ప్రస్తుత చిత్ర పరిశ్రమలో సెలబ్రిటీలు కెరీర్కు ప్రాధాన్యత ఇస్తూ ఆలస్యంగా వివాహాలు చేసుకుంటున్నారు. దీనితో చాలా మంది నటీనటులు, నిర్మాతలు లేటు వయసులో తల్లిదండ్రులు అవుతున్నారు. ముఖ్యంగా 50 ఏళ్లు దాటిన తర్వాత కూడా తండ్రులైన టాలీవుడ్, బాలీవుడ్ ప్రముఖుల వివరాలను ఈ కథనంలో తెలుసుకుందాం.
Key Points
నిర్మాత దిల్ రాజు 50 ఏళ్ల వయసులో రెండో వివాహం అనంతరం కొడుకుకు తండ్రయ్యారు.
విలక్షణ నటుడు ప్రకాష్ రాజ్ కూడా 50 ఏళ్ల వయసులో రెండో భార్యతో కుమారుడిని పొందారు.
ప్రభుదేవా 50 ఏళ్ళ వయసులో రెండో వివాహం చేసుకుని కుమార్తెకు తండ్రి అయినట్లు అయింది.
సంజయ్ దత్ 52, సైఫ్ అలీ ఖాన్ 50, అర్బాజ్ ఖాన్ 58 ఏళ్ళ వయసులో తండ్రులయ్యారు.
టాలీవుడ్లో ఆలస్యంగా తండ్రులైన స్టార్లు
ప్రస్తుతం చిత్ర పరిశ్రమలో నటీనటులు కాస్త ఆలస్యంగానే వివాహాలు చేసుకుంటున్నారు. కెరీర్ కి ప్రాధాన్యత ఇవ్వడంతో పెళ్ళిళ్ళు ఆలస్యంగా జరుగుతున్నాయి. దీనితో సెలెబ్రిటీలు లేటు వయసులో తల్లిదండ్రులు అవుతున్నారు. 50 ప్లస్ ఏజ్ లో కూడా తండ్రులైన నటులు ఉన్నారు. దిల్ రాజు, ప్రకాష్ రాజ్, కృష్ణం రాజు లాంటి వారు 50 ఏళ్ళ తర్వాత కూడా తండ్రులు అయ్యారు. ఆ వివరాలు ఈ కథనంలో తెలుసుకుందాం.
స్టార్ ప్రొడ్యూసర్ దిల్ రాజు తన సతీమణి అనిత మరణించిన తర్వాత తేజస్విని అనే మహిళని రెండో వివాహం చేసుకున్నారు. 2022లో దిల్ రాజు, తేజస్విని దంపతులకు కొడుకు జన్మించాడు. అప్పటికి దిల్ రాజు వయసు 50 ఏళ్ళు.
విలక్షణ నటుడిగా భారత చిత్ర పరిశ్రమలో గుర్తింపు పొందిన ప్రకాష్ రాజ్ గురించి పరిచయం అవసరం లేదు. ప్రకాష్ రాజ్ 2010లో పోనీ వర్మని రెండో వివాహం చేసుకున్నారు. 2015లో ప్రకాష్ రాజ్, పోనీ వర్మ దంపతులకు 2015లో వేదాంత్ అనే కొడుకు జన్మించాడు. తొలి భార్యతో ప్రకాష్ రాజ్ కి ఆల్రెడీ పిల్లలు ఉన్నారు. వేదాంత్ జన్మించే సమయానికి ప్రకాష్ రాజ్ వయసు 50 ఏళ్ళు.
విలక్షణ నటులుగా ఆలస్య తండ్రులు
ఇండియన్ మైఖేల్ జాక్సన్ గా గుర్తింపు పొందిన ప్రభుదేవా తన మొదటి భార్య రామలత నుంచి విడిపోయిన సంగతి తెలిసిందే. ఆ తర్వాత ప్రభుదేవా.. హిమనీ సింగ్ ని రెండో వివాహం చేసుకున్నారు. ఈ దంపతులకు 2023లో కుమార్తె జన్మించింది. దీనితో ప్రభుదేవా కూడా 50 ఏళ్ళ వయసులో తండ్రి అయినట్లు అయింది.
బాలీవుడ్ స్టార్ సంజయ్ దత్ తన మూడవ భార్య మనయత దత్ తో 2010లో కవలపిల్లలకు తండ్రి అయ్యారు. ఆ సమయంలో సంజయ్ దత్ వయసు 52 ఏళ్ళు.
సైఫ్ అలీ ఖాన్ 2012లో కరీనా కపూర్ తో రెండో వివాహం జరిగింది. సైఫ్ కి అంతకు ముందే అమృత సింగ్ తో వివాహం జరిగింది. ఈ దంపతులకు సారా అలీ ఖాన్, ఇబ్రహీం అలీ ఖాన్ సంతానం ఉన్నారు. సైఫ్ కి కరీనాతో కూడా ఇద్దరు కుమారులు సంతానం కలిగారు. వీరికి చిన్న కుమారుడు జహంగీర్ 2021లో జన్మించాడు. ఆ సమయంలో సైఫ్ వయసు 50 ఏళ్ళు.
బాలీవుడ్ స్టార్స్, 50 ప్లస్ లో తండ్రి అయినవారు
దివంగత నటుడు, టాలీవుడ్ రెబల్ స్టార్ కృష్ణం రాజు 1996లో శ్యామల దేవిని రెండో వివాహం చేసుకున్నారు. అప్పటికే కృష్ణం రాజు వయసు 50 ప్లస్. వీరికి ముగ్గురు కుమార్తెలు సంతానం.
సల్మాన్ ఖాన్ సోదరుడు అర్బాజ్ ఖాన్ ఏకంగా 58 ఏళ్ళ వయసులో మరోసారి తండ్రి అయ్యారు. ఇటీవలే అర్బాజ్ ఖాన్, షురా దంపతులకు కుమార్తె జన్మించింది. అర్బాజ్ ఖాన్ కి ఇప్పటికే మలైకా అరోరాతో 22 ఏళ్ళ కొడుకు ఉన్నాడు. అర్బాజ్, మలైకా విడిపోయిన సంగతి తెలిసిందే.
50 ఏళ్ల వయసులో తండ్రులు కావడం ప్రస్తుత చిత్ర పరిశ్రమలో ట్రెండ్గా మారుతోంది. కెరీర్, వ్యక్తిగత జీవితాన్ని సమన్వయం చేసుకుంటూ లేటు వయసులో కూడా సెలబ్రిటీలు సంతానం పొందుతున్నారు. ఇది వారి వ్యక్తిగత ఎంపికకు నిదర్శనం.
