ్యంలో మళ్లీ ఓజీ కలెక్షన్లు పెరిగే సూచనలు కనిపిస్తున్నాయి. అక్టోబర్ 2 నాడు దసరా. దసరా సందర్భంగా కలెక్షన్లు మళ్లీ పెరుగుతాయని అంచనా వేస్తున్నారు. ఓజీ దాని ప్రీమియర్ల నుండి రూ.21 కోట్లు ఖాతాలో వేసుకుంది. దాని ఫస్ట్ డే రోజు రూ .63.75 కోట్లు వచ్చాయి. ఆంధ్రప్రదేశ్ లో రూ.1000, తెలంగాణలో రూ.800 ప్రీమియర్ టిక్కెట్ల ధర ఉంది. ఈ చిత్రం శుక్రవారం 71% క్షీణించింది, అయినప్పటికీ రూ .18.45 కోట్లు వసూలు చేసింది. శని, ఆదివారాల్లో ఒక్కొ రోజు రూ.18.5 కోట్ల చొప్పున వసూలు చేసింది.
పవర్ స్టార్ పవన్ కల్యాణ్ తన అన్నయ్య చిరంజీవి కొడుకు, గ్లోబల్ స్టార్ రామ్ చరణ్ తో కలిసి స్పెషల్ గా ఓజీ మూవీ చూశాడు. ఓజీ విడుదలకు ముందు పవన్ వైరల్ ఫీవర్, బ్రోన్కైటిస్ తో బాధపడ్డాడు. సోమవారం సాయంత్రం హైదరాబాద్ లో అతను రామ్ చరణ్ తో కలిసి మూవీ చూసిన నేపథ్యంలో పూర్తిగా కోలుకున్నట్లు తెలుస్తోంది. ఈ స్పెషల్ స్క్రీనింగ్ ఓజీ టీమ్ మొత్తం పాల్గొంది. పవన్ కల్యాణ్, రామ్ చరణ్ వీడియోలు వైరల్ గా మారాయి.
పవన్ కల్యాణ్, రామ్ చరణ్ కలిసి ఓజీ వీక్షణ
సుజీత్ దర్శకత్వం వహించిన ఓజీ సినిమాను డీవీవీ ఎంటర్టైన్మెంట్స్ నిర్మించింది. ఈ చిత్రంలో పవన్ కల్యాణ్, ఇమ్రాన్ హష్మీ, ప్రియాంక మోహన్, అర్జున్ దాస్, శ్రియారెడ్డి, ప్రకాష్ రాజ్ తదితరులు నటించారు. ఈ చిత్రం మొదటి వీకెండ్ ముగిసే సరికి ప్రపంచవ్యాప్తంగా రూ.250 కోట్లకు పైగా సొంతం చేసుకుంది.
ఓజీ సినిమా వసూళ్లు 5వ రోజు తగ్గినప్పటికీ, ఓవరాల్గా మంచి కలెక్షన్లు సాధించింది. పవన్ కల్యాణ్, రామ్ చరణ్ కలిసి సినిమా చూడటం అభిమానుల్లో ఉత్సాహం నింపింది. దసరా సెలవుల్లో కలెక్షన్లు మళ్ళీ పుంజుకుంటాయని ఆశిస్తున్నారు.
