పబ్లిక్గా స్టేజ్ పై హీరోయిన్ నడుము తాకిన సింగర్ వీడియో వైరల్ అయింది. ఈ ఘటనతో సినీ ఇండస్ట్రీలో కలకలం రేగుతోంది. నటి అంజలి రాఘవ్ తీవ్రంగా స్పందించి, ఇండస్ట్రీకి గుడ్ బై చెప్పింది.
Key Points
స్టేజ్ పై సింగర్ పవన్ సింగ్ అంజలి రాఘవ్ నడుమును అసభ్యంగా తాకడం
వీడియో వైరల్ అవ్వడంతో విమర్శలు వెల్లువెత్తడం
ఈ ఘటన తరువాత అంజలి భోజ్ పురి ఇండస్ట్రీకి గుడ్ బై చెప్పడం
స్టేజ్ పై అనుచిత ప్రవర్తన
షాకింగ్.. పబ్లిక్ గా స్టేజ్ పై ఓ నటి నడుమును సింగర్ తాకిన వీడియో కలకలం రేపుతోంది. ఇప్పుడు సినీ ఇండస్ట్రీలో ఇది చర్చనీయాంశంగా మారింది. ఇటీవల లగావేలు లిప్ స్టిక్ ఫేమ్ సింగర్ పవన్ సింగ్, నటి అంజలి రాఘవ్ లు లక్నోలో తమ కొత్త పాట సయ్యా సేవా కరేను ప్రమోట్ చేశారు. ఈ ప్రొగ్రామ్ లో అంజలి మాట్లాడుతుండగా పవన్ ఆమె నడుమును అసభ్యకరంగా తాకాడు. ఈ వీడియో వైరల్ గా మారింది.
అంజలి నడుమును పవన్ అనుచితంగా తాకిన వీడియో నెట్టింట హల్ చల్ చేయడంతో విమర్శలు వెల్లువెత్తాయి. అయితే ఈ ఘటనపై ఎట్టకేలకు మౌనం వీడిన అంజలి భోజ్ పురి ఇండస్ట్రీ నుంచి తప్పుకుంటున్నట్లు ప్రకటించింది. పవన్ సింగ్ తన నడుమును అనుచితంగా తాకాడని అంజలి రాఘవ్ ఆగ్రహం వ్యక్తం చేసింది. ఈ మేరకు ఇన్ స్టాగ్రామ్ లో వీడియోలు పోస్టు చేసింది.
హిందీలో అంజలి మాట్లాడుతూ.. ‘గత రెండు రోజులుగా నేను చాలా డిస్టర్బ్ అయ్యాను. లక్నో ఘటనకు సంబంధించి నేను ఎందుకు మాట్లాడలేదు, ఎందుకు చర్యలు తీసుకోలేదు, ఎందుకు చెంపదెబ్బ కొట్టలేదు అని పదేపదే అడుగుతున్నారు. కొందరు నన్ను కూడా నిందిస్తున్నారు. కొన్ని మీమ్స్ లో ‘ఆమె నవ్వింది, ఎంజాయ్ చేస్తోంది’ అని రాస్తున్నారు. నేను అలా బహిరంగంగా స్పర్శిస్తే సంతోషిస్తానా లేదా ఆనందిస్తావా?” అని అంజలి ఆగ్రహం వ్యక్తం చేసింది.
ఈ పాట కోసం పవన్ సింగ్ నుంచి తనకు ఫోన్ వచ్చినప్పుడు అందులో అనుచితమైన కాస్ట్యూమ్స్, సీన్లు, డబుల్ మీనింగ్ లిరిక్స్ ఉండవని ఆయనతో కన్ఫర్మ్ చేశానని ఆమె వివరించింది. షూటింగ్ సమయంలో తనకు ఒక్కసారి కూడా అసౌకర్యంగా అనిపించలేదని, అందుకే లక్నో కార్యక్రమానికి హాజరయ్యేందుకు అంగీకరించానని ఆమె వెల్లడించింది.
