📌 Key Points
- పవన్ కళ్యాణ్ సినిమా కంటే కన్నడ సినిమా ‘టాక్సిక్’ గురించే ఎక్కువ చర్చ జరుగుతోంది.
- ‘టాక్సిక్’ సినిమా AP/TG థియేట్రికల్ హక్కులు రూ.120 కోట్లు అంటూ ప్రచారం జరుగుతోంది, కానీ ఇది నిజం కాదని ట్రేడ్ వర్గాలు అంటున్నాయి.
- KGF Chapter 2 తెలుగు రాష్ట్రాల్లో రూ.84 కోట్లు వసూలు చేస్తే, ‘టాక్సిక్’కు రూ.120 కోట్ల డీల్ ఎలా సాధ్యమని ప్రశ్నిస్తున్నారు.
- పవన్ కళ్యాణ్ నటిస్తున్న ‘ఉస్తాద్ భగత్ సింగ్’ విడుదల తర్వాత కూడా ‘టాక్సిక్’ సినిమా గురించే ఎక్కువ చర్చ జరుగుతోంది.
తెలుగు రాష్ట్రాల్లో ఒక వింత పరిస్థితి నెలకొంది. పవన్ కళ్యాణ్ సినిమా విడుదల కాకముందే, ఒక కన్నడ సినిమా గురించి ఎక్కువగా మాట్లాడుకుంటున్నారు. యాష్ హీరోగా వస్తున్న ‘టాక్సిక్’ చిత్రం గురించే ఇప్పుడు అందరి దృష్టి.
‘టాక్సిక్’ సినిమాకు ఎందుకింత క్రేజ్?
Pawan Kalyan: తెలుగు రాష్ట్రాల్లో ఒక విచిత్రమైన పరిస్థితి ఇప్పుడు సినీ వర్గాల్లో చర్చకు వచ్చింది. సాధారణంగా తెలుగు రాష్ట్రాలలో..తెలుగు సినిమాలకే ఇక్కడ ఎక్కువ క్రేజ్ ఉంటుంది. అది జగమెరిగిన సత్యం. కానీ ఇప్పుడు మాత్రం ఒక కన్నడ సినిమా గురించి.. తెలుగు సినిమాలకన్నా ఎక్కువగా మాట్లాడుకుంటున్నారు. అదే యాష్ హీరోగా వస్తున్న టాక్సిక్. కే జి ఎఫ్ లాంటి బ్లాక్ బస్టర్ తర్వాత వస్తున్న యాష్ సినిమా కాబట్టి ఈ చిత్రం పై అంచనాలు ఉండడం సహజమని మీరు అనుకోవచ్చు. కానీ తెలుగు ప్రేక్షకులు… పవర్ స్టార్ గా భావించే పవన్ కళ్యాణ్ సినిమా కన్నా ఈ సినిమాకి క్రేజ్ ఎక్కువవుతుంది అని వినిపించడమే.. అభిమానులను ఆశ్చర్యానికి గురి చేస్తోంది.
కన్నడ స్టార్ యష్ హీరోగా నటిస్తున్న ‘టాక్సిక్’ సినిమా మార్చి 19న విడుదల కానుంది. ఈ సినిమా ఆంధ్రప్రదేశ్, తెలంగాణ (AP/TG) ప్రాంతాల్లో రూ.120 కోట్ల థియేట్రికల్ డీల్ అంటూ ప్రచారం జరుగుతోంది. అయితే ఈ సంఖ్య పూర్తిగా అవాస్తవమని ట్రేడ్ వర్గాలు అంటున్నాయి. ఆశ్చర్యకరంగా, ఈ భారీ ఫిగర్ను సినిమా మేకర్స్ నుంచే బయటకు పంపారని టాక్.
రూ.120 కోట్ల థియేట్రికల్ డీల్ నిజమెంత?
ఇక్కడ ఒక చిన్న పోలిక చూస్తే విషయం అర్థమవుతుంది. యష్ నటించిన సూపర్ హిట్ KGF Chapter 2 తెలుగు రాష్ట్రాల్లో మొత్తం క్లోజింగ్ షేర్ సుమారు రూ.84 కోట్లు మాత్రమే. అంత పెద్ద బ్లాక్బస్టర్కే అంతే వసూళ్లు వస్తే, ‘టాక్సిక్’ సినిమాకు రూ.120 కోట్ల డీల్ ఎలా సాధ్యం అవుతుందనే ప్రశ్న సహజంగానే వస్తుంది. అందుకే ఈ సంఖ్యలు కేవలం హైప్ కోసమే అన్న అభిప్రాయం బలంగా వినిపిస్తోంది.
ఇదే సమయంలో పవర్ స్టార్ పవన్ కళ్యాణ్ నటిస్తున్న ఉస్తాద్ భగత్ సింగ్.. మార్చి 26న విడుదల కానుంది. అంటే ‘టాక్సిక్’ కంటే వారం తర్వాతే ఈ సినిమా థియేటర్లలోకి వస్తుంది. పవన్ కళ్యాణ్ లాంటి భారీ స్టార్ ఉన్నా కూడా, ఈ సినిమా AP/TGలో రూ.120 కోట్ల డీల్ చేస్తుందా అనే విషయంలో ట్రేడ్ వర్గాలు సందేహం వ్యక్తం చేస్తున్నాయి. కనీసం పవన్ కళ్యాణ్ సినిమా కూడా ఇప్పటికీ ఇంత బిజినెస్ జరగలేదు. మరి టాక్సిక్ సినిమా విషయంలో ఇలాంటి వార్తలు వస్తుండటంతో.. ఇది తప్పకుండా పుకారే అని అందరి ఫిక్స్ అవుతున్నారు.
పవన్ కళ్యాణ్ సినిమా పరిస్థితి ఏమిటి?
పవన్ కళ్యాణ్ సినిమా కంటే, ఒక కన్నడ హీరో సినిమా గురించి ఎక్కువగా హైప్ క్రియేట్ కావడం నిజంగా విడ్డూరమే. సోషల్ మీడియాలో ట్రెండ్స్, ఫ్యాన్ వార్స్, బాక్సాఫీస్ అంచనాలు అన్నీ ‘టాక్సిక్’ చుట్టూనే తిరుగుతున్నాయి. టాక్సిక్ సినిమాకు వస్తున్న బిజినెస్ అంకెలు వాస్తవమా లేక కేవలం ప్రచారమా అనేది సినిమా విడుదలయ్యాకే తేలాలి. కానీ తెలుగు రాష్ట్రాల్లో మాత్రం ఈ చర్చ సినీ ప్రియుల మధ్య పెద్ద హాట్ టాపిక్గా మారింది.
మొత్తానికి పవన్ కళ్యాణ్ సినిమా విడుదల కాకముందే ఒక కన్నడ సినిమా ఇంతటి సంచలనం సృష్టించడం నిజంగా ఆశ్చర్యం కలిగిస్తోంది. రానున్న రోజుల్లో ఈ సినిమా ఎలాంటి రికార్డులు సృష్టిస్తుందో చూడాలి.
