📌 Key Points
- ఉస్తాద్ భగత్ సింగ్ ప్రమోషన్లలో రాశిఖన్నా పవన్ కళ్యాణ్ గురించి ఆసక్తికర విషయాలు వెల్లడించారు.
- ఐఏఎస్ కావాలనుకున్న రాశికి రాజకీయాల్లోకి రావాలని పవన్ కళ్యాణ్ సలహా ఇచ్చారు.
- రాశిఖన్నా మొదటి సినిమా ‘ఊహలు గుసగుసలాడే’ కథ వినకుండానే అంగీకరించారు.
- పవన్ కళ్యాణ్ తో కలిసి పనిచేయడం సంతోషంగా ఉందని రాశిఖన్నా తెలిపారు.
పవన్ కళ్యాణ్ ఉస్తాద్ భగత్ సింగ్ సినిమా షూటింగ్ సమయంలో హీరోయిన్ రాశిఖన్నాకు రాజకీయాల్లోకి రావాలని ఆఫర్ ఇచ్చారు. ఐఏఎస్ కావాలనుకున్న రాశికి పవన్ ఈ సలహా ఇవ్వడం ప్రస్తుతం హాట్ టాపిక్ గా మారింది. దీనికి రాశి ఎలా స్పందించారో చూద్దాం.
రాశిఖన్నాకు పవన్ కళ్యాణ్ రాజకీయాల ఆఫర్
Pawan Kalyan: పవన్ కళ్యాణ్ ప్రస్తుతం ఒకవైపు సినిమాలలో బిజీగా ఉంటూనే మరోవైపు రాజకీయాలలో కూడా కొనసాగుతున్న సంగతి తెలిసిందే. పవన్ కళ్యాణ్(Pawan Kalyan) త్వరలోనే హరీష్ శంకర్(Harish Shankar) దర్శకత్వంలో నటించిన ఉస్తాద్ భగత్ సింగ్ సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. ఈ సినిమా ఉగాది పండుగను పురస్కరించుకొని మార్చి 19వ తేదీ ప్రేక్షకుల ముందుకు రాబోతున్న నేపథ్యంలో ప్రమోషన్లను వేగవంతం చేశారు. ఈ నేపథ్యంలోనే ఇటీవల ప్రీ రిలీజ్ వేడుక కూడా ఎంతో ఘనంగా జరిగింది.
ఇక ఈ సినిమా ప్రమోషన్ కార్యక్రమాలలో భాగంగా నటి రాశిఖన్నా(Raashii Khanna) వరుస ఇంటర్వ్యూలలో పాల్గొంటు సందడి చేస్తున్నారు. ఈనేపథ్యంలోనే ఈమె పవన్ కళ్యాణ్ గురించి చేసిన కామెంట్స్ ప్రస్తుతం వైరల్ అవుతున్నాయి. ఈ సినిమా షూటింగ్ సమయంలో భాగంగా పవన్ కళ్యాణ్ గారు తనతో ఓసారి మాట్లాడుతూ తన గురించి పలు విషయాలను అడిగి తెలుసుకున్నారు అని తెలిపారు.. అసలు సినిమా ఇండస్ట్రీ లోకి రాకముందు మీరేం అవ్వాలనుకున్నారనే ప్రశ్న పవన్ కళ్యాణ్ గారి నుంచి వచ్చిందని ఆ సమయంలో తాను ఐఏఎస్ అవ్వాలనుకున్నాను కానీ అది కుదరని నేపథ్యంలోనే సినిమా ఇండస్ట్రీలోకి వచ్చానని రాశికన్నా రిప్లై ఇచ్చినట్టు తెలిపారు.
ఉస్తాద్ భగత్ సింగ్ ప్రమోషన్లలో రాశి కామెంట్స్
ఈ విధంగా తాను ఐఏఎస్ కావాలనుకున్నాను అనే విషయాన్ని చెప్పడంతో వెంటనే పవన్ కళ్యాణ్ గారు ఐఏఎస్ కుదరకపోతే రాజకీయాలలోకి రావచ్చు కదా.. ఇలాగైనా ప్రజలకు సేవ చేయొచ్చు కదా అంటూ తనకు సలహాలు ఇచ్చారని రాశిఖన్నా తెలిపారు. పవన్ కళ్యాణ్ గారు రాజకీయాలలోకి రమ్మని సలహా ఇచ్చినా, రాజకీయాలు తన వల్ల అసలు కాదు అంటూ సమాధానం ఇచ్చానని ఈ సందర్భంగా పవన్ కళ్యాణ్ తో జరిగిన సంభాషణ గురించి ఈమె తెలియజేయడంతో ఈ కామెంట్స్ కాస్త వైరల్ అవుతున్నాయి. ఇక రాశిఖన్నా ఊహలు గుసగుసలాడే అనే సినిమా ద్వారా ప్రేక్షకుల ముందుకు వచ్చారు..
కథ వినకుండానే సినిమాకు గ్రీన్ సిగ్నల్..
రాశిఖన్నా సినీ ప్రయాణం గురించి కొన్ని విషయాలు
ఇలా తెలుగు ప్రేక్షకుల ముందుకు హీరోయిన్ గా పరిచయమైన ఈమె మొదటి సినిమాతోనే మంచి సక్సెస్ కావడంతో తదుపరి తెలుగులో వరుస సినిమాలలో నటించారు. ప్రస్తుతం తెలుగు సినిమాలు మాత్రమే కాకుండా తమిళం హిందీ భాషలలో కూడా సినిమాలు చేస్తూ కెరియర్ పరంగా బిజీగా ఉన్నారు. ఇక పవన్ కళ్యాణ్ తో మొదటిసారి ఈమె స్క్రీన్ పంచుకోవడంతో ఎంతో సంతోషం వ్యక్తం చేశారు. కనీసం కథ కూడా వినకుండానే ఈ సినిమాకు గ్రీన్ సిగ్నల్ ఇచ్చారని తెలుస్తోంది. ఇక ఈ సినిమాలో పవన్ కళ్యాణ్ జోడిగా శ్రీలీల హీరోయిన్ గా నటించగా రాశికన్నా కీలక పాత్రలో కనిపించబోతున్నారు. మరియు ఉగాది సందర్భంగా ప్రేక్షకుల ముందుకు రాబోతున్న ఈ చిత్రం ఎలాంటి సక్సెస్ అందించబోతుందో తెలియాల్సి ఉంది.
పవన్ కళ్యాణ్ రాశిఖన్నాకు రాజకీయాలపై ఆసక్తి కలిగించడానికి ప్రయత్నించడం ఆసక్తికరంగా ఉంది. రాశి తన నిర్ణయంపై కట్టుబడి ఉన్నట్లు తెలుస్తోంది. భవిష్యత్తులో ఆమె రాజకీయాల్లోకి వస్తారో లేదో చూడాలి.
