సూపర్ స్టార్ రజనీకాంత్ నటించిన కూలీ సినిమా నుంచి ఫస్ట్ సింగిల్ ‘చికిటు చికిటు’ విడుదలైంది. అనిరుధ్ రవిచందర్ సంగీత దర్శకత్వంలో రూపొందిన ఈ పాటలో రజనీకాంత్ అద్భుతమైన నృత్య ప్రదర్శన కనబరుస్తున్నారు.
Key Points
రజనీకాంత్ నటించిన కూలీ సినిమా ఫస్ట్ సింగిల్ 'చికిటు చికిటు' విడుదలైంది.
అనిరుధ్ రవిచందర్ సంగీతం, టి. రాజేందర్ బీట్ బాక్సింగ్, అరివు లిరిక్స్ తో ఈ పాట అదిరిపోతోంది.
రజనీకాంత్ స్టైలిష్ డాన్స్ స్టెప్స్ ఈ పాటలో హైలైట్.
ఆగస్టు 14, 2025న 'కూలీ' సినిమా ప్రపంచవ్యాప్తంగా విడుదల కానుంది.
కూలీ సినిమా ఫస్ట్ సింగిల్ విడుదల
సూపర్ స్టార్ రజనీకాంత్ నటిస్తున్న మూవీ కూలీ. ఈ మూవీ నుంచి ఫస్ట్ సింగిల్ బుధవారం (జూన్ 25) సాయంత్రం 6 గంటలకు రిలీజైంది. లోకేష్ కనగరాజ్ డైరెక్షన్ లో వస్తున్న ఈ సినిమాకు అనిరుధ్ రవిచందర్ మ్యూజిక్ అందిస్తున్నాడు. చికిటు చికిటు అంటూ మాస్ బీట్స్ తో సాగిన ఈ పాటలో సూపర్ స్టార్ వేసిన స్టెప్స్ హైలైట్ అని చెప్పొచ్చు.
రజనీకాంత్ లీడ్ రోల్లో నటిస్తున్న కూలీ మూవీ ఆగస్ట్ 14, 2025న ప్రపంచవ్యాప్తంగా గ్రాండ్ రిలీజ్కు సిద్ధమవుతోంది. ఇక తాజాగా వచ్చిన చికిటు చికిటు సాంగ్ గురించి చెప్పాలంటే.. అనిరుధ్ రవిచందర్ మ్యూజిక్, టి. రాజేందర్ బీట్ బాక్సింగ్, అరివు రాసిన లిరిక్స్తో సోషల్ మీడియాను ఊపేస్తోంది. ‘చికిటు’ సాంగ్ ప్రోమో జూన్ 24న విడుదలై, రజనీకాంత్ స్టైలిష్ అవతార్తో అభిమానులను ఆకర్షించింది.
చికిటు చికిటు పాట ప్రత్యేకతలు
“బ్రో.. వాట్ దా.. చాలు బ్రో, ఓ హాట్ కప్ టీ తర్వాత మళ్లీ వద్దాం” అంటూ పాట ప్రారంభమవుతుంది. మొదట టీ.రాజేందర్, అనిరుధ్ పాటలో కనిపిస్తారు. ఆ తర్వాత సూపర్ స్టార్ ఎంట్రీ ఇస్తాడు. రజనీ గ్రేస్తో నిండిన డ్యాన్స్ స్టెప్స్తో అభిమానులను ఉర్రూతలూగించిందీ పాట. ఈ ఫస్ట్ సింగిల్ తో కూలీ మూవీపై అంచనాలు మరింత పెరిగిపోయాయి.
‘ కూలీ ’లో రజనీకాంత్ తోపాటు నాగార్జున అక్కినేని, ఉపేంద్ర, శ్రుతి హాసన్, సత్యరాజ్, సౌబిన్ షాహిర్ కీలక పాత్రల్లో నటిస్తున్నారు. పూజా హెగ్డే ఓ స్పెషల్ సాంగ్లో కనిపించనుంది. ఈ పాన్-ఇండియా యాక్షన్ ఎంటర్టైనర్ను సన్ పిక్చర్స్ నిర్మిస్తోంది. హిందీలో ‘మజ్దూర్’ టైటిల్తో విడుదలవుతున్న ఈ మూవీ, రజనీకాంత్ మాస్ ఇమేజ్ను లోకేశ్ కనగరాజ్ స్టైల్లో చూపించబోతోంది.
సినిమా రిలీజ్ తేదీ
సోషల్ మీడియాలో ‘చికిటు’ సాంగ్ రిలీజ్తో అభిమానులు ఉత్సాహంగా స్పందిస్తున్నారు. “రజనీ స్టైల్, అనిరుధ్ బీట్స్, లోకేశ్ విజన్.. ఈ సాంగ్ ఫైర్!” అని ఒక అభిమాని కామెంట్ చేశారు. ఈ సాంగ్ విడుదలను విజయ్ పుట్టినరోజు కారణంగా జూన్ 21 నుంచి జూన్ 25కు మార్చినట్లు సమాచారం.
ఆగస్టు 14న ‘కూలీ’తో పాటు ఎన్టీఆర్, హృతిక్ రోషన్ నటించిన ‘వార్ 2’ కూడా రిలీజ్ కానుంది. ఇది బాక్సాఫీస్ వద్ద భారీ వార్ జరగబోతున్నట్లు స్పష్టం చేస్తోంది. రజనీకాంత్ మాస్ అప్పీల్, లోకేష్ కనగరాజ్ డైరెక్షన్ తో ‘కూలీ’ బాక్సాఫీస్ను షేక్ చేయడం ఖాయమని అభిమానులు ఆశిస్తున్నారు. ఈ ‘చికిటు’ సాంగ్ ‘కూలీ’ సినిమాకు ఉన్న హైప్ను మరింత పెంచింది.
చికిటు చికిటు పాటతో కూలీ సినిమాపై అంచనాలు మరింత పెరిగాయి. ఆగస్టు 14, 2025న విడుదల కానున్న ఈ సినిమా బాక్సాఫీస్ వద్ద సూపర్ హిట్ అవుతుందని అభిమానులు ఆశిస్తున్నారు.
