📌 Key Points
- టీ20 ప్రపంచ కప్ ఫైనల్లో న్యూజిలాండ్తో భారత్ తలపడనుంది.
- అహ్మదాబాద్లో భారత్కు ఐసీసీ టోర్నమెంట్లలో అంత మంచి రికార్డు లేదు.
- 2023 వన్డే వరల్డ్ కప్ ఫైనల్లో భారత్ ఓటమిపాలైంది, అలాగే సౌతాఫ్రికాతో మ్యాచ్లోనూ ఓడింది.
- బుమ్రా నుంచి ముప్పు ఉందని న్యూజిలాండ్ కెప్టెన్ మిచెల్ శాంట్నర్ పేర్కొన్నాడు.
టీ20 ప్రపంచ కప్ ఫైనల్ మ్యాచ్లో భారత్, న్యూజిలాండ్ జట్లు రేపు తలపడనున్నాయి. అయితే, అహ్మదాబాద్లో భారత్కు ఉన్న ప్రతికూల రికార్డు అభిమానులను ఆందోళనకు గురిచేస్తోంది. ఈ మ్యాచ్ ఫలితంపై సర్వత్రా ఉత్కంఠ నెలకొంది.
ఫైనల్లో భారత్, న్యూజిలాండ్ ఢీ
టీ20 ప్రపంచకప్లో భాగంగా రేపు ఆదివారం హైవోల్టేజ్ మ్యాచ్ జరుగనుంది. ఫైనల్ మ్యాచ్లో టైటిల్ కోసం న్యూజిలాండ్-భారత్ జట్లు తలపడనున్నాయి. గుజరాత్, అహ్మదాబాద్లోని నరేంద్ర మోడీ మైదానం దీనికి వేదికైంది. సెమీ ఫైనల్లో అద్భుత ప్రదర్శనతో రెట్టింపు ఉత్సాహంతో ఉన్న కివీస్ను.. కాస్త తడబడుతూ ఫైనల్కు చేరుకున్నా టీమిండియా ఢీకొట్టనుంది.
అహ్మదాబాద్లో టీమిండియా రికార్డు ఎలా ఉంది?
అయితే.. ఫైనల్ మ్యాచ్కు ముందు భారత అభిమానులకు కొత్త టెన్షన్ పట్టుకుంది. తుదిపోరు జరిగే అహ్మదాబాద్ స్టేడియంలో ఐసీసీ టోర్నమెంట్లలో ఇండియాకు మంచి రికార్డు లేదు. 2023 వన్డే వరల్డ్ కప్లో ఓటమి ఎరుగని భారత్ అహ్మదాబాదులో జరిగిన ఫైనల్లో కంగుతిని కప్పు కోల్పోయింది. తాజా వరల్డ్లో సౌతాఫ్రికాపై 76 రన్స్ తేడాతో ఓడిపోయింది. 2023 నుంచి భారత్ ICC టోర్నమెంట్లలో రెండే మ్యాచులు ఓడిపోగా ఆ రెండూ అహ్మదాబాద్లోనే జరగడం గమనార్హం. ఈ నేపథ్యంలో రేపేం జరుగబోతుందో అని అభిమానులు టెన్షన్ పడుతున్నారు.
బుమ్రా గురించి న్యూజిలాండ్ కెప్టెన్ వ్యాఖ్యలు
మరోవైపు రేపటి ఫైనల్ మ్యాచ్పై న్యూజిలాండ్ కెప్టెన్ మిచెల్ శాంట్నర్ కీలక వ్యాఖ్యలు చేశారు. టీమిండియాలో స్టార్ పేసర్ బుమ్రా నుంచి మాకు ముప్పు పొంచి ఉంది. అతని నుంచి తప్పకుండా మాకు సవాల్ తప్పదు. కానీ కేవలం బుమ్రాతోనే కాదు.. భారత జట్టులోని ప్రతి ఒక్క ప్లేయర్తోనూ మేం జాగ్రత్తగా ఉండాల్సిందే. బ్యాటింగ్ లేదా బౌలింగ్ విభాగాల్లో సమష్టిగా రాణిస్తూ వారు ఈ దశ వరకు చేరుకున్నారు. ఒక్కొక్కసారి ఒక్కో ప్లేయర్ ముందుకు వచ్చి జట్టును విజయ పథం వైపు నడిపించారు అని శాంట్నర్ పేర్కొన్నాడు.
భారత జట్టు అహ్మదాబాద్లో తమకున్న చెడు రికార్డును అధిగమించి, న్యూజిలాండ్పై గెలుపొందుతుందా లేదా అనేది చూడాలి. అభిమానుల ఆశలు, ఆందోళనల మధ్య మ్యాచ్ ఫలితం ఎలా ఉండబోతోందో వేచి చూడాల్సిందే.
