హరిహర వీరమల్లు విడుదలకు సిద్ధమవుతున్న నేపథ్యంలో, పవన్ కళ్యాణ్ స్టంట్ కొరియోగ్రఫీ గురించి చర్చ జరుగుతోంది. తమ్ముడు నుంచి హరిహర వీరమల్లు వరకు ఆయన ప్రయాణాన్ని ఈ కథనం పరిశీలిస్తుంది.
Key Points
పవన్ కళ్యాణ్ స్టంట్ కొరియోగ్రఫీ చేసిన 'తమ్ముడు', 'బద్రి', 'ఖుషి' సినిమాలు సూపర్ హిట్స్!
హరిహర వీరమల్లులోని 20 నిమిషాల ఫైట్ సీక్వెన్స్ ప్రత్యేక ఆకర్షణ.
పవన్ కళ్యాణ్ యొక్క మార్షల్ ఆర్ట్స్ నేపథ్యం హరిహర వీరమల్లులో కనిపిస్తుంది.
పవన్ కళ్యాణ్ స్టంట్ కొరియోగ్రఫీతో హరిహర వీరమల్లు సినిమా భారీ అంచనాలను నింపుతుంది.
పవన్ కళ్యాణ్ స్టంట్ కొరియోగ్రఫీ ప్రస్థానం
ఐదేళ్ల పాటు షూటింగ్ జరుపుకుని, అనేక ఒడిదుడుకులు ఎదుర్కొన్న హరిహర వీరమల్లు చిత్రం ఎట్టకేలకు జూలై 24న ప్రపంచవ్యాప్తంగా రిలీజ్ కి రెడీ అవుతోంది. తాజాగా పవన్ కళ్యాణ్ హరిహర వీరమల్లు చిత్రం కోసం మీడియా సమావేశం నిర్వహించారు. సాధారణంగా సినిమాల కోసం పవన్ కళ్యాణ్ మీడియా సమావేశం నిర్వహించరు. ఎన్నో ఇబ్బందులు ఎదుర్కొని ఈ చిత్రాన్ని పూర్తి చేసిన నిర్మాత ఏఎం రత్నం కోసమే ప్రెస్ మీట్ నిర్వహించినట్లు పవన్ తెలిపారు.
ఈ చిత్రంలో ఫైట్స్ కొరియోగ్రఫీ గురించి పవన్ ఇంట్రెస్టింగ్ విషయాలు రివీల్ చేశారు. తాను గతంలో నేర్చుకున్న మార్షల్ ఆర్ట్స్ గురించి ప్రస్తావించారు. నేను ఎప్పుడో దేశ విదేశాల్లో నేర్చుకున్న మార్షల్ ఆర్ట్స్ ఇప్పుడు నాకు ఈ సినిమాకి పనికొచ్చాయి. కొరియోగ్రాఫర్స్ తో కూర్చొని క్లైమాక్స్ ను ప్రత్యేకంగా రూపొందించాము. సినిమాకి ఇదే ఆయువుపట్టు. సినిమా గురించి క్లుప్తంగా చెప్పాలంటే.. కృష్ణా నది తీరంలో కొల్లూరులో దొరికిన కోహినూర్ వజ్రం.. హైదరాబాద్ సుల్తాన్ల దగ్గరకు ఎలా వచ్చింది? ఆ తర్వాత ప్రయాణం ఎలా జరిగింది? ఈ నేపథ్యంలో జరిగే కథ ఇది అని పవన్ తెలిపారు.
హరిహర వీరమల్లులోని ప్రత్యేక ఫైట్ సీన్
పవన్ కళ్యాణ్ కొరియోగ్రఫీ చేసిన ఫైట్ సీన్ గురించి దర్శకుడు జ్యోతి కృష్ణ కూడా ప్రస్తావించారు. ఈ సినిమాలో పవన్ కళ్యాణ్ గారు డిజైన్ చేసిన ఒక ఫైట్ ఉంది. ఆ ఎపిసోడ్ దాదాపు 20 నిమిషాలు ఉంటుంది. ఆ ఫైట్ లోనే ఒక కథ ఉంటుంది. ఆ ఒక్క ఎపిసోడ్ కి కీరవాణి గారికి సంగీతం చేయడానికి పది రోజులు పట్టింది. ఆ సీక్వెన్స్ చూసిన తర్వాత నాకు అర్థమైంది ఏంటంటే.. పవన్ గారు చూసే వీరమల్లు వేరే. పవన్ గారు అనుకున్న సినిమా వేరే. ఆయనలో ఉన్న ఫైర్ లో నుంచి డిజైన్ చేసిందే ‘ధర్మం కోసం యుద్ధం’. 17వ శతాబ్దం మొఘల్స్ నేపథ్యంలో ఉండే సినిమా ఇది అని జ్యోతి కృష్ణ అన్నారు.
హరిహర వీరమల్లు కాకుండా గతంలో చాలా చిత్రాలకు పవన్ కళ్యాణ్ ఫైట్స్ కొరియోగ్రఫీ చేశారు. స్టంట్ కొరియోగ్రాఫర్ గా రాణించారు. పవన్ కళ్యాణ్ స్టంట్ కొరియోగ్రఫీ చేసిన చిత్రాలని పరిశీలిద్దాం. పవన్ కళ్యాణ్ ఫైట్స్ కొరియోగ్రఫీ చేసిన తొలి చిత్రం తమ్ముడు. ఈ మూవీ సూపర్ హిట్ గా నిలిచింది.
పవన్ కళ్యాణ్ స్టంట్స్ యొక్క ప్రభావం
ఆ తర్వాత పూరి జగన్నాధ్ దర్శకత్వంలో రూపొందిన బద్రి చిత్రంలో కూడా పవన్ ఫైట్స్ కంపోజ్ చేశారు. ఆ చిత్రం కూడా సూపర్ హిట్ గా నిలిచింది. ఆ తర్వాత పవన్ ఫైట్స్ కంపోజ్ చేసిన చిత్రం ఖుషి. ఈ చిత్రానికి ఏఎం రత్నమే నిర్మాత. ఖుషి మూవీ బ్లాక్ బస్టర్ గా నిలిచి అనేక రికార్డులు కొల్లగొట్టింది. ఖుషి వరకు అంతా బాగానే జరిగింది. కానీ ఆ తర్వాత పవన్ ఫైట్స్ కంపోజ్ చేసిన చిత్రాలు ఫ్లాప్ అవుతూ వచ్చాయి.
తన సోదరుడు మెగాస్టార్ చిరంజీవి డాడీ చిత్రానికి కూడా పవన్ కళ్యాణ్ స్టంట్ కొరియోగ్రాఫర్ గా పనిచేశారు. ఆ చిత్రం యావరేజ్ గా నిలిచింది. ఆ తర్వాత పవన్ కళ్యాణ్ గుడుంబా శంకర్, సర్దార్ గబ్బర్ సింగ్, అజ్ఞాతవాసి చిత్రాలకు కూడా స్టంట్ కొరియోగ్రఫీ చేశారు. కానీ ఈ చిత్రాలన్నీ దారుణంగా నిరాశపరిచాయి.
పవన్ కళ్యాణ్ స్టంట్ కొరియోగ్రఫీ ప్రతిభకు హరిహర వీరమల్లు మరో ఉదాహరణ. ఈ సినిమా విజయం కోసం అభిమానులు ఎదురుచూస్తున్నారు.
