‘పెళ్లి సందడి’తో టాలీవుడ్లోకి అడుగుపెట్టిన శ్రీలీల.. తన అద్భుతమైన నటన, డాన్స్ తో మంచి గుర్తింపు తెచ్చుకుంది. తాజాగా ఆమె గురించి ఓ వార్త వైరల్గా మారింది.
Key Points
శ్రీలీల తన నటనతో పాటు డ్యాన్స్ తోనూ అభిమానులను మెప్పిస్తోంది.
‘పుష్ప-2’లో ‘కిస్సిక్’ ఐటెం సాంగ్లో శ్రీలీల అద్భుతమైన నృత్యం ఆకట్టుకుంది.
శ్రీలీల ప్రస్తుతం పలు తెలుగు, తమిళ, బాలీవుడ్ చిత్రాలలో నటిస్తోంది.
కార్తిక్ ఆర్యన్ తో శ్రీలీల డేటింగ్ రూమర్స్ బలపడుతున్నాయి.
శ్రీలీల సినిమా ప్రస్థానం
‘పెళ్లి సందడి’(Pelli Sandadi) సినిమాతో టాలీవుడ్ ఇండస్ట్రీకి ఎంట్రీ ఇచ్చిన యంగ్ బ్యూటీ శ్రీ లీల(Sree Leela) గురించి ప్రత్యేకంగా చెప్పాల్సిన పనిలేదు. తన ఫస్ట్ మూవీతోనే ఓవర్ నైట్ స్టార్గా మారిపోయింది ఈ భామ. దీంతో వరుస ఆఫర్లు క్యూ కట్టాయి. అలా దాదాపు స్టార్ హీరోలందరి సరసన నటించి మెప్పించింది. ఇక ఈ అమ్మడు డ్యాన్స్కి అయితే ప్రత్యేక ఫ్యాన్ ఫాలోయింగ్ ఉందని అనడంలో ఏమాత్రం అతిశయోక్తి లేదు. రీసెంట్ సుకుమార్(Sukumar) డైరెక్షన్లో అల్లు అర్జున్(allu Arjun) హీరోగా, రష్మిక మందన్న(Rashmika Mandanna) హీరోయిన్గా నటించిన పుష్ప-2(Pushpa-2) మూవీలో శ్రీలీల ‘కిస్సిక్’(Kissik) అనే ఐటెం సాంగ్లో చిందులేసింది.
ఆ బ్యూటీ డాన్స్కి ఫుల్ మార్కులే పడ్డాయి. ప్రస్తుతం ఈ ముద్దుగుమ్మ.. రవితేజ(Raviteja) ‘మాస్ జాతర’, విజయ్ దేవరకొండ(Vijay Devarakonda) నటిస్తున్న ‘VD-12’, శివ కార్తికేయన్(Sivakarthikeyan) ‘పరాశక్తి’(Parasakthi) మూవీతో పాటు బాలీవుడ్ స్టార్ హీరో సైఫ్ అలీఖాన్(Saif Ali Khan) కొడుకు ఇబ్రహీం అలీ ఖాన్(Ibrahim Ali Khan) సరసన ఓ హారర్ కామెడీ థ్రిల్లర్ సినిమాలో నటిస్తోంది. అలా వరుస సినిమాలతో బిజీగా ఉన్నప్పటికీ చదువులోనూ యాక్టీవ్గా ఉంటూ తన పై చదువులు పూర్తి చేసుకుంటుంది. అంతేకాకుండా నిత్యం సోషల్ మీడియా(social Media)లోనూ నిత్యం యాక్టీవ్గా ఉంటూ తన హాట్ హాట్ ఫొటోలతో కుర్రకారుకు హీట్ పుట్టిస్తోంది.
కార్తిక్ ఆర్యన్ తో డేటింగ్ రూమర్స్
ఈ క్రమంలో ఓ వీడియో నెట్టింట చక్కర్లు కొడుతోంది. ఇటీవల ముంబయిలో బాలీవుడ్ నటుడు కార్తీక్ ఆర్యన్తో కలిసి కనిపించడం సోషల్ మీడియాలో హాట్ టాపిక్గా మారింది. ముంబయిలోని ఓ రెస్టారెంట్ నుంచి బయటకు వస్తున్న వీడియో నెట్టింట హల్ చల్ చేస్తుంది. శ్రీలీల- కార్తిక్ ముంబయి సిటీలో డిన్నర్ చేసేందుకు వెళ్లగా కెమెరాలకు చిక్కారు. ఇందులో శ్రీలీల ట్రెండీ ఔట్ఫిట్లో మెరవగా, కార్తిక్ క్యాజువల్ లుక్లో కనిపించారు. అయితే ఈ ఇద్దరూ రిలేషన్షిప్లో ఉన్నారని కొంత కాలంగా ప్రచారం సాగుతోంది. ఈ నేపథ్యంలో తాజాగా డిన్నర్కు వెళ్లడంతో ఈ రూమర్స్కు బలం చేకూరినట్లైంది.
వైరల్ వీడియో
నిజంగానే ఈ ఇద్దరి మధ్య ఏదో ఉందంటూ కామెంట్స్ పెడుతున్నారు. కాగా శ్రీలీల- ఆర్యన్ ప్రస్తుతం అనురాగ్ బసుతో ఓ సినిమా చేస్తున్నారు. ఈ చిత్రం రొమాంటిక్ బ్యాగ్ డ్రాప్లో తెరకెక్కుతోంది. ఇందులో లీడ్ రోల్స్లో కనిపించనున్నారు. ఈ క్రమంలోనే వీళ్లద్దరూ తరచూ కలవడం, కెమెరా కంటికి చిక్కడం లాంటివి జరుతున్నాయి. తాజాగా షూటింగ్ కంప్లీట్ అయ్యాక డిన్నర్కు వెళ్లినట్లు తెలుస్తోంది. గతంలో కూడా వీళ్లపై ఇలాంటి రూమర్సే వచ్చాయి. కానీ, దీనిపై ఈ ఇద్దరూ క్లారిటీ ఇవ్వలేదు. Link
శ్రీలీల-కార్తిక్ ఆర్యన్ డేటింగ్ వార్తలపై అధికారిక ప్రకటన రావాల్సి ఉంది. ప్రస్తుతం వీరిద్దరూ కలిసి ఓ సినిమాలో నటిస్తుండటం ఈ వార్తలకు మరింత బలం చేకూర్చుతోంది.
