ఏప్రిల్లో బాక్సాఫీస్లో ట్రెండింగ్లో ఉన్న నాలుగు సినిమాలు మే 8న ఓటీటీలో విడుదలయ్యాయి. ‘గుడ్ బ్యాడ్ అగ్లీ’, ‘జాక్’, ‘ఓదెల 2’ సినిమాలు వరుసగా నెట్ఫ్లిక్స్, నెట్ఫ్లిక్స్, అమెజాన్ ప్రైమ్లో స్ట్రీమింగ్ అవుతున్నాయి. రాబిన్హుడ్ సినిమా మాత్రం త్వరలోనే విడుదల కానుంది.
Key Points
‘గుడ్ బ్యాడ్ అగ్లీ’ నెట్ఫ్లిక్స్లో స్ట్రీమింగ్ అవుతోంది.
‘జాక్’ సినిమా నెట్ఫ్లిక్స్లో విడుదలైంది.
రాబిన్ హుడ్ త్వరలోనే ఓటీటీలో రానుంది.
నెట్ఫ్లిక్స్లో ‘గుడ్ బ్యాడ్ అగ్లీ’ & ‘జాక్’
ఏప్రిల్ నెలలో బాక్సాఫీస్ వద్ద ట్రెండింగ్ చిత్రాల జాబితాలో ఉన్న నాలుగు సినిమాల్లో ‘జాక్, గుడ్ బ్యాడ్ అగ్లీ, ఓదెల2 నేడు (మే8) ఓటీటీలోకి రాగా.. రాబిన్హుడ్ సినిమా మాత్రం మరో 24 గంటల్లో స్ట్రీమింగ్కు రానుంది. దీంతో ఈ సమ్మర్లో ఇంట్లోనే కూర్చొని సందడి చేయవచ్చు. వీటిలో కొన్ని థియేటర్ వద్ద ప్రేక్షకులను మెప్పించగా మరికొన్ని మాత్రం తీవ్రంగా నిరాశపరిచాయి. అయితే, ఓటీటీ ఫ్యాన్స్ను ఏమేరకు ఆకట్టుకుంటాయో చూడాలి.
నెట్ఫ్లిక్స్లో ‘గుడ్ బ్యాడ్ అగ్లీ’- మే8 కోలీవుడ్ హీరో అజిత్ హీరోగా నటించిన యాక్షన్ కామెడీ చిత్రం ‘గుడ్ బ్యాడ్ అగ్లీ’(Good Bad Ugly) నెట్ఫ్లిక్స్లో ప్రస్తుతం స్ట్రీమింగ్ అవుతుంది. తెలుగు, తమిళ్ వర్షన్లో ఈ చిత్రాన్ని చూడొచ్చు. అజిత్ కెరీర్లోనే అత్యధిక కలెక్షన్స్ (రూ. 250 కోట్లు)సాధించిన చిత్రంగా రికార్డ్ క్రియేట్ చేసింది. నెట్ఫ్లిక్స్ (NetFlix) వేదికగా మే 8 నుంచి స్ట్రీమింగ్ కానుందని ప్రకటన వచ్చిన సమయం నుంచి ఆయన ఫ్యాన్స్ ఎదురుచూశారు. అజిత్ సరసన త్రిష నటించిన ఈ సినిమాకు అధిక్ రవిచంద్రన్ దర్శకత్వం వహించారు.
అమెజాన్ ప్రైమ్లో ‘ఓదెల 2’
నెట్ఫ్లిక్స్లో ‘జాక్’- మే8 టాలీవుడ్ హీరో సిద్ధూ జొన్నలగడ్డ, వైష్ణవి చైతన్య జోడీగా నటించిన చిత్రం ‘జాక్’ (Jack). ఈ సినిమా భారీ డిజాస్టర్గా మిగిల్చింది. అయితే, ఓటీటీలో చూడొచ్చని ఎక్కువమంది అభిప్రాయపడ్డారు. చాలా ఏళ్ల తర్వాత దర్శకుడు బొమ్మరిల్లు భాస్కర్ ఈ చిత్రాన్ని తెరకెక్కించారు. స్పై, యాక్షన్ కామెడీ థ్రిల్లర్గా ఆయన ప్లాన్ చేశాడు కానీ, ప్రేక్షకులకు పెద్దగా కనెక్ట్ కాలేదు. ఏప్రిల్ 10న విడుదలైన ఈ చిత్రం మే 8న ఓటీటీలోకి వచ్చేసింది. ప్రస్తుతం నెట్ఫ్లిక్స్ వేదికగా స్ట్రీమింగ్ అవుతుంది. తెలుగుతోపాటు తమిళం, మలయాళం, కన్నడ, హిందీ భాషల్లో అందుబాటులో ఉంది.
అమెజాన్ ప్రైమ్ వీడియోలో ‘ఓదెల 2’- మే8 సౌత్ ఇండియా పాపులర్ హీరోయిన్ తమన్నా (Tamannaah Bhatia) ప్రధాన పాత్రలో నటించిన ల్ హారర్ థ్రిల్లర్ సినిమా ‘ఓదెల 2’ (Odela 2).. భారీ అంచనాలతో విడుదలైన ఈ చిత్రం అనుకున్నంత స్థాయిలో ప్రేక్షకులను భయపెట్టలేదు. ‘ఓదెల రైల్వేస్టేషన్’కు సీక్వెల్గా దర్శకుడు అశోక్ తేజ ఈ చిత్రాన్ని తెరకెక్కించిన సంగతి తెలిసిందే.. అయితే, మరో దర్శకుడు సంపత్ నంది ఈ ప్రాజెక్ట్కు కథ అందించారు. ‘అమెజాన్ ప్రైమ్ వీడియో’ (Amazon Prime Video)లో నేడు (మే8 ) స్ట్రీమింగ్కు వచ్చేసింది. తెలుగు, తమిళం, కన్నడ, మలయాళం, హిందీ భాషలలో అందుబాటులో ఉంది.
త్వరలోనే రాబోతున్న ‘రాబిన్ హుడ్’
జీ5లో ‘రాబిన్హుడ్’- మే 10 నితిన్- శ్రీలీల జంటగా నటించిన ‘రాబిన్హుడ్’ మరో 24గంటల్లోనే ఓటీటీలోకి రానుంది. ఈమేరకు ‘జీ 5’ (Zee 5) సంస్థ ఇప్పటికే ప్రకటించింది. మే 10న సాయంత్రం 6 గంటలకు ఈ సినిమా ‘జీ తెలుగు’ ఛానల్లో ప్రసారం కానుంది. అదే సమయంలో జీ5 ఓటీటీలో కూడా స్ట్రీమింగ్ కానుంది. గతంలో సంక్రాంతికి వస్తున్నాం సినిమా విషయంలో కూడా ఈ సంస్థ ఇదే స్ట్రాటజీని అనుసరించిన విషయం తెలిసిందే. నితిన్తో భీష్మ చిత్రం ద్వారా హిట్ అందుకున్న దర్శకుడు వెంకీ కుడుముల ఈ ప్రాజెక్ట్ను తెరకెక్కించారు. అయితే బాక్సాఫీస్ డిజాస్ట్ర్గా నిలిచింది.
చివరగా, ఈ నాలుగు సినిమాలు ఓటీటీలో విడుదలవడం వల్ల ప్రేక్షకులు ఇంటి వద్దనే వీక్షించే అవకాశం లభించింది. వీటిలో కొన్ని సినిమాలు థియేటర్లలో అంచనాలను అందుకోలేదు కానీ ఓటీటీలో ఎలాంటి స్పందన లభిస్తుందో చూడాలి.
