‘లిటిల్ హార్ట్స్’తో భారీ హిట్ కొట్టిన డైరెక్టర్ సాయి మార్తాండ, వరుస ఫ్లాప్స్ తో ఉన్న హీరో నితిన్కు కథ చెప్పారని వార్తలు వస్తున్నాయి. జగపతిబాబు నిర్మాణంలో నితిన్ హీరోగా సాయి మార్తాండ దర్శకత్వంలో సినిమా ఉంటుందని సమాచారం. ఈ కాంబినేషన్ నితిన్ కి హిట్ ఇస్తుందో లేదో చూడాలి.
Key Points
డైరెక్టర్ సాయి మార్తాండ 'లిటిల్ హార్ట్స్' సినిమాతో రూ. 2.5 కోట్ల బడ్జెట్తో రూ. 32 కోట్లు వసూలు చేసి భారీ హిట్ కొట్టారు.
'లిటిల్ హార్ట్స్' విజయం తర్వాత సాయి మార్తాండకు టాలీవుడ్లో భారీ అవకాశాలు వెల్లువెత్తుతున్నాయి.
హీరో నితిన్ 2020లో 'భీష్మ' తర్వాత మళ్లీ ఆ స్థాయి హిట్ కొట్టలేక వరుస ఫ్లాప్స్ చూశారు.
సాయి మార్తాండ నితిన్కు ఒక కథ చెప్పారని, జగపతిబాబు నిర్మాణంలో ఈ సినిమా ఉండబోతోందని వార్తలు.
సాయి మార్తాండ బ్లాక్బస్టర్ సక్సెస్
Sai Marthand : ఒకప్పుడు మంచి మంచి సినిమాలు, సూపర్ హిట్స్ చూసిన హీరో ఇప్పుడు వరుసగా ఫ్లాప్స్ చూస్తున్నాడు. అలాంటి హీరోతో హిట్ డైరెక్టర్ సినిమా తీయబోతున్నాడు అని వార్తలు వస్తున్నాయి. ఇటీవల లిటిల్ హార్ట్స్ అనే సినిమాతో వచ్చి భారీ హిట్ కొట్టాడు డైరెక్టర్ సాయి మార్తాండ. కేవలం రెండున్నర కోట్లు పెట్టి తీసిన ఈ సినిమా ఏకంగా 32 కోట్లు కలెక్ట్ చేసింది.(Sai Marthand)
దీంతో డైరెక్టర్ సాయి మార్తాండ్ కి తెగ అవకాశాలు వస్తున్నాయి. ఇప్పటికే జగపతిబాబు నిర్మాతగా మారి సాయి మార్తాండ్ కి అడ్వాన్స్ కూడా ఇచ్చాడు. సాయి మార్తాండ్ కూడా నా నెక్స్ట్ సినిమా జగపతి బాబు గారికే చేస్తాను అని చెప్పాడు ఆల్రెడీ.
నితిన్ కోసం కథ చెప్పిన మార్తాండ?
అయితే తాజా టాలీవుడ్ సమాచారం ప్రకారం సాయి మార్తాండ్ హీరో నితిన్ కి కథ చెప్పాడట. నితిన్ తో సినిమా తీయబోతున్నాడని వార్తలు వస్తున్నాయి. సాయి మార్తాండ్ తాజాగా నితిన్ కి కథ చెప్పాడని, నితిన్ ఇంకా ఏ విషయం చెప్పలేదని వినిపిస్తుంది.
జగపతిబాబు నిర్మాణంలో భారీ ప్రాజెక్ట్
నితిన్ చివరగా 2020లో భీష్మ సినిమాతో హిట్ కొట్టాడు. ఆ తర్వాత ఇప్పటివరకు మళ్ళీ ఆ రేంజ్ హిట్ కొట్టలేదు నితిన్. మధ్యలో రంగ్ దే సినిమా పర్వాలేదనిపించింది. మిగిలినవి అన్ని ఫ్లాప్స్ చూసాడు. ఒకవేళ నితిన్ సాయి మార్తాండ్ చెప్పిన కథకు ఓకే చెప్తే జగపతి బాబు నిర్మాణంలో సాయి మార్తాండ్ దర్శకత్వంలో నితిన్ హీరోగా సినిమా ఉంటుందని సమాచారం. మరి నితిన్ కి ఈ డైరెక్టర్ అయినా హిట్ ఇస్తాడా చూడాలి. ఇక నితిన్ చేస్తాడనుకున్న వేణు ఎల్లమ్మ సినిమా నుంచి తప్పుకున్నాడని వార్తలు వస్తున్నాయి.
సాయి మార్తాండ ప్రస్తుతం టాలీవుడ్లో మంచి ఫాంలో ఉన్నాడు. నితిన్ మాత్రం హిట్ కోసం చూస్తున్నాడు. ఈ కాంబినేషన్ వర్కవుట్ అయితే, నితిన్ కెరీర్కు మలుపు తిరిగినట్టే. మరి డైరెక్టర్ సాయి మార్తాండ నితిన్కు హిట్ ఇవ్వగలడా అనేది ఆసక్తికరంగా మారింది.
