📌 Key Points
- రాజమౌళి దర్శకత్వంలో మహేష్ బాబు నటిస్తున్న ‘వారణాసి’ సినిమా షూటింగ్ శరవేగంగా జరుగుతోంది.
- 2027 ఏప్రిల్ 7న ‘వారణాసి’ సినిమా ప్రపంచవ్యాప్తంగా విడుదల కానుంది.
- ‘వారణాసి’ సినిమా రెండు భాగాలుగా రాదని రాజమౌళి స్పష్టం చేశారు.
- ఈ సినిమా సుమారు 3 గంటల రన్ టైంతో ఉండబోతోంది.
రాజమౌళి దర్శకత్వంలో మహేష్ బాబు నటిస్తున్న ‘వారణాసి’ సినిమా గురించి ఆసక్తికరమైన విషయాలు వెలుగులోకి వచ్చాయి. ఈ సినిమా ఒక భాగమే ఉంటుందని, సుమారు 3 గంటల రన్ టైం ఉంటుందని రాజమౌళి తెలిపారు.
వారణాసి సినిమా ఒక భాగమే!
Varanasi Film: టాలీవుడ్ దర్శక ధరుడు ఎస్ ఎస్ రాజమౌళి(S.S.Rajamouli) ప్రస్తుతం మహేష్ బాబు(Mahesh Babu)తో వారణాసి(Varanasi) సినిమా షూటింగ్ పనులలో బిజీగా ఉన్న సంగతి తెలిసిందే. ఈ సినిమా శరవేగంగా షూటింగ్ పనులను జరుపుకుంటుంది. ఇక ఈ సినిమా మరొక ఆరు ఏడు నెలలలో షూటింగ్ పూర్తి అవుతుందని స్వయంగా రాజమౌళి ఇటీవల ఒక ఇంటర్వ్యూ సందర్భంగా తెలియజేశారు. ఇక తాజాగా ఈ సినిమా విడుదల తేదీని కూడా ప్రకటించిన సంగతి తెలిసిందే. 2027 ఏప్రిల్ ఏడో తేదీ ఈ సినిమా గ్లోబల్ రేంజ్ లో ప్రేక్షకుల ముందుకు రాబోతోందని రాజమౌళి అధికారకంగా తెలియచేశారు. ఇక ఈ సినిమా విడుదల తేదీని కూడా ప్రకటించడంతో రాజమౌళి ప్రమోషన్ కార్యక్రమాలను కూడా మొదలు పెట్టారని చెప్పాలి.
సినిమా ప్రమోషన్లను నిర్వహించడంలో రాజమౌళి తర్వాతనే ఎవరైనా. ఈయన సినిమా అనౌన్స్ చేసినప్పటి నుంచి సైలెంట్ గానే ప్రమోషన్ కార్యక్రమాలను నిర్వహిస్తూ ఉంటారు. అయితే ఇటీవల రాజమౌళితో పాటు ప్రభాస్ ప్రియాంక చోప్రా తో కలిసి ఒక ఇంటర్వ్యూ నిర్వహించారు. ఈ ఇంటర్వ్యూకి సంబంధించిన వీడియో ప్రస్తుతం వైరల్ అవుతుంది. ఇందులో భాగంగా వారణాసి సినిమాకి సంబంధించి ఎన్నో అంశాలను బయటపెట్టారు. ఇకపోతే ఇటీవల ప్రతి ఒక్క సినిమా కూడా రెండు భాగాలుగా ప్రేక్షకుల ముందుకు వస్తున్న సంగతి తెలిసిందే. దీంతో రాజమౌళి వారణాసి సినిమా కూడా రెండు భాగాలుగా ప్రేక్షకుల ముందుకు రాబోతుందని ఇదివరకు పెద్ద ఎత్తున వార్తలు వచ్చాయి.
సినిమా రన్ టైం ఎంతో తెలుసా?
వారణాసి సినిమా రెండు భాగాల గురించి రాజమౌళికి ప్రశ్నలు ఎదురయ్యాయి. ఈ ప్రశ్నకు రాజమౌళి సమాధానం చెబుతూ ఈ సినిమాకు ఓకే భాగం ఉంటుందని మరో భాగం లేదని క్లారిటీ ఇచ్చారు అంతేకాకుండా ఈ సినిమా రన్ టైం కూడా బయటపెట్టారు. ఈ సినిమా సుమారు 3 గంటల రన్ టైం ఉంటుందని రాజమౌళి ఈ సందర్భంగా క్లారిటీ ఇచ్చారు. ఈ సినిమాకు రెండు భాగాలు రాబోతుందనే విషయంపై పూర్తిస్థాయిలో స్పష్టత వచ్చింది. ఇక ప్రస్తుతం ఈ సినిమా హైదరాబాదులో షూటింగ్ పనులను జరుపుకుంటున్న సంగతి తెలిసిందే.
ప్రమోషన్లకే వందల కోట్లు..
రుద్ర పాత్రలో మహేష్ బాబు
మహేష్ బాబు రాజమౌళి కాంబినేషన్లో మొదటిసారి ఈ సినిమా ప్రేక్షకుల ముందుకు రాబోతున్న నేపథ్యంలో ఈ సినిమాపై భారీగా అంచనాలు ఉన్నాయి. ఇక ఇందులో మహేష్ బాబు రుద్ర అనే పాత్రలో కనిపించబోతున్నారు అలాగే ఈయన రాముడిగా కనిపించబోతున్నారని తెలుస్తోంది. ఇదివరకు ఎప్పుడూ చూడని విధంగా వారణాసి సినిమాలో మహేష్ బాబు కనిపించబోతున్నారని ఇది వరకే విడుదల చేసిన టైటిల్ గ్లింప్ చూస్తేనే స్పష్టం అవుతుంది. ఇక ఈ సినిమాలో మైథాలజీ టచ్ కూడా ఉండబోతుందని సుమారు 25 నిమిషాల పాటు మైథాలజీ నేపథ్యంలో సినిమా ఉంటుందని రాజమౌళి ఈ సందర్భంగా తెలియజేశారు. ఇక ఈ సినిమాని గ్లోబల్ రేంజ్ లో ప్రేక్షకుల ముందుకు తీసుకురాబోతున్న నేపథ్యంలో రాజమౌళి సైతం ఇంటర్నేషనల్ మీడియాతో ఇంటర్వ్యూలు నిర్వహిస్తూ ఇప్పటినుంచి గ్లోబల్ రేంజ్ లో సినిమాని ప్రమోట్ చేస్తున్నారు. ఈ సినిమా ప్రమోషన్ల కోసమే రాజమౌళి సుమారు 200 కోట్ల బడ్జెట్ కేటాయించినట్లు తెలుస్తోంది.
‘వారణాసి’ సినిమాపై అంచనాలు భారీగా ఉన్నాయి. మహేష్ బాబు రుద్ర అనే పాత్రలో కనిపించనున్నారు. ఈ సినిమా విడుదల కోసం అభిమానులు ఎంతగానో ఎదురుచూస్తున్నారు.
