📌 Key Points
- సలీం ఖాన్ అనారోగ్యంతో లీలావతి ఆసుపత్రిలో చేరారు.
- సల్మాన్ ఖాన్ ఆసుపత్రికి వచ్చినప్పుడు ఫోటోగ్రాఫర్లు కారును చుట్టుముట్టారు.
- నెటిజన్లు ఫోటోగ్రాఫర్ల ప్రవర్తనను ఖండించారు.
- గతంలో ధర్మేంద్ర విషయంలోనూ ఇలాంటి సంఘటనే జరిగింది.
ప్రముఖ బాలీవుడ్ నటుడు సల్మాన్ ఖాన్ తండ్రి సలీం ఖాన్ అనారోగ్యంతో ఆసుపత్రిలో చేరారు. దీనితో సల్మాన్ ఖాన్ తన తండ్రిని పరామర్శించడానికి ఆసుపత్రికి వెళ్లగా, అక్కడ ఫోటోగ్రాఫర్లు అత్యుత్సాహం ప్రదర్శించడంతో నెటిజన్లు ఆగ్రహం వ్యక్తం చేస్తున్నారు.
సలీం ఖాన్ ఆసుపత్రిలో చేరిక
Salim Khan: ప్రముఖ బాలీవుడ్ నటుడు సల్మాన్ ఖాన్ తండ్రి, దిగ్గజ స్క్రీన్ రైటర్ సలీం ఖాన్ అనారోగ్యంతో ముంబైలోని లీలావతి ఆసుపత్రిలో చేరిన విషయం తెలిసిందే. ఈ వార్త తెలిసిన వెంటనే సల్మాన్ ఖాన్ అతని కుటుంబ సభ్యులు ఆసుపత్రికి చేరుకున్నారు. అయితే, ఈ క్రమంలో అక్కడ జరిగిన కొన్ని సంఘటనలు ఫోటోగ్రాఫర్ల ప్రవర్తన ప్రస్తుతం సోషల్ మీడియాలో తీవ్ర చర్చకు దారితీసింది. ఫ్యామిలీ డాక్టర్ సలహా మేరకు ఆయనను ఐసీయూ (ICU)లో చేర్చి చికిత్స అందిస్తున్నారు. ప్రస్తుతం ఆయన పరిస్థితి స్థిరంగా ఉందని, వైద్యుల బృందం ఆయనను నిరంతరం పర్యవేక్షిస్తోందని డాక్టర్ జలీల్ పార్కర్ ఒక ప్రకటనలో తెలిపారు.
Read also- Karthikeya : హీరో కార్తికేయ ఎక్కడ.. మరీ ఇంత గ్యాప్ ఎందుకు బ్రో..
ఫోటోగ్రాఫర్ల ప్రవర్తనపై నెటిజన్ల ఆగ్రహం
తన తండ్రిని పరామర్శించడానికి సల్మాన్ ఖాన్ అర్ధరాత్రి ఆసుపత్రికి వచ్చారు. ఆయనతో పాటు సోదరుడు అర్బాజ్ ఖాన్, వదిన శురా ఖాన్ కూడా ఉన్నారు. తిరిగి వెళ్లే సమయంలో ఆసుపత్రి బయట వేచి ఉన్న ఫోటోగ్రాఫర్లు సల్మాన్ కారును చుట్టుముట్టారు. కెమెరా ఫ్లాష్లతో కళ్లు మిరుమిట్లు గొలుపుతున్నా, వారు కారును ఆపి ఫోటోలు తీయడానికి ప్రయత్నించారు. సల్మాన్ ఖాన్ ముఖంపై తీవ్ర అసహనం కనిపించింది. ఆయన తన తల దించుకుని, కళ్ళు మూసుకుని ఆ పరిస్థితిని భరించడం వీడియోలలో స్పష్టంగా కనిపించింది. కొందరు ఫోటోగ్రాఫర్లు “సల్మాన్ భాయ్!” అని గట్టిగా అరుస్తూ కారు వెంట పడ్డారు.
ఈ వీడియోలు సోషల్ మీడియాలో వైరల్ కావడంతో సల్మాన్ అభిమానులు, నెటిజన్లు ఫోటోగ్రఫర్ల తీరుపై మండిపడుతున్నారు. “సెలబ్రిటీలకు కూడా వ్యక్తిగత స్వేచ్ఛ ఉంటుంది, కనీసం ఆసుపత్రి వంటి ప్రదేశాల్లోనైనా వారిని ప్రశాంతంగా ఉండనివ్వండి” అని నెటిజన్లు కామెంట్ చేస్తున్నారు. కుటుంబ సభ్యులు ఆందోళనలో ఉన్న సమయంలో ఇలా ప్రవర్తించడం అమానుషమని చాలా మంది అభిప్రాయపడ్డారు.
గతంలోనూ ఇలాంటి సంఘటనలు
Read also- Podarillu Today Episode : చక్రీని భర్తగా ఒప్పుకున్నా మహా.. బృందావనంకు లక్ష్మీ కల.. మహా దెబ్బకు భయపడ్డ కేశవ..
గతంలో సీనియర్ నటుడు ధర్మేంద్ర ఆసుపత్రిలో ఉన్నప్పుడు కూడా ఫోటోగ్రఫర్లలు ఇలాగే ప్రవర్తించారని అభిమానులు గుర్తు చేస్తున్నారు. అప్పట్లో సన్నీ డియోల్, బాబీ డియోల్ కూడా ఫోటోగ్రాఫర్ల అతి ప్రవర్తనపై తీవ్ర అసంతృప్తి వ్యక్తం చేశారు. “మొదట డియోల్ సోదరులు, ఇప్పుడు సల్మాన్ ఖాన్.. మీడియా తన పరిమితులను తెలుసుకోవాలి” అంటూ నెటిజన్లు ఆగ్రహం వ్యక్తం చేస్తున్నారు. మొత్తానికి, ఒక పక్క సలీం ఖాన్ త్వరగా కోలుకోవాలని కోరుకుంటూనే, మరోపక్క సెలబ్రిటీల వ్యక్తిగత విషయాల్లో మీడియా ప్రవర్తించాల్సిన తీరుపై దేశవ్యాప్తంగా చర్చ జరుగుతోంది. సల్మాన్ ఖాన్ కుటుంబ సభ్యులంతా ప్రస్తుతం ఆసుపత్రిలోనే ఉండి సలీం ఖాన్ బాగోగులను చూసుకుంటున్నారు.
సెలబ్రిటీలకు కూడా వ్యక్తిగత స్వేచ్ఛ ఉంటుందని, ఆసుపత్రి వంటి ప్రదేశాల్లో వారిని ప్రశాంతంగా ఉండనివ్వాలని నెటిజన్లు అభిప్రాయపడుతున్నారు. ఫోటోగ్రాఫర్ల ప్రవర్తన సరిగా లేదని విమర్శిస్తున్నారు.
