ప్రముఖ సినీ నేపథ్య గాయని రావు బాల సరస్వతీ దేవి మృతి చెందారు. ఆమె మృతి పట్ల వైఎస్సార్సీపీ అధ్యక్షుడు వైఎస్ జగన్మోహన్రెడ్డి ప్రగాఢ సంతాపం వ్యక్తం చేశారు. తెలుగు సంగీత ప్రపంచంలో తన అద్భుత గాత్రంతో ప్రత్యేక ముద్ర వేసిన బాల సరస్వతీ దేవి తొలి సినీ నేపథ్య గాయనిగా గుర్తింపు పొందారు.
Key Points
గాయని బాల సరస్వతీ దేవి మృతిపై వైఎస్ జగన్ ప్రగాఢ సంతాపం వ్యక్తం చేశారు.
తెలుగు సినీ ప్రపంచంలో తొలి నేపథ్య గాయనిగా ఆమె తనదైన ముద్ర వేశారు.
ఆరేళ్ల వయసు నుంచే గానం మొదలుపెట్టి, 2000కి పైగా పాటలు ఆలపించారు.
తెలుగుతో పాటు తమిళ, కన్నడ, హిందీ భాషల్లోనూ ఆమె పాటలు పాడారు.
వైఎస్ జగన్ సంతాపం
సాక్షి, తాడేపల్లి: సినీ నేపథ్య గాయని బాల సరస్వతీ దేవి మృతిపై వైఎస్సార్సీపీ అధ్యక్షుడు, మాజీ ముఖ్యమంత్రి వైఎస్ జగన్మోహన్రెడ్డి సంతాపం వ్యక్తం చేశారు. ‘‘తెలుగు సంగీత ప్రపంచంలో బాల సరస్వతీ దేవి తన అద్భుత గాత్రంతో ప్రత్యేక ముద్ర వేశారు. తొలి సినీ నేపథ్య గాయని రావు బాల సరస్వతీ దేవిగారి మృతి పట్ల సంతాపాన్ని తెలియజేస్తున్నా.. ఆమె ఆత్మకు శాంతి చేకూరాలని దేవుడిని ప్రార్థిస్తూ, కుటుంబ సభ్యులకు నా ప్రగాఢ సానుభూతిని వ్యక్తం చేస్తున్నా’’ అంటూ వైఎస్ జగన్ ట్వీట్ చేశారు.
తెలుగులో తొలి మహిళా సింగర్ రావు బాలసరస్వతి దేవి (97) ఇవాళ ఉదయం (అక్టోబర్ 15) హైదరాబాద్లో తుదిశ్వాస విడిచారు. బాలసరస్వతి.. స్వాతంత్ర్యం రాకముందు జన్మించారు. 1928లో పుట్టిన ఆమె ఆరేళ్ల వయసు నుంచే పాటలు పాడటం మొదలుపెట్టారు. మొదటగా రేడియోలో ఆకాశవాణి కార్యక్రమంతో తెలుగువారికి పరిచయమయ్యారు. సతీ అనసూయ (1936) సినిమాలో తొలిసారి పాట పాడారు. తెలుగుతో పాటు తమిళ, కన్నడ, హిందీ భాషల్లోనూ అనేక పాటలు ఆలపించారు. దాదాపు రెండువేలకి పైగా సాంగ్స్ పాడారు.
బాల సరస్వతీ దేవి సినీ ప్రస్థానం
తొలి నేపథ్య గాయనిగా చరిత్ర
తొలి సినీ నేపథ్య గాయనిగా బాల సరస్వతీ దేవి తెలుగు సినిమా సంగీత చరిత్రలో చెరగని ముద్ర వేశారు. ఆమె మరణం సినీ రంగానికి తీరని లోటు. ఆమె ఆత్మకు శాంతి చేకూరాలని ఆశిస్తున్నాం.
