📌 Key Points
- రణ్వీర్ సింగ్ నటించిన ‘ధురంధర్’ మూవీ ఓటీటీలోకి విడుదల కానుంది! ఇది ఒక స్పై యాక్షన్ థ్రిల్లర్.
- జనవరి 29 అర్ధరాత్రి 12 గంటల నుండి నెట్ఫ్లిక్స్లో స్ట్రీమింగ్ ప్రారంభం కానుంది. అందరూ సిద్ధంగా ఉండండి!
- ఈ సినిమా ప్రపంచవ్యాప్తంగా రూ.1300 కోట్లకు పైగా వసూలు చేసింది! బాక్సాఫీస్ రికార్డులు బద్దలు కొట్టింది.
- థియేటర్లలో 3 గంటల 35 నిమిషాలు ఉండగా, నెట్ఫ్లిక్స్లో 3 గంటల 25 నిమిషాల రన్ టైమ్తో స్ట్రీమింగ్ కానుంది.
రణ్వీర్ సింగ్ నటించిన బ్లాక్ బస్టర్ మూవీ ‘ధురంధర్’ ఓటీటీలోకి వచ్చేస్తోంది! బాక్సాఫీస్ వద్ద కలెక్షన్ల వర్షం కురిపించిన ఈ సినిమా ఇప్పుడు డిజిటల్ స్క్రీన్ పై రికార్డులు క్రియేట్ చేయడానికి సిద్ధంగా ఉంది.
ఓటీటీలోకి ‘ధురంధర్’ మూవీ.. స్ట్రీమింగ్ ఎప్పుడంటే?
అత్యధిక వసూళ్ల హిందీ సినిమా ధురంధర్ మరికొన్ని గంటల్లోనే ఓటీటీలోకి వస్తోంది. ఈ స్పై యాక్షన్ థ్రిల్లర్ థియేటర్ల కంటే ఎక్కువ రన్ టైమ్ తో వస్తుందనుకుంటే.. పది నిమిషాలు తక్కువ కావడం ఫ్యాన్స్ ను నిరాశకు గురి చేస్తోంది.
ధురంధర్.. గతేడాది చివర్లో వచ్చి హిందీలో అన్ని బాక్సాఫీస్ రికార్డులను తిరగరాసిన మూవీ ఇది. రణ్వీర్ సింగ్ లీడ్ రోల్లో నటించి, ఆదిత్య ధర్ డైరెక్ట్ చేసిన ఈ సినిమా మొత్తానికి ఓటీటీలోకి వస్తోంది. గురువారం (జనవరి 29) అర్ధరాత్రి 12 దాటిన తర్వాత ఈ సినిమా నెట్ఫ్లిక్స్ లో స్ట్రీమింగ్ మొదలు కానుంది. ఈ సినిమా ప్రపంచవ్యాప్తంగా రూ.1300 కోట్లకుపైగా వసూలు చేసింది.
థియేటర్ రన్ టైమ్ కంటే ఓటీటీలో తక్కువ నిడివి!
ఇక హిందీ కాకుండా మిగిలిన వెర్షన్ల సంగతేంటన్నది కూడా ఆ ఓటీటీ వెల్లడించలేదు. పైగా థియేటర్లలో 3 గంటల 35 నిమిషాల రన్ టైమ్ తో రాగా.. ఇప్పుడు నెట్ఫ్లిక్స్ లో మాత్రం 3 గంటల 25 నిమిషాల రన్ టైమే చూపిస్తోంది. నిజానికి ఎక్స్టెండెడ్ కట్ ఉంటుందని వార్తలు రాగా.. ఉన్న రన్ టైమ్ కూడా తగ్గిపోవడంతో ఫ్యాన్స్ నిరాశ చెందుతున్నారు.
రూ.1300 కోట్ల వసూళ్లు.. రికార్డులు బద్దలు!
ఎనిమిదో వీకెండ్ లో ఈ సినిమా రూ. 2.9 కోట్ల నెట్ వసూళ్లు సాధించింది. జనవరి 26 (రిపబ్లిక్ డే) నాడు మరో రూ. 1.25 కోట్లు రాబట్టింది. దీంతో 53వ రోజు నాటికి ఈ సినిమా ఇండియన్ బాక్సాఫీస్ వద్ద రూ. 1000 కోట్ల మార్కును దాటేసింది. ప్రస్తుతం ఈ సినిమా ఇండియాలో రూ. 1002 కోట్ల గ్రాస్ (రూ. 835 కోట్ల నెట్) వసూలు చేసింది. అంతకుముందు హిందీలో అత్యధిక వసూళ్లు సాధించిన సినిమాగా షారుక్ ఖాన్ ‘జవాన్’ (రూ. 760 కోట్ల గ్రాస్) ఉండేది. ఇప్పుడు ‘ధురంధర్’ దాన్ని అధిగమించింది.
ఇంతటి భారీ విజయం సాధించిన ‘ధురంధర్’ ఓటీటీలో ఎలాంటి సంచలనాలు సృష్టిస్తుందో వేచి చూడాలి. మరిన్ని అప్డేట్స్ కోసం చూస్తూ ఉండండి.
