బిగ్ బాస్ తెలుగు 9లో ఈ వారం ఊహించని ట్విస్ట్ చోటుచేసుకుంది. ఫోక్ సింగర్ రాము రాథోడ్ తన కుటుంబంపై బెంగతో స్వచ్ఛందంగా ఇంటి నుంచి వైదొలిగారు. దీంతోపాటు సాయి శ్రీనివాస ఎలిమినేట్ కావడంతో ఈ వారం డబుల్ ఎలిమినేషన్ ఖరారైంది. ఈ డ్రామా బిగ్ బాస్ ప్రేక్షకులను ఆశ్చర్యపరిచింది.
Key Points
బిగ్ బాస్ తెలుగు 9లో సింగర్ రాము రాథోడ్ వ్యక్తిగత కారణాలతో స్వచ్ఛందంగా వైదొలిగారు.
కుటుంబం, పెంపుడు కుక్కలను మిస్ అవుతున్నానని భావోద్వేగానికి గురై రాము ఈ నిర్ణయం తీసుకున్నారు.
రాము సెల్ఫ్ ఎలిమినేషన్ తర్వాత ఓటింగ్ ద్వారా సాయి శ్రీనివాస కూడా ఇంటి నుంచి ఔట్ అయ్యారు.
ఈ వారం బిగ్ బాస్ 9లో ఊహించని విధంగా డబుల్ ఎలిమినేషన్ చోటుచేసుకుంది.
రాము రాథోడ్ సెల్ఫ్ ఎలిమినేషన్: అసలు ఏం జరిగింది?
బిగ్ బాస్ 9 తెలుగులో ఈ వారం ఊహించని ట్విస్ట్ ఎదురైంది. బిగ్ బాస్ తెలుగు 9 ఈ వారం డబుల్ ఎలిమినేషన్ జరగనుంది. ఈపాటికే తనకు తానుగా ఎలిమినేట్ అయి వెళ్లిపోయాడు ఫోక్ సింగర్ రాము రాథోడ్. పాట పాడి సెల్ఫ్ ఎవిక్ట్ అయ్యాడు రాము. ఇక ఇవాళ మరొకరు హౌజ్ నుంచి ఎలిమినేట్ కానున్నారు. అది ఎవరో తెలుసుకుందాం.
బిగ్ బాస్ 9 తెలుగులో ఊహించని ట్విస్టులు చోటుచేసుకుంటున్నాయి. బిగ్ బాస్ అన్నాక ఇలా అనుకోని ట్విస్టులు, అరుపులు, గొడవలు సర్వసాధారణమే. ఎలిమినేషన్లో ప్రతి రెండు మూడు వారాలకు ఏదో ఒక ట్విస్ట్ ఉంటూనే ఉంటుంది. అది కొన్ని సార్లు డబుల్ ఎలిమినేషన్ అయితే.. మరికొన్ని సార్లు సెల్ఫ్ ఎవిక్ట్ అవుతుంది.
ఎందుకు సెల్ఫ్ ఎలిమినేట్ అయ్యారు? భావోద్వేగ కారణాలు
బిగ్ బాస్ తెలుగు 9 నవంబర్ 8 నాటి ఎపిసోడ్లో వీకెండ్లో భాగంగా హోస్ట్ నాగార్జున వచ్చాడు. వారం అంతా డల్గా ఉన్న రామును ఏమైందని, ఎలా ఉన్నావని నాగార్జున అడిగాడు. కుటుంబం గుర్తుకు వస్తుందని, అమ్మ గుర్తుకు వస్తుందని, నిద్ర పట్టడం లేదని, అందరూ ఉన్న కూడా ఒంటరిగా ఫీల్ అవుతున్నానని రాము రాథోడ్ తెలిపాడు.
“మాది పెద్ద ఫ్యామిలీ. చాలా హడావిడిగా ఉంటుంది. నేను లేకపోతే ఎలా ఉందో అని టెన్షన్గా ఉంది. భయమేస్తుంది సర్. ఇంట్లో ఏడెనిమిది మంది పిల్లలుంటారు. వాళ్లు గుర్తుకు వస్తున్నారు. నేను పెంచుకునే డాగ్స్ గుర్తుకొస్తున్నాయి. ఇక్కడ ఉండలేకపోతున్నాను. సెల్ఫ్ ఎలిమినేట్ అవుతా. వెళ్లిపోతా” అని కన్నీళ్లు పెట్టుకున్నాడు సింగర్ రాము రాథోడ్.
డబుల్ ఎలిమినేషన్: రాముతో పాటు ఎవరు ఔట్?
రాము రాథోడ్ సెల్ఫ్ ఎలిమినేట్ కావడంతో మిగతా కంటెస్టెంట్స్ అంతా భావోద్వేగానికి గురయ్యారు. ఇకపోతే ఈ వారం బిగ్ బాస్ నామినేషన్స్లో రాము రాథోడ్తోపాటు సుమన్ శెట్టి, భరణి శంకర్ , సాయి శ్రీనివాస, తనూజ పుట్టస్వామి, సంజన గల్రాని, కల్యాణ్ పడాల ఏడుగురు ఉన్నారు.
దీనికి సంబంధించిన షూటింగ్ శనివారం (నవంబర్ 8) జరగిపోయింది. ఇవాళ (నవంబర్ 9) సాయి శ్రీనివాస ఎలిమినేషన్ను ప్రసారం చేయనున్నారు. అంటే, రాము రాథోడ్ సెల్ఫ్ ఎవిక్షన్, సాయి శ్రీనివాస ఓటింగ్ ఎలిమినేట్తో బిగ్ బాస్లో ఈ వారం డబుల్ ఎలిమినేషన్ జరిగింది.
బిగ్ బాస్ 9లో రాము రాథోడ్ సెల్ఫ్ ఎలిమినేషన్, సాయి శ్రీనివాస నిష్క్రమణతో ఈ వారం డబుల్ ఎలిమినేషన్ ముగిసింది. ఈ ఊహించని మలుపులతో షో మరింత రసవత్తరంగా మారింది. తదుపరి ఎపిసోడ్లలో ఇంకెన్ని ట్విస్టులు ఉంటాయో వేచి చూడాలి.
