📌 Key Points
- సూర్య కరుప్పు మూవీ రిలీజ్ డేట్ ఫిక్స్! సమ్మర్ లో విడుదల కానుందని ప్రకటన!
- డైరెక్టర్ ఆర్జే బాలాజీ సంచలన వ్యాఖ్యలు! అంచనాలు తగ్గించాలని కోరిక!!
- ఈ సినిమాలో సూర్య సరసన త్రిష! వీరిద్దరి కాంబో కోసం ఫ్యాన్స్ ఎదురుచూపులు!
- కంగువ డిజాస్టర్ తర్వాత సూర్య చేస్తున్న సినిమా! హిట్ కొట్టేనా చూడాలి!
సూర్య అభిమానులకు ఇది నిజంగా పండగే! ఎట్టకేలకు సూర్య ‘కరుప్పు’ సినిమా విడుదల తేదీ ఖరారైంది. డైరెక్టర్ ఆర్జే బాలాజీ చేసిన తాజా ప్రకటనతో అభిమానుల్లో ఆనందం వెల్లువెలుస్తుంది. ఈ సినిమా సమ్మర్ లో విడుదల కానుంది.
కరుప్పు సినిమా రిలీజ్ పై డైరెక్టర్ క్లారిటీ!
Karuppu; తమిళ స్టార్ సూర్య గత కొంతకాలంగా హిట్ లేక బాధపడుతున్నారు. ఆయన నటించిన గత చిత్రం కంగువ భారీ అంచనాల మధ్య విడుదలై డిజాస్టర్ గా నిలిచింది. దాంతో సూర్య సాలిడ్ కంబ్యాక్ కోసం ఆయన ఫ్యాన్స్ ఈగర్ గా వెయిట్ చేస్తున్నారు. దాంతో, కంగువ తరువాత చాలా గ్యాప్ తీసుకొని సూర్య చేస్తున్న సినిమా కరుప్పు(Karuppu). దర్శకుడు ఆర్జే బాలాజీ తెరకెక్కిస్తున్న ఈ సినిమాలో త్రిష హీరోయిన్ గా నటిస్తోంది.
ఇప్పటికే ఈ సినిమా నుంచి విడువులైన టీజర్ కి ఆడియన్స్ నుంచి క్రేజీ రెస్పాన్స్ వచ్చింది. అలాగే సినిమాపై అంచనాలను కూడా ఒక రేంజ్ లో పెంచేసింది. అందుకే, ఈ సినిమా ఎప్పుడెప్పుడు విడుదల అవుతుందా అని ఫ్యాన్స్ ఎదురుచూస్తున్నారు. అయితే, మరికొన్ని రోజుల్లో కరుప్పు సినిమా థియేటర్స్ లోకి వస్తుంది అని భావిస్తున్న వేల చిత్ర దర్శకుడు ఆర్జే బాలాజీ షాకింగ్ కామెంట్స్ చేశాడు.
సూర్య సినిమాపై అంచనాలు తగ్గించాలని కామెంట్స్
తాజాగా మీడియాతో ఇంటరాక్ట్ అయిన దర్శకుడు కరుప్పు సినిమా రిలీజ్ గురించి మాట్లాడుతూ.. “ప్రెజెంట్ జనరేషన్ లో ఆడియన్స్ సినిమాలను చాలా లోతుగా విశ్లేషిస్తున్నారు. అందుకే కరుప్పు సినిమాకు అంచనాలను విపరీతంగా పెంచాలని భావించడం లేదు. మేము అనుకున్నదానికన్నా సినిమా చాలా బాగా వచ్చింది. అందరికీ నచ్చుతుంది నచ్చుతుంది అన్న నమ్మకం ఉంది. సూర్య అభిమానులు ‘కరుప్పు’ అప్డేట్స్ కోసం ఈగర్ గా వెయిట్ చేస్తున్నారు.
సమ్మర్ లో కరుప్పు విడుదల! ఫ్యాన్స్ వెయిటింగ్!!
ఇప్పుడు తమిళనాట శాసనసభ ఎన్నికల హడావుడి నెలకొంది. అందుకే, కరుప్పు సినిమాను ఎన్నికల ముగిసాక, సమ్మర్ లో విడుదల చేయాలని ప్లాన్ చేస్తున్నాం. ఈ సినిమా కేవలం మాస్ ప్రేక్షకులకు మాత్రమే కాకుండా.. ఫ్యామిలీ, స్టూడెంట్స్, పిల్లలు, అందరితో కలిసి ఎంజాయ్ చేసేలా ఉంటుంది” అంటూ చెప్పుకొచ్చాడు. దీంతో దర్శకుడు బాలాజీ చేసిన ఈ కామెంట్స్ ఇప్పుడు వైరల్ అవుతున్నాయి. అయితే, ఎట్టకేలకు కరుప్పు సినిమా రిలీజ్ పై క్లారిటీ వచ్చింది అంటూ సూర్య ఫ్యాన్స్ ఆనందం వ్యక్తం చేస్తున్నారు. మరి చాలా గ్యాప్ తరువాత సూర్య చేస్తున్న కరుప్పు సినిమా ఎలాంటి విజయాన్ని అందిస్తుంది అనేది చూడాలి.
సూర్య ‘కరుప్పు’ సినిమా విడుదల గురించి వస్తున్న ఈ వార్త సంచలనం రేపుతోంది. సూర్య ఈ సినిమాతో ఎలాంటి విజయాన్ని అందుకుంటాడో చూడాలి. మరిన్ని అప్డేట్స్ కోసం చూస్తూ ఉండండి.
