నాగ చైతన్యతో విడిపోయిన తర్వాత సమంత జీవితంలో కొత్త అధ్యాయం మొదలవుతుందా? డైరెక్టర్ రాజ్ నిడమోరుతో ఆమె డేటింగ్ చేస్తుందన్న వార్తలు తెరపైకి వచ్చాయి. ఈ వార్తలపై ఆమె మేనేజర్ ఏం చెప్పారో చూద్దాం.
Key Points
సమంత మరియు రాజ్ నిడమోరు డేటింగ్ వార్తలు వైరల్ అవుతున్నాయి.
సమంత మేనేజర్ ఈ వార్తలను ఖండించారు.
సమంత నిర్మించిన 'శుభం' సినిమాలో రాజ్ క్రియేటివ్ ప్రొడ్యూసర్.
ఇద్దరూ కలిసి ఇల్లు వెతుకుతున్నారని వార్తలు వస్తున్నాయి.
సమంత-రాజ్ నిడమోరు డేటింగ్ రూమర్స్
నాగ చైతన్యతో విడిపోయిన తర్వాత ఒంటరిగానే ఉంటున్న సమంత.. ఇప్పుడు మళ్లీ ప్రేమలో పడిందని, డైరెక్టర్ రాజ్ నిడమోరుతోనే డేటింగ్ చేస్తుందని కొన్నాళ్లుగా వార్తలు వస్తున్న విషయం తెలుసు కదా. తాజాగా ఆమె అతనితో కలిసి ఉండటానికి ఇల్లు కూడా వెతుకుతోందని ఓ రిపోర్ట్ వెల్లడించింది. అయితే ఆమె మేనేజర్ మాత్రం అందులో నిజం లేదంటూ వార్తలను ఖండించారు.
డైరెక్టర్ రాజ్ నిడమోరుతో సమంత కలిసి ఉండబోతోందన్నట్లు విశ్వసనీయ వర్గాలు తెలిపాయని పింక్విల్లా రిపోర్టు వెల్లడించింది. “సమంత, రాజ్ కలిసి ఉండేందుకు ప్లాన్ చేస్తున్నారు. ఇప్పటికే ఇళ్ల కోసం కూడా చూస్తున్నారు. వాళ్లిద్దరూ కలిసి ఉండాలన్న ఉద్దేశంతో ఉన్నారు. ఆ దిశగానే అడుగులు వేస్తున్నారు” అని ఆ రిపోర్టు తెలిపింది.
మేనేజర్ స్పందన
“రాజ్ తన మాజీ భార్య శ్యామలికి 2022లోనే విడాకులు ఇచ్చాడు. ఇప్పుడు సమంతతో కలిసి ఉండాలని అనుకుంటున్నాడు. రాజ్ తన కూతురితో కలిసి కనిపించాడన్న వార్తల్లో నిజం లేదు. అతనికి కూతురే లేదు. ఆమె అతని కోడైరెక్టర్ కృష్ణ డీకే కూతురు” అని కూడా ఈ రిపోర్టు తెలిపింది.
అయితే ఈ వార్తల్లో నిజమెంత అని హిందుస్థాన్ టైమ్స్ సమంత మేనేజర్ ను ప్రశ్నించింది. కానీ అవన్నీ ఉత్త పుకార్లే అని ఒకేమాటలో కొట్టిపారేశారు.
‘శుభం’ సినిమా ప్రభావం
ప్రొడ్యూసర్ గా సమంత నిర్మించిన తొలి సినిమా శుభం . ఈ మూవీకి మంచి రెస్పాన్స్ వస్తుండటంతో ఆ సక్సెస్ ను సమంత.. రాజ్ తో కలిసి ఎంజాయ్ చేస్తోంది. ఈ సినిమా క్రియేటివ్ ప్రొడ్యూసర్ గా రాజ్ వ్యవహరించాడు. శుభం మూవీని సక్సెస్ చేసినందుకు అందరికీ థ్యాంక్స్ చెబుతూ చేసిన పోస్టులో సమంత.. రాజ్ తో సన్నిహితంగా ఉన్న ఫొటోలను షేర్ చేసింది. చాలా రోజులుగా వీళ్లు డేటింగ్ లో ఉన్నారన్న వార్తల నేపథ్యంలో ఈ ఫొటోలు వాటికి మరింత బలం చేకూర్చాయి.
రాజ్ అండ్ డీకే దర్శక ద్వయంలో ఒకడైన రాజ్ గతంలో శ్యామలీ డేను పెళ్లి చేసుకున్నాడు. ఆమె ఓ అసిస్టెంట్ డైరెక్టర్. గతంలో రాకేష్ ఓంప్రకాశ్ మెహరా, విశాల్ భరద్వాజ్ లాంటి వాళ్లతో కలిసి పని చేసింది. రాజ్, శ్యామలీ పెళ్లి చేసుకున్నా.. 2022లో విడిపోయారు. ఇటు సమంత కూడా 2021లో నాగ చైతన్యకు విడాకులు ఇచ్చిన విషయం తెలిసిందే. అప్పటి నుంచి ఒంటరిగానే ఉంటోంది.
చివరిగా, సమంత మరియు రాజ్ నిడమోరు డేటింగ్ వార్తలపై ఆమె మేనేజర్ స్పష్టత ఇచ్చారు. అయితే, వార్తల నిజానిజాలను తెలుసుకోవడానికి ఇంకా సమయం పట్టవచ్చు.
