📌 Key Points
- హుషారు 2 సినిమా షూటింగ్ లో రాహుల్ రామకృష్ణకు స్వల్ప గాయాలు.
- భోపాల్లో యాక్షన్ సన్నివేశం చిత్రీకరిస్తుండగా ప్రమాదం జరిగింది.
- రాహుల్ రామకృష్ణ ప్రస్తుతం ఆసుపత్రిలో చికిత్స పొందుతున్నారు.
- హుషారు సినిమాకు సీక్వెల్గా హుషారు 2 తెరకెక్కుతోంది.
ప్రముఖ నటుడు రాహుల్ రామకృష్ణ హుషారు 2 సినిమా షూటింగ్లో గాయపడ్డారు. భోపాల్లో యాక్షన్ సన్నివేశం చిత్రీకరిస్తుండగా ఈ ప్రమాదం జరిగింది. ప్రస్తుతం ఆయన ఆసుపత్రిలో చికిత్స పొందుతున్నారు. ఆయన త్వరగా కోలుకోవాలని అభిమానులు కోరుకుంటున్నారు.
హుషారు 2 షూటింగ్లో ప్రమాదం
Rahul Ramakrishna: ప్రముఖ నటుడు కమెడియన్ రాహుల్ రామకృష్ణ(Rahul Ramakrishna) ప్రస్తుతం వరుస సినిమాలలో నటిస్తూ కెరియర్ పరంగా బిజీగా ఉన్నారు. పలు సినిమాలలో కమెడియన్ పాత్రలలో నటిస్తూ ప్రేక్షకులను మెప్పించిన రాహుల్ రామకృష్ణ ఇటీవల కాలంలో హీరోగా కూడా సినిమాలు చేస్తున్న సంగతి తెలిసిందే. ఈ నేపథ్యంలోనే ఈయన హుషారు 2 (Husharu 2 )సినిమా షూటింగ్ పనులలో బిజీగా ఉన్నారు. ప్రస్తుతం ఈ సినిమా షూటింగ్ పనులను జరుపుకుంటుంది. అయితే ఈ సినిమా షూటింగ్లో భాగంగా నటుడు రాహుల్ రామకృష్ణ ప్రమాదానికి గురయ్యారని సమాచారం. ఈ ప్రమాదంలో భాగంగా రాహుల్ రామకృష్ణకు స్వల్ప గాయాలు అయినట్టు తెలుస్తోంది.
రాహుల్ రామకృష్ణ నటిస్తున్న హుషారు 2 సినిమా షూటింగ్ ప్రస్తుతం భోపాల్ పరిసర ప్రాంతాలలో జరుగుతుంది. అయితే ఒక యాక్షన్ సన్నివేశాన్ని చిత్రీకరిస్తున్న సమయంలో ఈయనకు ప్రమాదం జరిగిందని స్వల్ప గాయాలు కావడంతో వెంటనే చిత్ర బృందం భోపాల్ లోని చెందేరు ప్రైవేట్ ఆస్పత్రికి తరలించినట్టు సోషల్ మీడియాలో వార్తలు వస్తున్నాయి అయితే రాహుల్ రామకృష్ణకు ప్రమాదం జరిగినట్టు ఇప్పటివరకు చిత్ర బృందం కానీ లేదా నటుడు రాహుల్ రామకృష్ణగాని ఎక్కడ అధికారకంగా వెల్లడించలేదు.
రాహుల్ రామకృష్ణకు గాయాలు
ఈ ప్రమాదంలో ఈయనకు స్వల్ప గాయాలు కావడంతో ప్రస్తుతం హాస్పిటల్లో చికిత్స పొందుతున్నారు. ఇక ఈ విషయం తెలిసిన ఆయన అభిమానులు త్వరగా కోలుకోవాలి అంటూ కామెంట్లు చేస్తున్నారు. ఇక ఈ సినిమా విషయానికి వస్తే హుషారు సినిమా 2018 వ సంవత్సరంలో ప్రేక్షకుల ముందుకు వచ్చింది. ఈ సినిమాకు సీక్వల్ గా హుషారు2 ప్రేక్షకుల ముందుకు రాబోతుంది. ఈ ఏడాదిలోనే ఈ సినిమా షూటింగ్ ప్రారంభమైంది. రాహుల్ రామకృష్ణ, అన్ష్, వసువి గణేశన్ ప్రధాన పాత్రలలో నటిస్తున్నారు. త్వరలోనే ఈ సినిమాకు సంబంధించి మరిన్ని పూర్తి వివరాలు వెల్లడి కానున్నాయి.
ఇకపోతే రాహుల్ రామకృష్ణ నటుడిగా సినిమాలలో నటిస్తూ ఎంతో అద్భుతమైన విజయాలను సొంతం చేసుకున్నారు అయితే ఇటీవల ఈయన సినిమాల కంటే కూడా వ్యక్తిగత విషయాల ద్వారా పెద్ద ఎత్తున వార్తల్లో నిలుస్తున్న సంగతి తెలిసిందే. సినిమాలకు సంబంధించిన విషయాల గురించి అలాగే తెలంగాణ ప్రభుత్వం గురించి ఇటీవల రాహుల్ రామకృష్ణ చేసిన పోస్టులు వివాదంగా మారడంతో ఈయన వార్తల్లో నిలిచారు. ఇలా సోషల్ మీడియా పోస్టుల ద్వారా విమర్శలను కూడా ఎదుర్కొంటున్న సంగతి తెలిసిందే. కమెడియన్ గా హీరోగా ప్రస్తుతం ఈయన ఇండస్ట్రీలో ఎంతో బిజీగా గడుపుతున్నారు.
ఆసుపత్రిలో చికిత్స
రాహుల్ రామకృష్ణ త్వరగా కోలుకోవాలని అభిమానులు కోరుకుంటున్నారు. హుషారు 2 సినిమా షూటింగ్ పూర్తి చేసుకుని త్వరలోనే ప్రేక్షకుల ముందుకు రానుంది. ఈ చిత్రం విజయం సాధించాలని ఆశిద్దాం.
