టాలీవుడ్ నటి సమంత నిర్మించిన ‘శుభం’ సినిమా మే 9న విడుదల కానుంది. సినిమా ప్రమోషన్స్లో భాగంగా సమంత వెన్నెల కిశోర్కు చేసిన వీడియో కాల్ ప్రస్తుతం అందరి దృష్టిని ఆకర్షిస్తోంది.
Key Points
సమంత నిర్మించిన 'శుభం' సినిమా మే 9న విడుదలవుతోంది.
సమంత వెన్నెల కిశోర్కు వీడియో కాల్ చేసి సినిమా ప్రీమియర్కు ఆహ్వానించింది.
వెన్నెల కిశోర్ సొంత సినిమా కూడా అదే రోజు విడుదలవుతుందని చెప్పబోతుండగా సమంత అడ్డుకుంది.
ఈ వీడియో సోషల్ మీడియాలో వైరల్గా మారింది.
‘శుభం’ సినిమా ప్రమోషన్స్
టాలీవుడ్ స్టార్ హీరోయిన్ సమంత(Samantha) ప్రస్తుతం నిర్మాతగా మారి ‘శుభం’ (shubham)సినిమాను తన సొంత ట్రాలాలా మూవీస్ పిక్చర్స్ బ్యానర్పై నిర్మిస్తున్న సంగతి తెలిసిందే. ఇక దీనికి ప్రవీణ్ కండ్రేగుల(Praveen Kandregula) దర్శకత్వం వహిస్తుండగా ఇప్పటికే ఈ మూవీపై ప్రేక్షకుల్లో భారీ అంచనాలు నెలకొన్నాయి. అయితే ఈ మూవీ నుంచి విడుదలైన పోస్టర్స్, టీజర్, ట్రైలర్ అన్ని సూపర్ రెస్పాన్స్ను దక్కించుకున్నాయి. కాగా ఈ చిత్రం మే 9న థియేటర్స్లో విడుదల కాబోతుంది. ఈ నేపథ్యంలో.. ‘శుభం’ మూవీ టీమ్ అంతా కలిసి ప్రమోషన్స్లో ఫుల్ బిజీ బిజీగా గడుపుతున్నారు.
ఇందులో భాగంగా తాజాగా సమంత ఇన్స్టాలో ఓ వీడియో షేర్ చేసింది. అందులో వెన్నెల కిశోర్(Vennela Kishore)కి వీడియో కాల్ చేసి నా శుభం మూవీ ప్రీమియర్స్కి రావట్లేదా అని అడుగుతుంది. అప్పుడు వెన్నెల కిశోర్ యాక్చువల్గా నా సింగిల్ మూవీ కూడా అదే రోజు రిలీజ్ కాబోతుంది అని చెప్పాలని ట్రై చేస్తుండగా అతన్ని అసలు మాట్లాడనీయకుండా నా కోసం నువ్వు, నీ ఫ్యామిలీ కచ్చితంగా వస్తారు కదా.. నిర్మాతగా చేసిన ఫస్ట్ మూవీ కాబట్టి వస్తారని నాకు తెలుసు అని అసలు అతన్ని మాట్లాడనీయదు.
సమంత, వెన్నెల కిశోర్ వీడియో కాల్
లాస్ట్కి కచ్చితంగా వస్తున్నావు అని కట్ చేసేస్తది. ఇక ఈ వీడియోను షేర్ చేస్తూ సింగిల్ ఫోన్ కాల్లో వెన్నెల కిశోర్కి శుభం చెప్పేశా.. మే 9న థియేటర్లలో రిలీజ్ కాబోతుంది’ అని రాసుకొచ్చింది. దీంతో ఈ వీడియో కాస్తా నెట్టింట వైరల్గా మారింది.ఇక దీన్ని చూసిన నెటిజన్లు అయ్యో పాపం కిశోర్ గారు అని కామెంట్స్ చేస్తున్నారు. మరి మీరు కూడా ఈ వీడియోను చూసేయండి.
వైరల్ వీడియో
A post shared by Samantha (@samantharuthprabhuoffl)
సమంత చేసిన ఈ ఫన్నీ ప్రయత్నం సోషల్ మీడియాలో వైరల్ అయ్యింది. మే 9న విడుదలయ్యే ‘శుభం’ సినిమాకు ఇది మంచి ప్రమోషన్ అయ్యిందని చెప్పవచ్చు.
