సుఖకర్త ఫిలింస్ నిర్మాణంలో వస్తున్న ‘పెళ్లిలో పెళ్లి’ సినిమా ఫస్ట్ లుక్ పోస్టర్ లాంచ్ ఈవెంట్ హైదరాబాద్లో ఘనంగా జరిగింది. ఈ కార్యక్రమంలో ప్రముఖ నటుడు తనికెళ్ల భరణి తన అభిప్రాయాలను పంచుకున్నారు.
Key Points
పెళ్లిలో పెళ్లి సినిమా ఫస్ట్ లుక్ రిలీజ్తో ప్రేక్షకులను అలరించింది.
తనికెళ్ల భరణి సినిమా విజయానికి ఆశీర్వాదం పలికారు.
సినిమా షూటింగ్ షోలాపూర్లో జరిగింది.
యువ దర్శకుడు శ్రీకాంత్ సంబరం, నిర్మాత గణేష్ కోలిలకు తనికెళ్ల భరణి శుభాకాంక్షలు తెలిపారు.
పెళ్లిలో పెళ్లి ఫస్ట్ లుక్ లాంచ్
గౌరి ఫిలింస్తో కలిసి సుఖకర్త ఫిలింస్ ప్రొడక్షన్ నెం.1గా నిర్మిస్తోన్న సినిమా “పెళ్లిలో పెళ్లి”. ఈ సినిమాలో శివ సాయిరిషి, సంస్కృతి గోరే, విష్ణు ప్రియ , ఉమా మహేశ్వరరావు, తనికెళ్ల భరణి ప్రధాన పాత్రల్లో నటిస్తున్నారు. గణేష్ కోలి నిర్మిస్తున్న “పెళ్లిలో పెళ్లి” సినిమాకు శ్రీకాంత్ సంబరం దర్శకత్వం వహిస్తున్నారు.
చిత్రీకరణ పూర్తి చేసుకున్న పెళ్లిలో పెళ్లి మూవీ త్వరలో గ్రాండ్ థియేట్రికల్ రిలీజ్కు రెడీ అవుతోంది. ఈ నేపథ్యంలో ఫస్ట్ లుక్ సినిమా టైటిల్, ఫస్ట్ లుక్ పోస్టర్ రిలీజ్తో పాటు బ్యానర్ లాంచ్ కార్యక్రమాన్ని హైదరాబాద్ ప్రసాద్ ల్యాబ్స్లో ఘనంగా నిర్వహించారు.
ఈ కార్యక్రమానికి ప్రముఖ నటుడు తనికెళ్ల భరణి, యంగ్ హీరో ఆకాష్ జగన్నాథ్ ముఖ్య అతిథులుగా హాజరయ్యారు. ఈ కార్యక్రమంలో నటుడు తనికెళ్ల భరణి చేసిన కామెంట్స్ ఇంట్రెస్టింగ్గా ఉన్నాయి.
తనికెళ్ల భరణి కామెంట్స్
నటుడు తనికెళ్ల భరణి మాట్లాడుతూ.. “పెళ్లిలో పెళ్లిలో సినిమా ఈవెంట్ జరుగుతుంటే బయట కుండపోత వర్షం కురుస్తోంది. ఆ పరమేశ్వరుడు గంగ రూపంలో ఆశీర్వాదం పంపించాడు అనిపిస్తోంది. ఈ సినిమా బ్యానర్ పేరు సుఖకర్త. అంటే సుఖాన్ని అందించేవాడు అని అర్థం” అని అన్నారు.
“దర్శకుడు శ్రీకాంత్ కొద్ది రోజుల క్రితం ఈ సినిమా కోసం అప్రోచ్ అయ్యాడు. షోలాపూర్లో సినిమా చేస్తున్నామని చెప్పాడు. అక్కడ తెలుగు వాళ్లు చాలా మంది ఉంటారు. నన్ను ఈ టీమ్ ఎంతో గౌరవంగా చూసుకున్నారు. పెద్దలను గౌరవించడం అనే గొప్ప గుణం వీళ్లందరిలో కనిపించింది” అని తనికెళ్ల భరణి తెలిపారు.
“గణేష్ కోలి లాంటి ప్యాషనేట్ ప్రొడ్యూసర్స్కు సక్సెస్ వస్తే మరిన్ని మంచి చిత్రాలు యంగ్స్టర్స్తో నిర్మిస్తారు. ఆయన పెళ్లిలో పెళ్లి సినిమాతో హిట్ అందుకుని బాలీవుడ్లో సినిమాలు చేసేంతగా ఎదగాలని కోరుకుంటున్నా” అని సీనియర్ నటుడు తనికెళ్ల భరణి ఆశాభావం వ్యక్తం చేశారు.
సినిమా విడుదలకు సన్నద్ధం
” డైరెక్టర్ శ్రీకాంత్ సంబరం ప్రతిభావంతుడు. హైదరాబాద్లో సినిమా చేయడం సులువే. కానీ, షోలాపూర్కు 24 క్రాఫ్టుల వాళ్లను తీసుకెళ్లి చాలా స్పీడ్గా సినిమా రూపొందించాడు. అతనికి కూడా మంచి ఫ్యూచర్ ఉండాలని కోరుకుంటున్నా” అని యాక్టర్ తనికెళ్ల భరణి తన స్పీచ్ ముగించారు.
యంగ్ హీరో ఆకాష్ జగన్నాథ్ మాట్లాడుతూ.. “ఇది పోస్టర్ లాంచ్లా లేదు ప్రీ రిలీజ్ ఈవెంట్లా గ్రాండ్గా చేశారు. ఈ సినిమా టీమ్ని చూస్తుంటే అంతా యంగ్స్టర్స్ ఉన్నారు. ఇలాంటి యంగ్ టీమ్కు అవకాశం ఇచ్చి ఎంకరేజ్ చేస్తున్న ప్రొడ్యూసర్ గణేష్ కోలి గారికి, డైరెక్టర్ శ్రీకాంత్ గారికి నా అభినందనలు” అని అన్నాడు.
“ఈ సినిమాలో కీ రోల్ చేసి ఈ టీమ్కు సపోర్ట్గా ఉన్న భరణి గారికి కూడా థ్యాంక్స్. పెళ్లిలో పెళ్లి సినిమా టైటిల్ ఇంట్రెస్టింగ్గా ఉంది. మూవీ ఫస్ట్ లుక్ పోస్టర్ కలర్ పుల్గా ఇంప్రెస్ చేస్తోంది. సినిమా కూడా మంచి కంటెంట్తో ఆకట్టుకుంటుందనే నమ్ముతున్నా. టీమ్ అందరికీ ఆల్ ది బెస్ట్” అని ఆకాష్ పూరి చెప్పాడు.
తనికెళ్ల భరణి, ఆకాష్ జగన్నాథ్ వంటి ప్రముఖుల ఆశీర్వాదంతో, పెళ్లిలో పెళ్లి సినిమా భవిష్యత్తు ప్రకాశవంతంగా కనిపిస్తోంది. యువ దర్శకుడు, నిర్మాతలకు ఇది మంచి అవకాశం.
