సత్యరాజ్ నటించిన ‘త్రిబాణధారి బార్బరిక్’ సైకలాజికల్ మిస్టరీ థ్రిల్లర్ ఓటీటీలోకి వచ్చేందుకు సిద్ధమైంది. అక్టోబర్ 10న సన్ నెక్స్ట్ లో తెలుగు, తమిళ భాషల్లో ఈ చిత్రం స్ట్రీమింగ్ కానుంది. విడుదల తేదీ ఖరారు కావడంతో సినీ అభిమానుల్లో ఆసక్తి నెలకొంది.
Key Points
'త్రిబాణధారి బార్బరిక్' సైకలాజికల్ మిస్టరీ థ్రిల్లర్ ఆగస్టు 29న విడుదలైంది.
సత్యరాజ్, ఉదయభాను, వశిష్ట ఎన్ సింహా ప్రధాన పాత్రల్లో నటించారు.
అక్టోబర్ 10న సన్ నెక్స్ట్ లో తెలుగు, తమిళ భాషల్లో స్ట్రీమింగ్ కానుంది.
తన మనవరాలిని కనుగొనేందుకు ఓ మానసిక వైద్యుడు చేసే పోరాటం ఈ చిత్ర కథాంశం.
‘త్రిబాణధారి బార్బరిక్’ సినిమా వివరాలు
స్టార్ నటుడు సత్యరాజ్Sathyaraj), ఉదయభాను(Udaya Bhanu), వశిష్ట ఎన్ సింహా, ప్రధాన పాత్రలో నటించి సైకలాజికల్ మిస్టరీ థ్రిల్లర్ ‘త్రిబాణధారి బార్బరిక్’(Tribanadhari Barbarik). మోహన్ శ్రీవాత్సవ దర్శకత్వంలో తెరకెక్కిన ఈ చిత్రంలో సత్యం రాజేష్, క్రాంతి కిరణ్, వీటీవీ గణేష్, సాంచీ రాయ్ కీలక పాత్రలో కనిపించారు. స్టార్ డైరెక్టర్ మారుతి సమర్పణలో వానర సెల్యులాయిడ్ బ్యానర్పై విజయ్ పాల్రెడ్డి నిర్మించారు. ఈ సినిమా ఎన్నో అంచనాల మధ్య ఆగస్టు 29న విడుదలై ప్రేక్షకులను మెప్పించలేకపోయింది.
సన్ నెక్స్ట్ లో స్ట్రీమింగ్ ఎప్పుడు?
దాదాపు నెల రోజుల తర్వాత ఓటీటీలోకి వచ్చేందుకు రెడీ అయింది. ఈ విషయాన్ని వెల్లడిస్తూ ప్రముఖ సంస్థ అధికారిక ప్రకటన చేసింది. ‘త్రిబాణధారి బార్బరిక్’ డిజిటల్ హక్కులను ప్రముఖ సంస్థ సన్ నెక్ట్స్ సొంతం చేసుకోగా.. అక్టోబర్ 10 నుంచి తెలుగు, తమిళ భాషల్లో అందుబాటులోకి రాబోతున్నట్లు ఓ పోస్టర్ను షేర్ చేశారు. ‘‘ప్రేమ, నష్టం విడదీయరాని బంధం, తన మనవరాలిని కొనుగొనేందుకు ఓ మానసిక వైద్యుడు చేసే పోరాటం’’ అనే క్యాప్షన్ జత చేసి ఆసక్తిని పెంచారు. దీంతో ఈ విషయం తెలుసుకున్న సినీ ప్రియులు ఫుల్ ఖుషీ అవుతున్నారు.
కథాంశం, ఆసక్తికర విషయాలు
A post shared by SUN NXT (@sunnxt)
నెలరోజుల్లోనే ఓటీటీలోకి వస్తున్న ‘త్రిబాణధారి బార్బరిక్’ సైకలాజికల్ థ్రిల్లర్ సినీ అభిమానులకు కొత్త అనుభూతిని అందించనుంది. సన్ నెక్స్ట్ లో అక్టోబర్ 10న స్ట్రీమింగ్ కానున్న ఈ చిత్రం కోసం ప్రేక్షకులు ఆసక్తిగా ఎదురుచూస్తున్నారు.