వైరల్ వీడియో మరియు విమర్శలు
లక్నో కార్యక్రమంలో ఏం జరిగిందో అంజలి వివరించింది. తన నడుముపై ఏదో అంటుకుందని, తన చీర కొత్తగా ఉండటంతో అది తన బ్లౌజ్ ట్యాగ్ అయి ఉండొచ్చని పవన్ తనతో చెప్పినట్లు ఆమె గుర్తు చేసుకుంది.
“ఏదో అంటుకుందని మళ్లీ చెప్పాడు. కాబట్టి నిజంగా ఏదో ఉందని అనుకున్నా. తరువాత నేను నా టీమ్ సభ్యుడిని పిలిచి ఏదైనా ఉందా అని అడిగినప్పుడు, వారు అక్కడ ఏమీ లేదని చెప్పారు. అప్పుడు నాకు చాలా బాధ కలిగింది. నాకు కోపం వచ్చింది. ఏడవాలని అనిపించింది. కానీ నాకు ఏం చేయాలో తోచలేదు, ఎందుకంటే అక్కడున్న వారంతా అతని ఫ్యాన్స్. వారిని దేవుడు అని పిలుస్తూ, వారి కాళ్ల మీద పడి తమను తాము భక్తులు అని పిలుచుకుంటారు’’ అని అంజలి వివరించింది.
ఈ విషయం సోషల్ మీడియా లో వైరల్ కావడంతో తాను పవన్ టీమ్ ను సంప్రదించడానికి ప్రయత్నించానని, కానీ ఎవరూ స్పందించలేదని అంజలి పేర్కొంది. ట్రోల్స్ పై తాను స్పందించాలనుకున్నానని, అయితే పవన్ పీఆర్ టీం చాలా స్ట్రాంగ్ గా ఉందని, అది తనకు ఎదురుదెబ్బ తగిలే అవకాశం ఉందని ఎవరో తనకు సలహా ఇచ్చారని ఆమె చెప్పింది. తన అనుమతి లేకుండా ఏ అమ్మాయిని తాకడాన్ని తాను ఎంతమాత్రం సమర్థించబోనని స్పష్టం చేసింది.
అంజలి రాఘవ్ స్పందన మరియు నిర్ణయం
‘‘ఇది చాలా తప్పు. ఇలా ఒకరిని తాకడం చాలా తప్పు. హర్యానాలో ఇదే జరిగి ఉంటే నేను స్పందించాల్సిన అవసరం కూడా ఉండేది కాదు. అక్కడి ప్రజలే సమాధానం చెప్పేవారు. కానీ నేను వారి స్థానంలో, లక్నోలో ఉన్నాను. నేను ఇకపై భోజ్ పురి పరిశ్రమలో పనిచేయను’’ అని అంజలి చెప్పింది.
ఈ వీడియోలో పవన్, అంజలి వేదిక మీద పక్కపక్కనే నిల్చొని ఉన్నారు. అంజలి మెరిసే బంగారు చీర ధరించి ప్రేక్షకులను ఉద్దేశించి ప్రసంగించగా, పవన్ తెలుపు కోటు, ప్యాంటు ధరించారు. అంజలి ప్రేక్షకులతో ఇంటరాక్ట్ అవుతుండగా, పవన్ ఆమె నడుమును తాకాడు. మొదట చిరునవ్వు నవ్వి మాట్లాడటం కొనసాగించింది.
పవన్ మళ్ళీ ఆమె నడుము ను తాకడంతో ఆమె అసౌకర్యానికి గురైంది. ఆ తర్వాత చేయి తీయాలని కోరగా అతను నిరాకరించాడు. పవన్ ఆమె నడుమును తాకుతూనే ఉన్నాడు. కాసేపటి తర్వాత అతను “సరే” అని చెప్పి తన చేతిని తొలగించాడు. అంజలిని అనుచితంగా తాకినందుకు సింగర్ పై రెడ్డిట్ యూజర్లు మండిపడుతున్నారు.
ఈ సంఘటన సినీ పరిశ్రమలో తీవ్ర చర్చకు దారితీసింది. అంజలి రాఘవ్ నిర్ణయం అనేక ప్రశ్నలను లేవనెత్తింది. ఈ విషయంపై తగిన చర్యలు తీసుకోవాలని ప్రేక్షకులు డిమాండ్ చేస్తున్నారు.
