ఓటీటీ ప్లాట్ఫామ్లలో ప్రతి వారం అనేక సినిమాలు విడుదలవుతున్నాయి. కానీ కొన్ని సినిమాలు మాత్రమే ప్రేక్షకులను ఎక్కువగా ఆకర్షిస్తున్నాయి. ఆ జాబితాలో సయ్యారా, కూలీ సినిమాలు అగ్రస్థానాల్లో ఉన్నాయి.
Key Points
సయ్యారా, కూలీ సినిమాలకు ఓటీటీలో భారీ ఆదరణ
సయ్యారా 6 మిలియన్, కూలీ 4.9 మిలియన్ వ్యూస్
టాప్ 5 ఓటీటీ సినిమాల జాబితాలో ఇన్స్పెక్టర్ జెండె, సిన్నర్స్ కూడా ఉన్నాయి
ఓటీటీలో టాప్ 5 సినిమాలు
ఓటీటీల్లో ప్రతివారం ఎన్నో సినిమాలు, వెబ్ సిరీస్ వస్తూనే ఉంటాయి. కానీ కొన్ని మాత్రమే వారాల పాటు ప్రేక్షకులను ఆకట్టుకుంటూ టాప్ లో నిలుస్తుంటాయి. అలాంటి మూవీస్ జాబితాను ఆర్మాక్స్ మీడియా ప్రతివారం రిలీజ్ చేస్తూనే ఉంటుంది. తాజాగా సెప్టెంబర్ 15 నుంచి 21 మధ్య వారానికి సంబంధించిన తాజా లిస్టు వచ్చేసింది.
అంతకుముందు వారంలాగే గత వారం కూడా ఓటీటీ ల్లో ఎక్కువ మంది చూసిన సినిమాల జాబితాలో సయ్యారా, కూలీనే నిలిచాయి. ఈ రెండూ బాక్సాఫీస్ దగ్గర రూ.500 కోట్ల క్లబ్ మార్క్ అందుకున్న సినిమాలే. ఇప్పుడు ఓటీటీలోనూ అలాగే దూసుకెళ్తున్నాయి. నెట్ఫ్లిక్స్ లో సెప్టెంబర్ 12 నుంచి స్ట్రీమింగ్ అవుతున్న సయ్యారాకు తిరుగు లేకుండా పోయింది. గతవారం ఈ సినిమాకు ఏకంగా 6 మిలియన్ల వ్యూస్ రావడం విశేషం. నెట్ఫ్లిక్స్ లో యువ ప్రేక్షకుల నుంచి ఈ సినిమాకు మంచి ఆదరణ లభిస్తోంది.
సయ్యారా, కూలీ సినిమాల విజయం
అటు రజనీకాంత్ కూలీ కూడా అలాగే దూసుకెళ్తోంది. అంతకుముందు వారం కూడా ఈ సినిమా రెండో స్థానంలోనే ఉండగా.. ఈవారం కూడా తన స్థానాన్ని నిలుపుకుంది. ప్రైమ్ వీడియోలో స్ట్రీమింగ్ అవుతున్న ఈ సినిమాకు గత వారం 4.9 మిలియన్ల వ్యూస్ రావడం విశేషం. రజనీ మేనియా ఇప్పుడు ఓటీటీని కూడా చుట్టేసింది.
ఇక నాలుగు నెలల తర్వాత గత వారమే నెట్ఫ్లిక్స్ లోకి వచ్చింది యానిమేషన్ మూవీ మహావతార్ నరసింహ. బాక్సాఫీస్ దగ్గర సుమారు రూ.325 కోట్లు వసూలు చేసిన సినిమా ఇది. సెప్టెంబర్ 19న స్ట్రీమింగ్ కు వచ్చింది. ఈ సినిమాకు గత వారం 3.3 మిలియన్ వ్యూస్ వచ్చాయి. రానున్న రోజుల్లో ఈ మూవీ టాప్ లోకి దూసుకెళ్లే అవకాశాలు స్పష్టంగా కనిపిస్తున్నాయి. ప్రస్తుతం నెట్ఫ్లిక్స్ ఇండియా టాప్ ట్రెండింగ్ మూవీ ఇదే.
మహావతార్ నరసింహ, ఇతర సినిమాల ప్రదర్శన
నాలుగో స్థానంలో నెట్ఫ్లిక్స్ లోనే స్ట్రీమింగ్ అవుతున్న ఇన్స్పెక్టర్ జెండె ఉంది. మనోజ్ బాజ్పాయీ నటించిన ఈ మూవీకి గత వారం 2.1 మిలియన్ వ్యూస్ నమోదయ్యాయి. ఐదో స్థానంలో జియోహాట్స్టార్ లో స్ట్రీమింగ్ అవుతున్న సిన్నర్స్ ఉంది. ఈ మూవీకి గత వారం 1.2 మిలియన్ వ్యూస్ వచ్చాయి.
చివరగా, ఓటీటీ ప్లాట్ఫామ్లలో సినిమాలకు లభిస్తున్న ఆదరణ అద్భుతంగా ఉంది. సయ్యారా, కూలీ లాంటి సినిమాలు ఓటీటీలోనూ తమ సత్తా చాటుతున్నాయి.
